2022 ꓘꓳꓼ 9 ꓦ 27 ꓠꓬꓲ ꓗꓪ ꓠꓬ ꓠꓡꓓ ꓑ-ꓔꓲ ꓒꓴ ꓪꓴꓸ ꓔꓴ ꓗꓷ ꓟ 34 ꓘꓳꓼ ꓐꓲ ꓡꓰꓳ꓿
34 ꓘꓳꓼ ꓗꓪ ꓠꓡꓓ ꓑ-ꓔꓲ ꓠꓬ ꓑ ꓫꓬ ꓐꓴ ꓠꓲꓹ ꓡꓶꓽ (ꓟꓯꓼ ꓙꓵꓽˍ ꓟ ꓚꓱꓹ ꓗꓪ ꓐꓰ ꓑ ꓫꓬ ꓡꓰ ꓙꓵꓽˍ ꓟ ꓚꓱꓹ ꓗꓪ ꓡꓽ ꓙꓰ ꓠꓹ ꓟ) ꓢꓯꓼ ꓕꓵꓼ ꓩꓴ ꓡ ꓟ ꓙ ꓖꓴ ꓗꓪ꓾ ꓫꓸ ꓓꓴ ꓮ ꓟꓬꓹ ꓔꓳꓹ ꓜꓳꓽ ꓗꓷꓳ꓿
ꓟꓹ-ꓙꓳ-ꓠꓰ ꓡꓰ ꓫꓸ ꓕꓱ ꓔꓬ ꓟ
“ꓑ ꓫꓬ ꓐꓱ ꓶ ꓫꓸ ꓙꓵꓻ ꓜꓲꓽ ꓔꓬ ꓟ ꓑ-ꓔꓲ ꓥ ꓠꓬꓲ꓾ ꓟꓯꓹ ꓢꓲꓻ ꓣꓴ ꓑꓮꓲ ꓥ ꓕ ꓑꓳꓸ ꓗꓪ ꓧꓪꓸ ꓡꓰ ꓟ ꓥ ꓡꓳ꓿ ꓮ ꓡꓲ ꓗꓷ ꓡꓰˍ ꓟꓲ ꓑ ꓫꓬ ꓠꓲꓹ ꓡꓶꓽ ꓔꓯ ꓟꓽ ꓒꓳꓹ ꓟꓽ ꓡꓶꓸ ꓠꓹ ꓟ ꓠꓲꓹ ꓟ ꓙꓳ ꓔꓸ ꓡꓯ꓿ ꓑ ꓫꓬ ꓫꓸ ꓙꓵꓻ ꓓꓴ ꓠꓬ ꓠꓡꓓ ꓫꓸ ꓙꓵꓻ ꓓꓴ ꓥꓳ” ꓐꓰ ꓮ ꓟꓶ ꓠꓡꓓ ꓔꓯ ꓧꓳꓽ ꓢꓴ ꓢꓽ ꓡ ꓙꓵꓽ ꓜꓴ ꓓꓵꓽ ꓢꓴ ꓟꓹ-ꓙꓳ-ꓠꓰ ꓡꓰ ꓫꓸ ꓕꓱ ꓡꓳ꓿
ꓮ ꓟꓶ ꓥ ꓟꓲ ꓟꓬ-ꓟ ꓟꓯꓼ ꓡꓰ ꓠꓡꓓ ꓑ-ꓔꓲ ꓔꓯ ꓬꓲꓸ ꓧꓶꓽ ꓓꓶꓽ ꓒꓬꓹ ꓔꓬ ꓟ ꓠꓬꓲꓽ ꓗꓴꓸ ꓚꓸ ꓗꓪ ꓑ ꓫꓬ ꓐꓱ ꓶ ꓢꓯꓼ ꓟꓬ ꓖꓶꓽ ꓗꓷ ꓢꓴ ꓠꓡꓓ ꓑ-ꓔꓲ ꓗꓪ 55 ꓣꓳ꓾ ꓡꓴꓽ ꓟꓶ ꓔꓸ ꓢꓴ ꓠꓬ ꓠꓡꓓ ꓢꓽ ꓡ ꓙꓵꓽ ꓮꓳ-ꓢ-ꓢꓴ-ꓚꓰꓽ ꓐꓰ ꓗꓴꓷꓼ ꓪꓴꓸ ꓓꓵ ꓪꓰꓹ-ꓟꓰꓼ ꓐꓴ ꓔꓺ ꓔꓲ 970 ꓣꓳ ꓙꓳ ꓡꓳ꓾ ꓐꓰ ꓐꓯ ꓒꓬꓱꓺ ꓔꓸ ꓡꓳ꓿
ꓑ ꓫꓬ ꓐꓱ ꓶ ꓠꓡꓓ꓾ ꓑ ꓫꓬ ꓗꓪ ꓐꓰ ꓢꓯꓸ ꓔꓴ ꓡ ꓟ ꓠꓡꓓ ꓔꓯ 1988 ꓘꓑꓼ 9 ꓦ 27 ꓠꓬꓲ ꓕꓯꓽ ꓔꓶꓺ ꓪꓴꓸ ꓔꓴ ꓢꓲꓸ ꓮ ꓟꓶ ꓗꓪ ꓛꓲ ꓑ ꓫꓬ ꓐꓱ ꓶ ꓢꓯꓼ ꓟꓬ ꓑꓺ ꓔꓬ ꓟ 34 ꓘꓳꓼ ꓐꓲ ꓡꓰ ꓟ ꓥ ꓡꓳ꓿
