ꓮ-ꓟꓯ-ꓣꓲ-ꓗ ꓗꓴꓷꓼ ꓡ ꓞꓳ꓾ 11 ꓘꓳꓼ ꓡꓴꓽ ꓠꓹ ꓟ ꓫꓵꓽ ꓘꓶꓽ ꓟꓶ ꓔ ꓢꓴ꓾ ꓓꓳꓽ ꓐꓳ ꓒꓽ Denny Fenster ꓔꓯ ꓠꓬꓲ ꓠꓬꓲ ꓟꓬ-ꓟ ꓟꓯꓼ ꓡꓰ ꓡꓲꓹ ꓩꓴ ꓡ ꓢꓲ꓾ ꓗꓴꓷꓼ ꓗꓪ ꓐꓰ ꓖꓼ ꓓꓳ ꓩꓴ ꓗꓷꓳ ꓐꓰ ꓟꓬꓮꓠꓟꓮꓣ ꓠꓳꓪ ꓡꓰ ꓓꓳꓽ ꓐꓳ ꓩꓴ ꓡ ꓡꓳ꓿
ꓗꓳꓸ ꓗꓷ ꓟ 3 ꓠꓬꓲ (2021 ꓘꓳꓼ 11 ꓦ 12 ꓠꓬꓲ) ꓕꓯ ꓬꓲꓸ ꓔꓯ ꓐꓱ ꓓꓴꓽ ꓗꓪ 11 ꓘꓳꓼ ꓡꓴꓽ ꓠꓹ ꓟ ꓐꓯ ꓟꓴ ꓘꓶꓽ ꓗꓷ ꓟ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓟꓲꓸ ꓟꓲ ꓕꓱ ꓡꓱ ꓡꓲꓹ ꓩꓴ ꓡ ꓟ ꓥ ꓡꓳ꓿
Video
ꓬꓲ ꓔꓯ ꓫꓵꓽ ꓕꓱ ꓙ ꓢꓴ ꓐꓴ ꓡꓰ ꓐꓯ ꓠꓬ꓾ ꓬꓲ ꓠꓬ ꓟꓬꓮꓠꓟꓮꓣ ꓠꓳꓪ ꓗꓪ ꓟꓬꓱꓽ ꓟꓽ ꓬꓰ ꓔꓬꓳ꓿ ꓝꓣꓳꓠꓔꓲꓰꓣ ꓟꓬꓮꓠꓟꓮꓣ ꓓꓳꓽ ꓜꓴ ꓗꓪ ꓢꓲꓸ ꓟꓬꓱꓽ ꓬꓰ ꓔꓬ ꓡꓳ꓿ ꓖꓳ ꓡꓱ ꓥ ꓟꓲ ꓟꓬ-ꓟ ꓟꓯꓼ ꓐꓴ ꓡꓰ ꓬꓲ ꓔꓯ ꓟꓬꓮꓠꓟꓮꓣ ꓠꓳꓪ ꓗꓪ ꓟꓬꓱꓽ ꓬꓰ ꓢꓲꓸ ꓗꓴꓷꓼ ꓗꓪ ꓐꓬ ꓡꓰ ꓚꓱꓹ ꓬꓰ ꓢꓴ ꓐꓴ ꓔꓯ ꓙ ꓡꓯ ꓘꓳ ꓢꓴ꓾ ꓢꓯꓼ ꓖꓶ ꓢꓴ ꓥ ꓡꓳ ꓐꓯ ꓡꓳ꓿
“ꓬꓲ ꓐꓱ ꓓꓴ ꓗꓪ ꓐꓰ ꓓꓳ ꓡ ꓠꓬꓲ ꓥꓪ ꓠꓴ ꓠꓲꓹ ꓟ ꓢ ꓡꓰꓳ꓿ ꓬꓲꓸ ꓪꓴꓸ ꓕꓽ ꓡꓰ ꓬꓲꓸ ꓖꓳ ꓗꓪ ꓛꓲ ꓠ ꓟꓽ ꓔꓸꓳ ꓫꓵꓽ ꓥꓳ” ꓐꓰ Frontier editor-in-chief Thomas Kean ꓡꓰ ꓐꓯ ꓡꓳ ꓐꓰ frontier ꓡꓰ ꓢꓷ ꓙ ꓟꓴ ꓙ ꓔ ꓡꓳ꓿
ꓬꓲꓸ ꓔꓯ ꓗꓳꓸ ꓗꓷ ꓟ 2021 ꓘꓳꓼ 5 ꓦ 24 ꓠꓬꓲ ꓕꓯꓽ ꓬꓥ-ꓖꓳꓥ ꓟꓲ-ꓖ-ꓡ-ꓓꓳ ꓙꓱ ꓦꓲ ꓠꓽ ꓔꓶꓸ꓾ ꓐꓶꓽ ꓗꓴꓷꓼ ꓗꓪ ꓙꓱ ꓦꓲ ꓙꓱ ꓡꓽ ꓙꓰ ꓓꓴ ꓬꓰˍ ꓟ ꓗꓪ ꓗꓽ ꓣꓴ ꓗꓷ ꓟ ꓥ ꓡꓳ꓿
