2022 ꓘꓳꓼ 8 ꓦ 3 ꓠꓬꓲ ꓕꓯꓽ ꓳ-ꓢꓲ-ꓔꓯ-ꓡꓲ-ꓬ ꓗꓴꓷꓼ ꓗꓪ ꓟ ꓑ-ꓔꓲ ꓕꓲꓽ ꓟ ꓡꓰ ꓠꓴꓖ ꓠꓬ ꓟꓬ-ꓟ ꓗꓴꓷꓼ ꓙꓵꓽ ꓜꓴ ꓥꓳ ꓐꓰ ꓘꓳ ꓣꓴ ꓗꓷꓳ꓿
ꓳ-ꓢꓲ-ꓔꓯ-ꓡꓲ-ꓬ ꓗꓴꓷꓼ ꓗꓪ ꓠꓴꓖ ꓝꓲ ꓓꓴ ꓙꓵꓽ ꓦꓲ ꓒꓴ ꓑꓮꓲ ꓬꓰˍ ꓟ ꓗꓪ The Australian Greens ꓑ-ꓔꓲ ꓡꓰ ꓕꓱ ꓡꓱ ꓘꓳ ꓣꓴ ꓗꓷ ꓟ ꓥ ꓢꓲ꓾ ꓗꓴꓷꓼ ꓙꓵꓽ ꓜꓴ ꓐꓰ ꓠꓱꓸ ꓐꓯꓼ ꓑ-ꓔꓲ ꓐꓴ ꓥ ꓟꓲ ꓠꓲꓹ ꓞ ꓘꓳ ꓣꓴ ꓠꓹ ꓟ ꓓꓽ ꓔꓳꓹ ꓢꓯꓼ ꓖꓶ ꓩꓴ ꓡ ꓡꓳ꓿
“ꓠꓴꓖ ꓠꓬ ꓬꓲꓸ ꓡꓲꓽ ꓡꓳ ꓚ ꓑ ꓫꓬ ꓡꓰꓽ ꓢꓲꓻ ꓔꓸ ꓟ ꓟꓬ-ꓟ ꓗꓴꓷꓼ ꓙꓵꓽ ꓜꓴ ꓥ ꓡꓳ ꓐꓰ ꓥꓪ ꓠꓴ ꓑ-ꓔꓲ ꓡꓰ ꓘꓳ ꓣꓴˍ ꓟ ꓡꓰ ꓐꓰ ꓳ-ꓢꓲ-ꓔꓯ-ꓡꓲ-ꓬ ꓗꓴꓷꓼ ꓡꓰ ꓠꓲꓹ ꓞ ꓘꓳ ꓣꓴ ꓓꓴ ꓬꓰ ꓡꓯ꓿ “ꓐꓰ Senator Steele-John ꓡꓰ SBS News ꓗꓪ ꓫꓸ ꓕꓱ ꓔꓸ ꓡꓳ꓿
ꓠꓴꓖ ꓙꓵꓽ ꓦꓲ ꓔꓯ ꓗꓲ-ꓐ-ꓣ ꓡꓳ ꓒꓱ ꓗꓪ ꓒꓴ ꓔꓸ ꓢꓲ꓾ ꓓꓣ ꓕꓴꓛꓮꓳ-ꓫꓱꓽ ꓡꓰ ꓧꓳꓽ ꓪꓴꓸ ꓟꓴ ꓔꓬ ꓟ ꓥ ꓡꓳ꓿ ꓮ ꓟꓶ ꓖꓳ ꓗꓪ ꓛꓲ ꓔꓬ ꓟ ꓠꓴꓽ ꓢꓯꓼ ꓢꓷ ꓠꓲꓹ ꓙꓳ ꓢꓴ ꓟꓰꓹ-ꓟꓳ-ꓗꓴꓸ ꓥ ꓟꓲ ꓠꓴꓖ ꓝꓲ ꓓꓴ ꓙꓵꓽ ꓦꓲ ꓗꓪ ꓟꓬꓱꓽ ꓬꓰ ꓠꓹ ꓟ ꓥ ꓡꓳ꓾ ꓐꓯ ꓡꓳ꓿
ꓠꓴꓖ ꓙꓵꓽ ꓦꓲ ꓒꓴ ꓑꓮꓲ ꓗꓪ ꓳ-ꓢꓲ-ꓔꓯ-ꓡꓲ-ꓬ ꓐꓶ ꓗꓴꓷꓼ ꓔꓯ ꓟꓳꓸ ꓢꓲꓽ ꓒ ꓓꓽ ꓟ ꓐꓰ ꓠꓱꓸ ꓐꓯꓼ ꓗꓴꓷꓼ ꓗꓪ ꓐꓰ ꓡˍ ꓟ ꓢꓲꓽ ꓒ ꓢꓲꓽ ꓟ ꓮ ꓟꓬꓹ ꓜꓲꓼ ꓛꓲ ꓡ ꓡꓳ꓿
Photo – NUG Representative Office – Australia, ꓢꓐꓢ ꓠꓰꓪꓢ
