ꓟꓬꓱ ꓓꓳꓽ ꓙꓳˍ ꓟ ꓟꓬ-ꓟ ꓟꓴ ꓖꓪ ꓖꓪ ꓢꓴ Athen Cho Swe ꓠꓬ ꓙꓲ-ꓢꓴ ꓢꓲ ꓤ ꓒꓬꓱꓼ ꓡ ꓢꓲ꓾ 2022 ꓘꓳꓼ 12 ꓦ 24 ꓠꓬꓲ ꓕꓯꓽ ꓳ-ꓢꓲ-ꓔꓯ-ꓡꓲ-ꓬ ꓗꓴꓷꓼ꓾ Queensland ꓗꓪ ꓖꓳ ꓓꓱꓽ ꓔꓲꓹ ꓗꓷꓳ꓿
ꓬꓲꓸ ꓠꓬ ꓧꓶꓸ ꓕꓯ ꓟꓽ ꓦ ꓡꓱ ꓢꓴ ꓥ ꓟꓲ꓾ ꓬꓲꓸ ꓛꓳ ꓒꓯꓹ ꓐꓴ ꓡꓰ ꓪꓴ-ꓢ ꓟꓸ ꓟꓽ ꓠꓽ ꓠꓽ ꓐꓯ ꓟꓸ ꓖꓶ ꓡ ꓟ ꓗꓪ ꓐꓰ ꓬꓲꓸ ꓞꓲꓼ ꓗꓪ ꓫꓸ ꓓꓴ ꓔꓳꓹ ꓜꓳ ꓕꓯꓽ ꓬꓰ-ꓢꓴ ꓔꓯ ꓘꓴ ꓓꓰꓽ ꓠꓬꓲ ꓢꓲꓸ ꓦ ꓡꓱ ꓢꓴ ꓒꓬꓱꓼ ꓡ ꓡꓳ꓾ ꓐꓯ ꓡꓳ꓿
Myanmar Worship Ministries International ꓗꓪ ꓟ ꓟꓸ ꓒꓽ David Kim ꓡꓯ ꓒꓯꓹ ꓗꓪ ꓖꓳ ꓓꓱꓽ ꓔꓲꓹ ꓖꓶ ꓗꓷ ꓟ ꓥ ꓡꓳ꓿
“ꓟꓽ ꓦ ꓡꓱ ꓢꓴ ꓕꓲ ꓣꓳ ꓥ ꓐꓯ ꓥ ꓟꓲ ꓪꓴ-ꓢ ꓡꓰ ꓠꓲꓹ ꓟ ꓗ ꓘꓶꓺ ꓲꓼ ꓢꓲꓸ ꓚꓬꓴꓹ ꓙ ꓡꓻꓳ꓿ ꓢꓲꓺ ꓒ ꓔꓯ ꓦ ꓡꓱ ꓐꓳ ꓗꓷ ꓠꓬ ꓓꓵꓽ ꓙ ꓟꓶ ꓓꓴ ꓡꓶꓸ ꓑ ꓙꓰ ꓓꓴ ꓘꓳ ꓣꓴ ꓟꓶꓳ” ꓐꓰ ꓬꓲꓸ ꓚꓲꓸ ꓛꓬ ꓡꓰ ꓐꓯ ꓔꓸ ꓡꓳ꓿
