ꓮ ꓠꓲꓹ 2020 ꓘꓳꓼ 6 ꓦ ꓟ ꓘꓴꓽ ꓗꓪ ꓡꓳ ꓪꓴꓸ ꓗꓳ-ꓣꓲꓮ ꓗꓴꓷꓼ ꓡꓰ ꓓꓶ ꓞꓰꓹ ꓗꓷ ꓓꓴ ꓟ ꓠꓬꓲꓽ ꓗꓴꓷꓼ ꓙꓵꓽ ꓪ ꓙꓳ ꓢꓴ ꓐꓴ ꓙ ꓡꓯ ꓘꓳ ꓙꓸ ꓠꓸ ꓚꓱꓹ ꓔꓯ꓾ ꓮ ꓟꓶ ꓕꓲ ꓧꓪꓹ ꓫꓬꓹ ꓔꓶ ꓗꓷꓳ ꓐꓯ ꓡꓳ=
1950-53 ꓘꓳꓼ ꓗꓪ ꓬꓲꓸ ꓧꓶꓽ ꓓꓶꓽ ꓡꓯ ꓘꓳ ꓗꓷ ꓗꓸ ꓠꓯꓸ ꓮ ꓟꓶ ꓗꓪ ꓛꓲ ꓟꓽ ꓢꓰꓼ ꓡꓯ ꓗꓳ ꓠꓹ ꓟ ꓕꓳ ꓶ ꓐꓳ ꓔꓲꓸ ꓔꓸ ꓟ ꓟꓽ ꓙꓳ ꓙꓳ ꓟꓯꓼ ꓢꓰꓼ ꓠꓽ ꓔꓸ ꓟ ꓥ ꓡꓳ= ꓕꓱ ꓡꓱ ꓛꓴꓽ ꓙꓳ ꓡꓯ ꓘꓳ ꓔꓬ ꓟ ꓡꓳ ꓪꓴꓸ ꓗꓳ-ꓣꓲꓮ ꓐꓰ ꓡꓳ ꓟꓶꓸ ꓗꓳ-ꓣꓲꓮ ꓠꓬꓲꓽ ꓗꓴꓷꓼ ꓙ ꓡꓯ ꓘꓳ ꓚꓱꓹ ꓕꓱ ꓡꓱ ꓙꓳ ꓟ ꓗꓪ ꓐꓰ ꓑ ꓫꓬ ꓐꓴ ꓥ ꓟꓲ ꓠꓲꓹ ꓟ ꓢ ꓡꓰꓳ ꓐꓰ ꓐꓯ ꓡꓳ= ꓚꓲꓸ ꓚꓲꓸ ꓑꓶꓸ ꓑꓶꓸ ꓕꓲ ꓫꓵ ꓫꓵ ꓗ ꓡ ꓕꓽ ꓙꓵꓽ ꓪ ꓙꓳ ꓢꓴ ꓐꓴ ꓠꓲꓹ ꓞ ꓫꓸ ꓕꓱ ꓙ ꓡꓯ ꓘꓳ ꓢꓲꓸ ꓢꓲ ꓡꓲꓹ ꓟ ꓧꓪ ꓟꓶ ꓠꓹ ꓟ ꓥ ꓡꓳ=
