2026 ꓘꓳꓼ 9 ꓦ 30 ꓠꓬꓲ ꓕꓯꓽ꓾ ꓓꓴꓐꓮꓲ ꓡꓳ ꓒꓱ ꓗꓪ ꓐꓰ ꓔꓰꓡꓮꓦꓲꓦ ꓡꓳ ꓒꓱ ꓗꓪ ꓙꓱ ꓔꓬˍ ꓟ Flydubai flight 1073 ꓠꓬ ꓟꓲꓼ ꓪꓳꓼ ꓕꓯ ꓢꓲ ꓗꓪ ꓙꓱ ꓦꓲ ꓫꓵꓸ ꓒꓽ ꓠꓬꓲꓽ ꓣꓳ ꓢꓰꓼ ꓡꓯ ꓘꓳ ꓡ ꓢꓲꓸ ꓙꓱ ꓦꓲ ꓠꓬ ꓮ ꓡꓻ ꓞꓰ ꓬꓰꓳ꓿
ꓙꓱ ꓦꓲ ꓖꓳ ꓟ ꓗꓪ ꓬꓲ-ꓢꓷ-ꓡꓰ ꓡ ꓞꓳ 174 ꓣꓳ ꓜꓶꓽ ꓔꓬ ꓟ ꓥ ꓡꓳ꓿ ꓙꓱ ꓦꓲ ꓫꓵꓸ ꓒꓽ ꓓꓽ ꓟ ꓠꓬ꓾ ꓲ-ꓓꓲ-ꓬ ꓡ ꓞꓳ Captain Smit Machchhar ꓥ ꓡꓳ꓿ ꓔꓳꓹ ꓙ ꓙꓱ ꓦꓲ ꓫꓵꓸ ꓒꓽ ꓠꓬ ꓳ-ꓟ ꓗꓴꓷꓼ ꓡ ꓞꓳ ꓥ ꓡꓳ꓿
“ꓙꓱ ꓦꓲ ꓫꓵꓸ ꓒꓽ ꓓꓽ ꓟ ꓔꓯ ꓮ ꓕꓽ ꓠꓰ ꓗꓯꓸ ꓢꓴ꓾ ꓙꓱ ꓦꓲ ꓞꓰ ꓡꓰ ꓠꓹ ꓟ ꓢꓯꓼ ꓕꓵꓼ ꓢꓴ ꓠꓬ ꓔꓳꓹ ꓙ ꓙꓱ ꓦꓲ ꓫꓵꓸ ꓒꓽ (ꓳ-ꓟ ꓡ ꓞꓳ) ꓥ ꓡꓳ꓾ ꓐꓰ ꓬꓲ-ꓢꓷ-ꓡꓰ ꓗꓴꓷꓼ ꓙꓵꓽ ꓢꓴ ꓡꓰ ꓐꓯ ꓔꓸ ꓡꓳ꓿
ꓙꓱ ꓦꓲ ꓠꓬ ꓟꓲꓼ ꓪꓳꓼ ꓗꓪ ꓐꓰ ꓟꓲ ꓠꓯ ꓗꓪ ꓞꓰ ꓡ ꓔꓬ ꓕꓯꓽ꓾ ꓙꓱ ꓦꓲ ꓫꓵꓸ ꓒꓽ ꓗꓳꓹ ꓗꓪ ꓓꓵꓽ ꓙꓰ ꓢꓲꓸ ꓢꓰꓼ ꓢꓴ ꓔꓯ ꓬꓲꓸ ꓪꓴꓸ ꓣꓴ ꓶꓹ ꓔꓳꓹ ꓡꓯ ꓘꓳ ꓢꓴ ꓠꓬ꓾ Yaniv ꓥ ꓡꓳ꓿
ꓝꓮꓲ ꓠꓱꓸ ꓐꓯꓼ ꓢꓴ 3-5 ꓣꓳ ꓥ ꓟꓲ ꓓꓵꓽ ꓡ ꓢꓲ ꓢꓰꓼ ꓠꓹ ꓟ ꓢꓯꓼ ꓕꓵꓼ ꓢꓴ ꓔꓯ ꓣꓴ ꓓꓳꓽ ꓪ ꓡꓰ ꓡꓳ꓿
ꓙꓱ ꓦꓲ ꓟꓽ ꓞꓰ ꓡꓰ ꓠꓹ ꓟ꓾ ꓖꓳ ꓗꓪ ꓙꓱ ꓦꓲ ꓫꓵꓸ ꓐ ꓡ ꓢꓴ ꓡꓰ ꓠꓴꓹ ꓞ ꓫꓵꓸ ꓪ ꓡꓰꓳ꓿ ꓖꓳ ꓡꓱ ꓢꓲꓸ Saudi Arabia ꓗꓴꓷꓼ꓾ ꓔꓮꓐꓴꓗ ꓙꓱ ꓦꓲ ꓠꓽ ꓔꓶꓸ ꓗꓪ ꓠꓽ ꓪ ꓡꓰꓳ꓿
ꓬꓲꓸ ꓔꓯ ꓬꓲ-ꓢꓷ-ꓡꓰ ꓗꓴꓷꓼ ꓟꓬꓱꓽ ꓢꓲꓺ ꓓꓽ ꓟ ꓠꓯ-ꓔ-ꓬ-ꓩꓴ ꓡꓰ꓾ ꓕꓱ ꓡꓱ ꓢꓯꓼ ꓕꓵꓼ ꓚꓬꓴꓹ ꓙ ꓢꓴ ꓐꓴ ꓔꓯ ꓫ3ꓸ ꓖꓶ ꓡꓳ꓿ ꓙꓱ ꓦꓲ ꓫꓵꓸ ꓒꓽ ꓓꓽ ꓟ ꓔꓯ “ꓤ ꓘꓹ ꓒꓽ” ꓐꓰ ꓘꓴˍ ꓡꓳ꓿ ꓝꓮꓲ Yaniv ꓔꓯ “ꓑꓶꓸ ꓒꓽ ꓡ ꓢꓯꓹ ꓕꓲꓽ ꓘ,” ꓥꓳ꓾ ꓙꓱ ꓦꓲ ꓠꓽ ꓔꓶꓸ ꓗꓪ ꓙ ꓘꓶꓽ ꓞꓲ ꓬꓰ ꓢꓲꓸ ꓜꓲ ꓡꓯ ꓘꓳˍ ꓕꓯꓽ ꓫꓱꓸ ꓖꓶˍ ꓡꓳ꓿
ꓬꓲꓸ ꓚꓰ꓾
Israeli Media Reports (JFeed, i24NEWS, Ynet, Channel 12)
Official Embassy & FlyDubai Diplomatic Statements
#Netanyahu #Flydubai #HeroYaniv #AviationNews #Israel
