ꓠꓬꓲ ꓠꓬꓲ 20.03.2021 ꓗꓪ ꓠꓬ ꓲ‐Dꓲ‐ꓬ ꓗꓪ ꓔꓬ,ˍꓟ ꓞꓳ ꓪꓳꓼ ꓮ ꓟꓬ ꓪꓳꓼ ꓗꓪ ꓐꓰ ꓡꓳꓽ‐ꓟꓲꓽ(Myanmar) ꓗꓴꓷ ꓐꓱ ꓶ ꓘꓴ ꓔꓴ ꓠꓬꓲ ꓐꓰ ꓬꓰ ꓗꓷꓳ= ꓘꓴꓽ ꓔꓴˍꓟ ꓬꓲ ꓕꓲꓽ ꓟꓳꓽ ꓠꓬ꓾ ꓟꓬꓮꓠꓟꓮꓣ ꓗꓴꓷ ꓗꓪ ꓑ ꓫꓬ ꓐꓰ ꓢꓲꓽ ꓒꓽ꓾ ꓢꓲꓽ ꓟꓻ ꓮ ꓟꓬ ꓣꓳ ꓐꓱꓻ Dꓴꓽ ꓗꓪ ꓐꓱ ꓗꓷˍꓠꓬꓲ꓾ ꓝꓮꓲ ꓑ ꓫꓬ ꓐꓴ ꓘꓴ ꓔꓴˍꓟ ꓗꓪ ꓡꓽ‐ꓛꓴ. ꓐꓶ ꓢꓰꓼ ꓗꓷˍꓟ ꓮ ꓟꓬ ꓣꓳ ꓙꓳ ꓗꓷˍꓠꓬꓲ꓾ ꓕꓱ ꓟ ꓡꓰ ꓟꓽ ꓞꓲ ꓙꓵꓽ ꓗ ꓙꓳˍꓟ ꓡꓰ ꓐꓰ ꓟꓽ ꓬꓰ ꓖꓶˍꓠꓬꓲ꓾ ꓘꓴ ꓔꓴˍꓟ ꓥ ꓡꓳ=
ꓖꓳ ꓗꓪ ꓧꓳꓽ ꓪꓴ. ꓟꓴ ꓢꓴ ꓠꓬ ꓢꓲꓠꓖꓑꓧꓳ(ꓮꓽ ꓒꓴ.) ꓫꓵꓽ ꓗꓪ ꓐꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ ꓮ ꓟꓬ ꓘꓴ ꓔꓴ ꓗꓷꓳ= ꓖꓳ ꓗꓪ ꓠꓬ Media,Press News ꓕꓱ ꓢꓴ ꓥˍꓟꓲ ꓮ ꓟꓬ ꓣꓳ꓾ ꓮ ꓟꓬ ꓩꓴ. ꓜꓲꓼˍꓡꓳ= ꓝꓮꓲ ꓖꓳ ꓗꓪ ꓠꓬ ꓞꓳ ꓪꓳꓼ ꓮ ꓟꓬ ꓪꓳꓼ ꓜꓲꓼ ꓡˍꓡꓳ= ꓡ ꓞꓳ ꓠꓬ 500 ꓣꓳ ꓛꓲ ꓥ ꓡꓳ꓾ ꓐꓰ ꓐꓯˍꓡꓳ=
ꓐꓬꓱꓽ ꓔꓯ ꓡꓳ. ꓠꓬꓲ꓾
ꓝꓮꓲ ꓖꓳ ꓗꓪ ꓠꓬ ꓣꓳ ꓡꓲ‐ꓢꓴ ꓫꓵꓽ ꓥˍꓟꓲ 5 ꓣꓳ ꓜꓲꓼ ꓪ ꓡꓰꓳ=ꓖꓳ ꓡꓱ ꓠꓬꓲ ꓥꓪ ꓠꓴꓽ ꓥꓳ ꓡꓳ. ꓔꓬ,ˍꓟ ꓠꓬ ꓟꓬꓮꓠꓟꓮꓣ ꓗꓴꓷ ꓗꓪ ꓠꓲ, ꓞ, ꓢꓲ, ꓡꓲˍꓟ ꓙꓳ ꓡ ꓥꓳ ꓐꓰ꓾ ꓥꓳ ꓡꓳ. ꓔꓬ,ˍꓥꓳ=ꓝꓮꓲ ꓑ ꓫꓬꓽ ꓐꓴ ꓠꓲ, ꓫꓵˍꓟ ꓠꓲ, ꓞ, ꓒꓬꓱꓼ ꓡ ꓥꓳ꓾ ꓐꓰ ꓥꓳ ꓡꓳ. ꓔꓬˍꓥꓳ=
ꓠꓴ ꓪ ꓐꓱ ꓶ ꓪ ꓘꓴ ꓙˍꓟ ꓐꓰ ꓘꓴ ꓔꓴ ꓙˍꓟ ꓠꓬ ꓮ ꓕꓯˍꓟꓲ ꓙꓳ ꓔꓬ ꓝꓲˍꓥꓳ= ꓜꓲꓼ ꓡ ꓢꓴ ꓞꓳ ꓪꓳꓼ ꓮ ꓙꓵꓽ ꓠꓬ 4 ꓪꓳꓼ ꓛꓲ ꓥˍꓡꓳ= ꓜꓲꓼ ꓡꓯꓽ ꓘꓳ ꓔꓶ. ꓠꓬ꓾ World War II-Cemetery, Jairampur Dist. Changlang, Arunachal Pradesh, India ꓗꓪ ꓥˍꓡꓳ=
