ꓡ ꓠꓹ ꓟ ꓕꓲ ꓠ ꓗꓪ ꓧꓶ-ꓗꓵꓷꓼ ꓙꓵꓽ ꓫꓲ-ꓚꓲ-ꓑꓲ ꓠꓬ ꓣ-ꓫ ꓗꓴꓷꓼ ꓗꓪ ꓚꓳ ꓙꓰ ꓓꓴ ꓙ ꓖꓶ ꓔ ꓡꓳ ꓐꓰ ꓢꓷꓸ ꓪ ꓡꓳ= ꓬꓲ ꓠꓬ ꓣ-ꓫ ꓗꓴꓷꓼ ꓙꓵꓽ ꓒꓽ ꓑꓴ-ꓔꓲ ꓔꓯ ꓟꓳ ꓡꓯ ꓘꓳ ꓢꓲꓸꓸ (2) ꓗꓴꓷꓼ ꓡꓱꓼ ꓬꓲꓸ ꓒꓳꓹ ꓒꓳꓹ ꓗꓪ ꓪꓴꓽ ꓟꓴ ꓡ ꓠ ꓟ ꓐꓱ ꓶ ꓖꓪ ꓙꓱ ꓓꓴ ꓥꓳ ꓐꓰ ꓣ-ꓫ ꓗꓴꓷꓼ ꓓꓳꓽ ꓐꓯ ꓑꓶ ꓔꓶꓸ ꓗꓪ ꓐꓰ ꓐꓯ ꓔ ꓡꓳ= ꓬꓲ ꓪ ꓠꓬꓲ ꓣꓳ ꓠꓬ ꓗꓴꓷꓼ ꓢꓲꓸꓸ ꓡꓲꓹ ꓠꓹ ꓟ ꓐꓱ ꓶ ꓥ_ ꓟꓲ ꓖꓪ ꓙꓱ ꓓꓴ ꓥꓳ ꓐꓰ ꓐꓯ ꓔ ꓡꓳ=
ꓣ-ꓫ ꓗꓴꓷꓼ ꓠꓬ ꓬꓴ-ꓗ-ꓣꓲꓥ ꓗꓴꓷꓼ ꓔꓯ ꓟꓯꓼ ꓘꓶ ꓬꓰ ꓔꓬ ꓟ ꓑꓶ ꓓꓴ ꓟꓵ ꓗꓳꓹ ꓓꓵ ꓓꓴ ꓖꓴ ꓪꓴꓸ ꓕꓱ ꓛꓱ ꓗꓪ ꓔꓬ ꓢꓴ ꓠꓬ ꓣ-ꓫ ꓗꓴꓷꓼ ꓔꓯ ꓝꓴꓲꓼ ꓓꓰ ꓔꓬ ꓟ ꓥꓳ= ꓖꓳ ꓟ ꓑꓶ ꓓꓴ ꓣ-ꓫ ꓗꓴꓷꓼ ꓙꓵꓽ ꓑꓴ-ꓔꓲ ꓠꓬ ꓧꓶ-ꓗꓴꓷꓼ ꓔꓯ ꓜꓲ ꓜꓲ ꓟꓳ ꓟꓳ ꓙ ꓡꓯ ꓘꓳ ꓔꓬ ꓟ ꓥꓳ ꓐꓰ ꓗꓴꓷꓼ ꓫꓵꓽ ꓪꓴ ꓢꓷꓸ ꓠꓲ ꓙꓳ SU ꓠꓬ ꓢꓪꓸ ꓔꓬ ꓡꓳ=
ꓓꓳꓽ ꓚꓰ꓾ ꓦꓳꓮ
