ꓪꓴꓽ ꓟꓴˍ ꓟ ꓗ-ꓬꓲ ꓞꓳ ꓫꓵꓽ ꓐꓴ-ꓓꓼ ꓦ ꓡꓱ ꓢꓴ ꓟꓯꓼ (ꓓꓗꓐꓮ) 200 ꓣꓳ ꓠꓬ ꓗꓠꓓꓳ ꓟꓯꓼ ꓔꓯ ꓔꓺ ꓡꓻꓳ ꓐꓯˍ ꓟ ꓓꓳꓽ ꓔꓯ ꓠꓬꓲꓽ ꓛꓱꓽ ꓡꓱꓸꓼ ꓡꓰ ꓓꓽ ꓔꓳꓹ ꓩꓴ ꓡ ꓡꓳ꓿
ꓓꓗꓐꓮ ꓧꓳꓽ ꓢꓴ ꓟꓯꓼ ꓜꓲꓽ ꓢꓼ-ꓡꓳꓹ ꓡꓰ꓾ “ꓑ ꓫꓬ ꓐꓱ ꓶ ꓟꓬ-ꓟ ꓟꓯꓼ ꓔꓯ ꓟꓽ ꓓꓶꓽ ꓐꓯ ꓡꓲꓸ ꓑ ꓫꓬ ꓟꓽ ꓗꓹ ꓛꓲ꓿ ꓓꓶꓽ ꓥꓳ ꓐꓯ ꓡꓲꓸ ꓕꓯꓽ ꓢꓲ ꓗꓪ ꓟꓬ-ꓟ ꓟꓯꓼ ꓔꓯ ꓪꓽ ꓢꓴ ꓧꓳꓽ ꓪꓴꓸ ꓟꓴ ꓢꓴ ꓐꓴ ꓗꓹ ꓟꓽ ꓛꓲ꓿ ꓖꓳ ꓟ ꓑꓶꓸ ꓓꓴ ꓕꓲ ꓛꓱꓽ ꓗꓪ ꓗꓼ ꓦꓰꓼ ꓩꓴ ꓡ ꓟ ꓥꓳ꓿” ꓐꓯ ꓡꓳ꓿
ꓗ-ꓬꓲ ꓫꓵꓽ ꓡꓳꓸ ꓙ ꓗꓽ ꓙ ꓜꓴ (ꓗꓠꓓꓳ) ꓟꓯꓼ ꓜꓲꓽ ꓢꓳꓸ-ꓠꓯ-ꓓꓹ-ꓟꓬꓼ ꓡꓰ꓾ “ꓔꓺ ꓡ ꓢꓴ ꓮ ꓙꓵꓽ ꓔꓯ ꓠꓲꓹ ꓒꓴ ꓒꓴ ꓘꓳ ꓣꓴ ꓘꓶꓽ ꓫꓸ ꓕꓱ ꓢꓲ꓾ ꓗꓠꓓꓳ ꓟꓽ ꓫꓳ ꓟꓯꓼ (Commando) ꓜꓴ ꓬꓰ ꓝꓲ ꓓꓴ ꓥꓳ” ꓐꓯ ꓡꓳ꓿
ꓝꓮꓲ ꓬꓲꓸ ꓡꓰ꓾ “ꓣꓳ ꓠꓽ ꓬꓲꓸ ꓙꓵꓹ ꓮ ꓘꓶꓸ ꓟꓽ ꓙꓳ꓿ ꓮ ꓙꓵꓽ ꓢꓴ ꓔꓺ ꓜꓲꓼ ꓩꓴ ꓢꓲꓸ ꓛꓴꓽ ꓙꓳ ꓢꓴ ꓔꓯ ꓓꓶꓽ ꓠꓹ ꓟ ꓦꓬꓼ ꓠꓬꓲ ꓛꓲꓳ ꓐꓰ ꓧꓶꓸ ꓕꓯˍ ꓡꓰ ꓐꓯ ꓔꓬ ꓟ ꓥꓳ” ꓐꓯˍ ꓡꓳ꓿
ꓬꓲꓸ ꓚꓰ꓾ ꓗꓲꓚ, ꓐꓬꓱꓽ꓾ ꓗꓠꓓꓳ
