ꓬꓲꓸ ꓥꓳꓽ ꓟꓽ ꓙꓳ ꓠꓬꓲꓸ ꓤꓲ ꓟ ꓟꓬ-ꓟ ꓟꓯꓼ ꓡꓯ ꓒꓯꓹ ꓗꓪ ꓫꓸ ꓙꓵ ꓔꓬ ꓟ ꓟꓬ-ꓟ ꓑ ꓫꓬ ꓔꓯ ꓠꓶ ꓛꓳ ꓕꓲ ꓛꓳ ꓮ-ꓢꓰ-ꓬ ꓜꓴ ꓡꓰ ꓬꓰ ꓙ ꓠꓲꓹ ꓟꓽ ꓫꓵ ꓠꓬ ꓴꓢꓮ ꓡꓰ ꓬꓲꓸ ꓡꓲꓽ ꓡꓳ ꓚ ꓬꓰ ꓙ ꓝꓲꓸ ꓛꓲꓳ꓾ ꓐꓰ ꓴꓢꓮ ꓑ ꓫꓬ ꓝꓲ ꓓꓴ ꓜꓲꓼ ꓓꓴ ꓮ ꓟꓴ ꓕꓲꓽ ꓩꓴꓸ ꓟ ꓧꓳꓽ ꓢꓴ ꓟꓲꓼ-ꓛꓲ ꓟꓯꓼ-ꓗꓳ-ꓠꓯ ꓡꓰ 2022 ꓘꓳꓼ 8 ꓦ 3 ꓠꓬꓲ ꓗꓪ ꓕꓳ ꓶ ꓗꓪ ꓐꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓟꓬ-ꓟ ꓟꓯꓼ ꓒꓵꓽ ꓶꓽ ꓓꓵꓽ ꓒꓰꓼ ꓮ ꓙꓵꓽ ꓔꓯ ꓑꓲꓸ ꓞꓲꓽ ꓠꓹ ꓟ ꓴꓢꓮ ꓡꓰ ꓬꓰ ꓙꓵꓹ ꓛꓲꓳ꓿ ꓖꓳ ꓗꓰꓡꓪ ꓟꓳꓰꓖ (ꓟꓬ-ꓟ ꓙꓼ ꓞꓶ ꓬꓲ ꓫꓵ ꓬꓲꓸ ꓙꓰ ꓚꓴꓸ ꓪꓴꓽ ꓚꓱꓹ) ꓔꓯ ꓥ ꓟꓲ ꓑꓲꓸ ꓞꓲꓽ ꓠꓹ ꓟ ꓥ ꓡꓳ꓿ ꓖꓳ ꓡꓱ ꓑꓲꓸ ꓞꓲꓽ ꓩꓴ ꓡ ꓠꓬ ꓪꓴꓻ ꓑꓶꓸ ꓢꓴ ꓟꓽ ꓙꓳ ꓡꓰ ꓠꓬꓲ꓾ ꓙꓼ ꓞꓶ ꓮ ꓟꓬ ꓚꓴꓸ ꓓꓳ ꓡˍ ꓟꓲ ꓪꓴꓽ ꓫꓸ ꓡꓰ ꓓꓴ ꓥ ꓡꓳ꓿
ꓮ ꓟꓶ ꓴꓢꓮ ꓐꓶꓽ ꓗꓴꓷꓼ ꓔꓯ ꓟꓳꓸ ꓢꓲꓽ ꓒ ꓐꓶ-ꓡꓲ-ꓗꓲ ꓮ-ꓢꓰ-ꓬ ꓜꓴ ꓓꓵꓽ ꓢꓴ ꓗꓴꓷꓼ ꓐꓴ ꓖꓼ ꓙꓬ ꓙꓪ ꓙꓰ ꓢꓲꓸ ꓖꓪ ꓙꓱ ꓔꓬ ꓟ ꓙ ꓖꓴˍ ꓐꓰ ꓗꓳꓸ ꓙꓲꓽ ꓙꓳ ꓢꓲꓸ ꓕꓱ ꓡꓱ ꓢꓷ ꓙ ꓟꓴ ꓙ ꓔꓸ ꓟ ꓥ ꓡꓳ꓿
ꓓꓰ-ꓟꓳ-ꓗꓯ-ꓢꓰ ꓔꓯ ꓟꓶꓼ ꓢꓲꓼ ꓔꓬ ꓟ ꓟꓬ-ꓟ ꓑ ꓫꓬ ꓐꓴ ꓐꓱ ꓶ ꓬꓰ ꓙ ꓝꓲꓸ ꓛꓲꓳ ꓐꓯ ꓔꓸ ꓡꓳ꓿ “ꓟꓬ-ꓟ ꓐꓱ ꓶ ꓠꓶ ꓛꓳ ꓕꓲ ꓛꓳ ꓐꓴ ꓡꓰꓽ ꓫꓸ ꓪ ꓣꓳꓺ ꓡꓰ ꓝꓲ꓾ ꓬꓰ ꓟꓬꓱꓽ ꓟꓬꓽ ꓡ ꓝꓲ ꓠꓹ ꓟ ꓦꓬꓼ ꓠꓬꓲ ꓛꓲꓳ” ꓐꓯ ꓡꓳ꓿
“ꓟꓲꓸ ꓟꓲ ꓖꓶ ꓟꓬ-ꓟ ꓟꓯꓼ ꓠꓬ ꓣ-ꓫꓸ ꓔꓯ ꓜꓲ ꓡꓯ ꓘꓳ ꓡꓳ꓿ ꓕꓱ ꓟ ꓠꓬ ꓑ ꓫꓬ ꓠꓲꓹ ꓡꓶꓽ ꓔꓯꓽ ꓒꓵꓽ ꓢꓴ꓾ ꓜꓲ ꓜꓲ ꓑꓰꓹ ꓑꓰꓹ ꓙꓵꓽ ꓢꓴ ꓐꓴ ꓗꓪ ꓛꓳꓽ ꓑꓺ ꓡꓯ ꓘꓳ ꓟ ꓥ ꓠꓳꓹ” ꓐꓰ ꓐꓯ ꓔꓸ ꓡꓳ꓿
ꓟꓲꓼ-ꓛꓲ ꓟꓯꓼ-ꓗꓳ-ꓠꓯ ꓠꓬ ꓟꓬ-ꓟ ꓐꓱ ꓶ ꓴꓢꓮ ꓑ ꓫꓬ ꓜꓲꓼ ꓓꓴ ꓓꓽ ꓟ ꓗꓪ ꓫꓸ ꓕꓱ ꓬꓰ ꓙ ꓔꓬ ꓟ ꓟꓶ ꓫꓵ ꓫꓵ ꓡꓳꓼ ꓢꓴ ꓕꓲꓽ ꓣꓳ ꓥ ꓡꓳ꓿
