2025 ꓘꓳꓼ 10 ꓦ 19 ꓠꓬꓲ ꓕꓯꓽ ꓗ-ꓬꓲ ꓟꓵꓽ ꓫꓸ ꓗ ꓡꓳꓸ ꓟꓯꓼ (ꓐꓖꓝ) ꓡꓯ ꓒꓯꓹ ꓗꓪ ꓙꓳˍ ꓟ KK Park ꓔꓯ ꓟꓬ-ꓟ ꓟꓯꓼ ꓓꓵꓽ ꓢꓲꓸ ꓚꓲꓸ ꓚ ꓗꓷꓳ꓿
ꓖꓳ ꓗꓪ ꓔꓬ ꓢꓬ ꓞꓳ ꓑꓸ 1645 ꓣꓳ꓾ ꓤ ꓟꓶꓼ ꓤ 455 ꓣꓳ꓾ ꓡꓳꓸ ꓢꓴ ꓟꓯꓼ 98 ꓣꓳ꓾ ꓮ ꓙꓵꓽ ꓠꓬ 2100 ꓣꓳ ꓛꓲ ꓧꓪ ꓟꓶ ꓡꓳ꓿
2020 ꓗꓪ ꓐꓰ ꓪꓴꓸ ꓔꓴ ꓢꓲꓸ ꓫꓬꓹ ꓔꓸ ꓟ ꓥ ꓢꓲ꓾ 2021 ꓘꓳꓼ ꓕ ꓑꓳꓸ ꓠꓬ ꓦꓲ ꓬꓲꓸ ꓐꓶꓹ ꓫꓬꓹ ꓔꓺ ꓢꓲꓸ ꓳ-ꓡꓮꓲꓹ ꓗꓪ ꓐꓰ ꓗꓶꓸ ꓜꓽ ꓢꓴ ꓘꓴ ꓜꓲꓼ ꓢꓲꓸ ꓟꓽ ꓙꓲˍ ꓟ ꓬꓲ ꓫꓵ ꓬꓲ ꓙꓰꓽ ꓟꓬꓱꓽ ꓬꓰ ꓔꓶꓸ ꓒꓬꓱꓼ ꓡ ꓡꓳ꓾ ꓐꓰ ꓙꓟꓚ ꓡꓰ ꓐꓯ ꓔꓸ ꓡꓳ꓿
ꓮ ꓟꓶ ꓮ-ꓢꓲ-ꓬ ꓖꓪ ꓙꓱ ꓜꓲꓼ ꓓꓴ ꓐꓶꓽ ꓡ ꓟ ꓡꓰ ꓐꓰ ꓗꓶꓸ ꓜꓽ ꓜꓴ ꓔꓯ ꓚꓲꓸ ꓚ ꓟ ꓟꓬꓽ ꓡ ꓔꓬ ꓡꓳ꓿
ꓗꓳ-ꓗꓼ ꓟꓯꓼ ꓡꓰ ꓡꓮꓳ-ꓗꓮꓲ ꓗꓪ ꓕꓱ ꓡꓱꓳ ꓫꓵꓽ ꓚꓲꓸ ꓬꓯ ꓑꓶꓹ ꓔꓶꓸ꓾ ꓗꓶꓸ ꓜꓽ ꓜꓴ ꓟꓬꓱꓽ ꓬꓰ ꓖꓴ ꓬꓰ ꓝꓲˍ ꓟ ꓑꓶꓸ ꓓꓴ꓾ ꓡꓮꓳ-ꓗꓮꓲ ꓞꓳꓸ ꓡꓰ ꓕꓯꓽ ꓠꓯ-ꓑꓲ-ꓓꓳ ꓗꓪ ꓛꓰꓹ ꓑꓬ ꓔꓬ ꓟ ꓗꓳ-ꓗꓼ ꓧꓳꓽ ꓪꓴꓸ ꓟꓴ ꓢꓴ ꓐꓴ ꓔꓯ ꓧꓶꓽ ꓟꓯꓼ ꓡꓰ ꓣꓴ ꓢꓲꓸ ꓫꓵꓻ ꓝꓴꓲꓸ ꓖꓶ ꓔꓸ ꓟ ꓥꓳ꓿
