ꓠꓬꓲꓸ ꓠꓬꓲ 2021 ꓘꓳꓼ 8 ꓦ 8 ꓠꓬꓲ꓾ ꓟꓶ-ꓚꓲ-ꓠ꓾ ꓗ-ꓔꓳ-ꓡꓲꓼ ꓜꓴ ꓗꓪ ꓐꓰ ꓧꓳꓽ ꓣꓱꓽ ꓔꓬ ꓟ St. Luke Covid-19 Response Team ꓡꓰ 45 ꓣꓳ ꓔꓯ ꓚꓹ ꓠꓬꓲ ꓗꓷ ꓠꓬ ꓚꓳꓦꓲꓓ ꓙꓳ ꓢꓴ 16 ꓣꓳ ꓚꓹ ꓠꓬꓲ ꓟꓶ ꓡꓰꓳ꓿
ꓠꓻ ꓚꓹ ꓗꓷ ꓟ ꓠꓬ꓾ ꓚꓬꓼ-ꓑꓮꓳ-ꓛꓽ ꓢꓲꓽ ꓫꓬ ꓟ ꓝꓲ ꓓꓴ ꓬꓳ-ꓦ ꓪ ꓘꓴ ꓦꓲ ꓐꓰ꓾ ꓢꓚꓣꓚ ꓳꓝꓝꓲꓚꓰ ꓕꓱ ꓡꓱ 2 ꓔꓶꓸ ꓗꓪ ꓚꓹ ꓠꓬꓲ ꓗꓷ ꓟ ꓥ ꓡꓳ꓿
ꓦꓲ ꓗꓪ ꓔꓬ ꓠꓹ ꓟ ꓕꓵꓼ ꓪ ꓓꓳ ꓔꓸ ꓟ ꓟꓶ-ꓚꓲ-ꓠ ꓗꓪ ꓠꓻ ꓓꓱꓽ ꓚꓲꓸ ꓡꓰ ꓢꓴ ꓟꓬꓽ ꓡ ꓔꓬ ꓠꓬꓲ꓾ ꓦꓲ ꓗꓪ ꓔꓬ ꓟꓲ꓾ ꓓꓵꓽ ꓓꓳ ꓙꓰ ꓚꓳ ꓠ ꓗꓷ ꓡꓰ ꓟꓲ꓾ ꓚꓳꓦꓲꓓ-19 ꓠꓻ ꓓꓱꓽ ꓗꓽ ꓡꓲꓽ ꓗꓽ ꓚꓱꓹ ꓔꓯ ꓛꓳ ꓢꓲ ꓔꓬ ꓠꓹ ꓟ ꓢꓯꓼ ꓖꓶ ꓔꓸ ꓡꓳ꓿
- ꓟꓮꓢꓗ ꓑꓲꓸ
- ꓢꓸ-ꓑꓲ-ꓬꓸ ꓡꓰ ꓡꓯ ꓒꓯꓹ ꓞꓲꓽ
- ꓢꓯꓼ ꓙꓳ ꓡ ꓟ ꓜꓽ ꓓꓴ ꓜꓽ
- ꓒ ꓐꓳ ꓬꓲꓼ ꓟꓶ
- ꓬꓲ ꓞꓽ ꓟꓽ ꓠꓽ ꓠꓽ ꓓꓳ ꓪ ꓝꓲ
- ꓡ ꓕ ꓑꓳꓸ ꓦꓲ ꓗꓪ ꓔꓬ
