ꓟ. ꓒꓽ ꓧꓪ. ꓧꓪꓸꓼ=
ꓧꓪ. ꓧꓪꓸꓼ=
Lisutimes ꓗꓪ Interview ꓬꓰ ꓠ, ꓟ ꓬꓲ ꓙꓵ, ꓖꓶꓽ ꓡˍꓠꓬꓲ ꓟ. ꓒꓽ ꓔꓯ ꓫ ꓟꓳ ꓪ=
ꓠ, ꓠꓬꓲ ꓘꓶꓽ꓾
Q.1. ꓟ. ꓒꓽ ꓠꓴ ꓟꓬꓱꓺ꓾ ꓠꓴ ꓘꓳꓼ꓾ ꓠꓴ ꓦꓵꓻ ꓟꓵꓽ꓾ ꓕꓲ ꓦꓲꓻ ꓡ ꓞꓳ ꓮ ꓟꓬ ꓣꓳ ꓙꓳˍꓟ ꓐꓰ꓾ ꓮ ꓟꓶ ꓮ ꓡꓲ ꓗꓪ ꓔꓬ,ˍꓟ ꓟ. ꓖꓶꓽ ꓡꓯ=
*ꓥꓪ ꓟꓬꓱꓺ ꓠꓬ꓾ ꓥꓪ‐ꓬꓳ‐ꓙ ꓡꓲ‐ꓢꓴ ꓥˍꓡꓳ=
*ꓥꓪ ꓘꓳꓼ ꓠꓬ꓾ 32 ꓘꓳꓼ ꓥˍꓡꓳ=
*ꓥꓪ ꓦꓵꓻ ꓟꓵꓽ ꓠꓬ꓾ ꓲ‐Dꓲ‐ꓬ ꓗꓴꓷꓼ ꓾ ꓫꓲ‐Dꓲ‐ꓘ, ꓗꓪ ꓥˍꓡꓳ=
ꓥꓪ ꓠꓬ ꓦꓲꓻ ꓢꓲ ꓟ ꓥˍꓟꓲ ꓙꓳ ꓢꓲ ꓤ ꓠꓱ ꓥ ꓟꓲ 3 ꓫꓵ. ꓙꓳˍꓡꓳ= ꓮ‐ꓒꓴ꓾ ꓮ‐Dꓶ ꓐꓰ ꓮ‐ꓘꓰ ꓥˍꓡꓳ=ꓮ ꓟꓶ ꓥꓪ ꓠꓴꓽ ꓠꓬ ꓟꓲ‐ꓪ (Miao) ꓐꓯˍꓟ ꓡꓳ ꓒꓱ ꓤ ꓤ ꓗꓪ ꓔꓬ,ˍꓡꓳ= ꓕꓱ ꓟ ꓠꓬ ꓲ-Dꓲ‐ꓬ ꓘꓴꓽ ꓗꓪ ꓮꓣꓴꓠꓮCꓧꓮꓡ ꓑꓣꓮDꓰꓢꓧ ꓢꓔꓮꓔꓰ ꓗꓪ ꓥˍꓡꓳ=
Q.2. ꓡꓲ‐ꓢꓴ ꓫꓵꓽ ꓐꓱ ꓶ ꓟꓬꓱꓽ ꓬꓰ ꓗꓷˍꓟ ꓐꓰ ꓬꓰ ꓔꓬ,ˍꓟ ꓝꓮꓲ ꓘꓴ ꓜꓲꓼ ꓞꓳ ꓟꓬꓱꓽ ꓣꓱꓽ ꓙ ꓗꓷˍꓟ ꓐꓰ꓾ ꓬꓰ ꓔꓬ,ˍꓟ ꓟ. ꓖꓶꓽ ꓡꓯ=
*ꓣꓳ ꓡꓲ‐ꓢꓴ ꓫꓵꓽ ꓐꓱ ꓶ ꓠꓬ ꓐ ꓡ ꓟ ꓔꓯ ꓛꓳ ꓢꓲ ꓮ ꓘꓶ. ꓢꓯꓼ ꓕꓵꓼ ꓔꓬ,ˍꓥꓳ= *ꓟꓲ. ꓙꓬꓽ ꓢꓲ ꓗꓪ ꓥ ꓟꓲ ꓣꓳ ꓲ‐Dꓲ‐ꓬ ꓗꓪ ꓔꓬ,ˍꓟ ꓡꓲ‐ꓢꓴ ꓫꓵꓽ ꓐꓱ ꓶˍꓐꓰ꓾ ꓕꓲ ꓟꓵꓽ ꓡꓲ ꓕꓲ ꓟꓵꓽ ꓗꓪ ꓔꓬ,ˍꓟ ꓣꓳ ꓡꓲ‐ꓢꓴ ꓫꓵꓽ ꓐꓴ ꓐꓱ ꓶ ꓐ ꓡˍꓟ ꓔꓯ ꓛꓳ ꓢꓲ ꓢꓯꓼ ꓕꓵꓼ ꓔꓬ, Dꓴ ꓥꓳ=
*ꓝꓮꓲ ꓥꓪ Cꓲ ꓛꓬꓽ ꓠꓬ ꓪꓴ‐ꓢ ꓟꓬꓱꓽ ꓬꓰ ꓢꓴ ꓥ ꓢꓲ ꓠꓬꓲ꓾ ꓟꓲ‐ꓪ ꓙꓲ‐ꓢꓴ ꓘꓴ ꓜꓲꓼ ꓞꓳ ꓗꓪ ꓟ. ꓢꓴ ꓬꓰ ꓔꓬ,ˍꓡꓳ= ꓪꓴ‐ꓢ ꓟꓬꓱꓽ ꓗꓪ ꓟꓬꓱꓽ ꓣꓱꓽ ꓙ ꓔꓬ,ˍꓟ ꓠꓬ꓾ 2011 ꓘꓳꓼ ꓗꓪ ꓐꓰ ꓮ ꓟꓶ ꓗꓪ ꓛꓲ ꓣꓱꓽ ꓙ ꓔꓬ,ˍꓥꓳ= ꓮ ꓟꓶ ꓠꓬ 10 ꓘꓳꓼ ꓐꓲ ꓡꓰꓳ= ꓖꓳ ꓡꓱ ꓠꓬꓲ ꓡꓯ ꓫꓵ ꓪ ꓘꓴ ꓙ Dꓴ ꓬꓰ ꓡꓯ=
Q.3. ꓠꓴ ꓤꓶ ꓗꓪ ꓫ. Dꓴ ꓬꓲ Dꓽ ꓟ ꓮ ꓡꓲ ꓡꓳ ꓫꓵꓽ ꓔꓳ, ꓜꓳꓽ ꓗꓷˍꓟ ꓝꓮꓲ ꓠꓴ ꓔꓳ, ꓜꓳꓽ ꓗꓷˍꓟ ꓗꓪ ꓐꓰ ꓮ ꓡꓲ ꓢꓯꓼ ꓖꓶꓽ ꓠꓲ, ꓫꓵˍꓡ? ꓟ. ꓖꓶꓽ ꓡꓯ=
*ꓮ ꓟꓶ ꓗꓪ ꓛꓲ ꓠꓬ ꓥꓪ ꓤꓶ ꓗꓪ ꓬꓲ Dꓽ ꓟ ꓫ. Dꓴ ꓟꓽ ꓔꓳ, ꓜꓳꓽˍꓠꓬꓲ ꓢꓲꓺꓒꓽ ꓠꓯꓸꓼ ꓗꓪ ꓗ, ꓛꓲ ꓛꓲꓽ ꓔꓬ,ˍꓡꓳ= ꓖꓳ ꓡꓱ ꓠꓬꓲ ꓪꓴ‐ꓢ ꓔꓯ ꓥˍꓟꓲ ꓮ ꓘꓶ. ꓫ ꓟꓳ ꓐꓯꓻꓔꓬ,ˍꓥꓳ=
Q.4. ꓡꓲ‐ꓢꓴ ꓫꓵꓽ ꓐꓴ ꓔꓯ꓾ ꓢꓷ. ꓠꓲ, Cꓱ, ꓗꓪ꓾ ꓦ Cꓱ, ꓗꓪ꓾ ꓧꓪꓽ ꓖꓳ Dꓱꓽ Cꓱ, ꓗꓪ ꓝꓮꓲ ꓡꓲ‐ꓢꓴ ꓫꓵꓽ ꓪꓴ ꓡ ꓟꓴ ꓡ Dꓴ Cꓱ, ꓗꓪ ꓮ ꓡꓲ ꓢꓯꓼ ꓖꓶꓽ ꓠꓲ, ꓫꓵˍꓡ?
ꓥꓪ ꓕꓲꓽ ꓛꓱꓽ ꓗꓪ Cꓳ ꓡꓲ‐ꓢꓴ ꓫꓵꓽ ꓐꓴ ꓔꓯ ꓢꓯꓼ ꓖꓶ ꓠꓲ, ꓫꓵˍꓟ ꓠꓬ ꓕꓱ ꓡꓱ ꓥꓳ꓾*ꓣꓳ ꓠꓬ ꓦꓵꓻ ꓡ ꓕꓲ ꓠꓬꓲ ꓗꓪ Cꓳˍꓡꓰ ꓦ ꓡꓱ ꓢꓴ ꓥ ꓟ ꓑꓶ Dꓴ ꓪꓴ‐ꓢ ꓔꓯ ꓦ ꓡꓱˍꓟ ꓗꓪ ꓦ ꓦ ꓟꓳꓽ ꓟꓳꓽ ꓟꓽ ꓗꓶ ꓡꓰ ꓠ, ꓟ ꓮ ꓘꓶ. ꓧꓪ. ꓛꓲꓽ Dꓴ ꓬꓰ ꓡꓯ= ꓮ ꓫꓵ ꓗꓪˍꓟꓲ ꓧꓪ. ꓡꓰ ꓝꓲ ꓢꓴ꓾ ꓮ ꓫꓵꓽ ꓗꓪˍꓟꓲ ꓐ ꓡ ꓝꓲ ꓢꓴ ꓠꓬ ꓣꓳ ꓐ, ꓐ ꓪꓴ‐ꓢ ꓥ ꓠꓬꓲ ꓬꓲ ꓣꓱꓽ ꓛꓰꓽ ꓔꓯ ꓟꓽ ꓟꓲꓺ ꓡꓰ ꓠ, ꓟ ꓢꓯꓼ ꓕꓵꓼ ꓡꓯ= ꓣꓳ ꓮ ꓫꓵꓽ ꓬꓰ ꓥˍꓟꓲ꓾ ꓮ ꓡꓰ ꓗꓪ ꓙꓰ ꓥˍꓟꓲ꓾ ꓣꓳ ꓤꓶ ꓗꓪ Dꓽ ꓪꓴ. ꓠꓬ ꓪꓴ‐ꓢ ꓔꓯ ꓠꓲ, ꓥꓳꓺ ꓛ ꓔ ꓢꓲ꓾ ꓬꓲ ꓔꓯˍꓡꓰ ꓙꓵ, ꓢꓲ ꓬꓲ ꓠꓲ, ꓡꓶꓽ ꓔꓯ ꓣꓳ ꓛꓳ ꓪ ꓡꓰ ꓠ, ꓟ ꓢꓯꓼ ꓕꓵꓼ ꓡꓯ ꓐꓰ꓾ ꓪꓴ. ꓡꓯ ꓘꓳ ꓠꓲ, ꓫꓵˍꓡꓳ=
*ꓣꓳ ꓟꓲ ꓠꓯ ꓗꓪ ꓔꓬ,ˍꓕꓯ ꓟꓲ ꓠꓯ ꓢꓷ. ꓠꓲ, ꓥˍꓟꓲ ꓮ ꓘꓶ. ꓣꓱꓽ ꓬꓯꓼˍꓟ ꓥ ꓠꓬꓲ꓾ ꓝꓮꓲ ꓮ ꓟꓶ ꓟ ꓦꓬꓼ ꓠꓬꓲ ꓗꓪ ꓠꓬ ꓗꓴꓷꓼ ꓢꓴ ꓗꓴꓷꓼ ꓢꓷ. ꓠꓲ, ꓔꓯꓺ ꓡꓯꓽ ꓘꓳˍꓟ꓾ ꓬꓲ ꓫꓵꓽ ꓬꓲ ꓙꓰꓽ ꓔꓯꓺ ꓡꓯ ꓘꓳˍꓟ ꓮ ꓟꓬ ꓙꓳˍꓠꓬꓲ꓾ ꓣꓳ ꓡꓲ‐ꓢꓴ ꓫꓵꓽ ꓐꓴ ꓥˍꓟꓲ ꓢꓴ ꓫꓵꓽˍꓡꓰ ꓐꓰ ꓢꓷ. ꓡ ꓠ, ꓟ꓾ ꓢꓴ ꓫꓵꓽˍꓡꓰ ꓐꓰ ꓔꓯꓺꓡꓯ ꓘꓳ ꓐ ꓡ ꓠ, ꓟ꓾ ꓢꓴ ꓫꓵꓽˍꓡꓰ ꓐꓰ ꓟꓬꓱꓺDꓳꓽ ꓙꓳ ꓢꓴ Dꓳ ꓡ ꓠ, ꓟ꓾ ꓕꓲ ꓟꓵꓽ ꓡꓰ ꓕꓲ ꓟꓵꓽ ꓗꓪ ꓔꓬ,ˍꓟ ꓡꓲ‐ꓢꓴ ꓫꓵꓽ ꓐꓴ ꓢꓷ. ꓠꓲ, Cꓱ, ꓗꓪ ꓟꓽ ꓐꓴ ꓐꓴꓻ ꓮ ꓘꓶ. ꓢꓯꓼ ꓕꓵꓼ ꓡꓯ ꓐꓰ ꓪꓴ. ꓡꓯ ꓘꓳ ꓠꓲ, ꓫꓵˍꓡꓳ=
ꓧꓪꓸ ꓧꓪꓸꓼ
ꓠꓸꓸ ꓠꓬꓲ ꓖꓶ ꓢꓴ꓾ ꓐꓲ-ꓬꓳ ꓡꓲ-ꓢꓴ (ꓲ-ꓓꓲ-ꓬ ꓟꓵꓽ)
