2024 ꓘꓳꓼ 3 ꓦ 26 ꓠꓬꓲ ꓠꓯꓼ 1:30 ꓧꓶ ꓕꓯꓽ ꓴꓢꓮ ꓗꓴꓷꓼ꓾ ꓐ-ꓔꓲ-ꓟꓳꓹ ꓡꓳ ꓒꓱ ꓗꓪ ꓙꓳˍ ꓟ Francis Scott Key ꓓꓽ ꓖꓴꓽ ꓔꓯ ꓞꓽ ꓒꓳꓽ ꓕꓲꓽ ꓟ ꓠꓰ ꓕꓯꓼ ꓜꓯꓼ ꓢꓲꓸ ꓘꓱꓹ ꓞꓰ ꓬꓰꓳ꓿
ꓞꓽ ꓒꓳꓽ ꓠꓬ ꓢꓰ-ꓖ-ꓑꓴ ꓒꓯꓽ ꓔꓶꓸ ꓔꓸ ꓟ DALI ꓟꓬꓱꓺ ꓔꓸ ꓟ ꓞꓽ ꓒꓳ ꓕꓲꓽ ꓟ ꓥ ꓡꓳ꓿ ꓞꓽ ꓒꓳ ꓫꓵꓸ ꓢꓴ (2) ꓣꓳ ꓐꓰ ꓟꓬꓱꓽ ꓬꓰ ꓢꓴ ꓥ ꓟꓲ ꓐˍ ꓡꓳ꓾ ꓐꓯ ꓡꓳ꓿
ꓬꓲꓸ ꓪꓴꓸ ꓚꓲꓸ ꓚ ꓟꓳ ꓟ ꓔꓯ ꓖꓴ ꓢꓲ꓾ ꓝꓐꓲ ꓟꓯꓼ ꓐꓴ ꓡꓰ “ꓕꓱ ꓟ ꓠꓬ ꓙꓳꓺ ꓦꓰꓸ ꓡꓰ ꓠ ꓟꓯꓼ ꓢꓰꓼ ꓠꓲꓹ ꓫꓵ ꓢꓴ ꓡꓰ ꓗꓽ ꓟꓶ ꓫꓵꓸ ꓚꓵꓸ ꓬꓰ ꓩꓴ ꓡ ꓟ ꓟꓬꓱꓽ ꓟꓽ ꓥ” ꓐꓰ ꓢꓷꓸ ꓙ ꓟꓴ ꓙ ꓔꓸ ꓡꓳ꓿
Francis Scott Key ꓓꓽ ꓖꓴ ꓠꓬ 943 ꓑꓯꓸ ꓫꓵꓺ (ꓟꓬꓱꓺ 1 ꓕꓶꓹ ꓐꓶꓽ) ꓙꓳ ꓡꓳ꓿ ꓓ ꓖꓴ ꓘꓱꓹ ꓞꓰ ꓬꓰ ꓕꓯꓽ ꓓꓽ ꓖꓴ ꓗꓪ ꓚꓺ ꓔꓬ ꓟ ꓟꓳ ꓓꓳ ꓥ ꓟꓲ ꓮ ꓟꓬꓹ ꓢꓶꓽ ꓪꓽ ꓠꓯꓺ ꓬꓲꓻ ꓗꓪ ꓞꓰ ꓓꓵꓽ ꓡꓰꓳ꓿
ꓟꓳ ꓓꓳ ꓞꓰ ꓬꓰ ꓢꓴ ꓐꓴ ꓔꓯ ꓚꓬꓴꓹ ꓙ ꓟꓯꓼ ꓐꓴ ꓢꓯꓼ ꓕꓵꓼ ꓢꓲꓸ ꓧꓪ ꓙ ꓔꓬ ꓡꓳ꓿
