ꓟꓬ-ꓟ ꓗꓴꓷꓼ ꓗꓪ ꓟꓯꓼ ꓡꓰ ꓧꓳꓽ ꓪꓴꓸ ꓟꓴ ꓟ ꓔꓯ ꓑ ꓫꓬ ꓐꓴ ꓔꓶꓼ ꓦ ꓡꓱ ꓟꓽ ꓐꓳ꓾ ꓠ ꓑꓳ ꓗꓸ ꓙꓳꓹ ꓟꓽ ꓚꓰꓹ ꓔꓬ ꓟ ꓦꓬꓼ ꓠꓬꓲ ꓥ ꓟ ꓑꓶꓸ ꓓꓴ ꓚꓳꓦꓲꓓ-19 ꓠꓻ ꓓꓴ ꓠꓬ ꓟꓬꓽ ꓠꓬꓲ ꓬꓼ ꓡ ꓥꓳ ꓐꓰ꓾ ꓗꓴꓷꓼ ꓜꓴ ꓗꓪ ꓟꓬ-ꓟ ꓐꓱ ꓶ ꓞꓳ ꓤ ꓶꓽ ꓔꓯ ꓗꓪꓽ ꓫꓵꓽ ꓢꓴ ꓝꓲ ꓓꓴ ꓯ-ꓓꓲ-ꓣꓴ ꓡꓰ ꓐꓯ ꓡꓳ=
ꓐꓯ ꓠꓲꓹ ꓫꓵ ꓟ ꓠꓬ꓾ ꓑ ꓫꓬ ꓐꓴ ꓦ ꓡꓱ ꓐꓳ ꓟ ꓗꓴꓷꓼ ꓙꓵꓽ ꓜꓴ ꓔꓯ ꓙꓵꓽ ꓪ ꓠꓲꓹ ꓞ ꓟꓽ ꓡꓯꓼ ꓙꓱ ꓠꓬ꓾ ꓚꓳꓦꓲꓓ-19 ꓑꓶꓸ ꓓꓴ ꓥ ꓟꓲ꓾ ꓗꓴꓷꓼ ꓫꓵꓽ ꓪꓴ ꓑꓶꓸ ꓓꓴ ꓥ ꓟꓲ ꓟꓬ-ꓟ ꓗꓴꓷꓼ ꓠꓬ ꓞꓳꓸ ꓡꓰ ꓐꓬ ꓡꓰ ꓟ ꓗꓴꓷꓼ ꓒꓬꓱꓼ ꓡ ꓔꓬ ꓡꓳ ꓐꓰ ꓐꓯ ꓡꓳ=
ꓧꓶꓸ ꓕꓯ ꓟꓽ ꓒꓵꓽ ꓟꓽ ꓚ ꓓꓶꓽ ꓠꓬꓲ ꓔꓲꓸ ꓠꓬꓲ ꓡ ꓛꓴꓸ ꓡꓰ ꓐꓶ ꓢꓰꓼ ꓠꓬꓲ ꓬꓰ ꓗꓷ ꓗꓸ ꓠꓯꓸ ꓮ ꓟꓶ ꓠꓬ ꓠꓯ ꓞꓲꓼ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓘꓴ ꓔꓬ ꓡꓳ= ꓖꓳ ꓟ ꓑꓶꓸ ꓓꓴ ꓑ ꓫꓬꓼ ꓐꓴ ꓠꓬ ꓙꓵꓽ ꓪ ꓦꓴ ꓟꓯꓼ ꓔꓯ ꓠꓲꓹ ꓜꓳ ꓠꓲꓹ ꓒꓳꓹ ꓔꓬ ꓡꓳ=
