(ꓖꓪ ꓙꓱ ꓘꓶꓽ ꓕꓱ ꓟ ꓔꓯ ꓡꓲ-ꓢꓴ꓾ ꓲ-ꓖ-ꓡꓲꓼ ꓐꓰ ꓟꓬ-ꓟ ꓥꓳꓽ ꓫꓵꓽ (3) ꓫꓵꓽ ꓗꓪ ꓐꓰ ꓕꓲ ꓫꓵꓽ ꓑꓶꓸ ꓝꓸ ꓕꓲꓽ ꓫꓵꓽ ꓐꓳ ꓔꓸ ꓡꓳ= ꓵꓺ ꓐ ꓡ ꓟ ꓕꓲꓽ ꓥꓳꓽ ꓗꓪ ꓐꓰ ꓵꓺ ꓪ ꓓ ꓠꓹ ꓟ ꓥ ꓡꓳ= This proposal article is written in three languages: Lisu, English, and Burmese in sequence so that readers can read it in the language of their preference. ဤအဆိုပြုချက် ဆောင်းပါးကို လီဆူ၊ အင်္ဂလိပ်၊ မြန်မာ (၃) ဘာသာဖြင့် အစဉ်လိုက် ရေးသားထားပါသည်။ စာဖတ်သူများ အဆင်ပြေရာ ဘာသာစကားဖြင့် ဖတ်ရှုနိုင်ရန် စီစဉ်ထားခြင်းဖြစ်ပါသည်။)
ꓘꓶ ꓒꓵ ꓘꓶꓽ
ꓟꓵꓽ ꓗꓳ ꓓꓵ ꓓꓵ ꓗꓪ ꓔꓬ ꓟ ꓡꓲ-ꓢꓴ ꓫꓵꓽ ꓠꓬ ꓗ ꓟꓲ ꓡꓲꓽ ꓒꓰꓼ ꓐꓰ ꓚ ꓟꓲꓽ ꓐꓲ ꓜꓲꓼ ꓜꓲꓼ ꓙꓳˍ ꓟ ꓞꓳ ꓫꓵꓽ ꓕꓲ ꓫꓵꓽ ꓥ ꓡꓳ ꓐꓯ ꓥ ꓟꓲ꓾ ꓣꓳ ꓮ ꓙꓵꓽ ꓔꓺ ꓢꓲꓸ ꓣꓳ ꓡꓲꓽ ꓒꓰꓼ꓾ ꓣꓳ ꓚꓱꓹ ꓣꓳ ꓡꓲꓽ ꓔꓯ ꓟꓳꓸ ꓖꓶ ꓟ ꓦꓬꓼ ꓠꓬꓲ꓾ ꓣꓳ ꓕꓲ ꓠꓲꓹ ꓕꓲ ꓪ ꓥ ꓟ ꓔꓯ ꓟꓳꓸ ꓖꓶ ꓟ ꓦꓬꓼ ꓠꓬꓲ꓾ ꓞꓲꓼ ꓤ ꓡꓯꓹ ꓤ ꓐꓴ ꓔꓯ ꓢꓯꓼ ꓖꓶ ꓪ ꓖꓶ ꓟ ꓦꓬꓼ ꓠꓬꓲ ꓐꓯ ꓢꓲꓸ ꓬꓲꓸ ꓫꓳꓽ ꓕꓲ ꓠꓬꓲ ꓝꓰꓺ ꓔꓸ ꓟ ꓠꓬꓲꓸ ꓠꓬꓲ ꓗꓪ ꓛꓲ ꓟꓽ ꓙꓳ ꓢꓰ= ꓣꓳ ꓡꓲ-ꓢꓴ ꓫꓵꓽ ꓐꓴ ꓔꓬ ꓗꓳꓸ ꓡ ꓟ ꓚ ꓟꓲꓽ ꓗꓪ ꓔꓳꓹ ꓜꓳ ꓗꓷ ꓟ ꓐꓰ꓾ ꓧꓪꓸ ꓡꓰ ꓓꓴ ꓬꓲꓸ ꓫꓵꓽ ꓬꓲ ꓙꓰ ꓮ ꓟꓬꓹ ꓟ ꓠꓯꓸꓼ ꓗꓪ “ꓡꓲ-ꓢꓴ ꓕꓳ ꓶ ꓝꓳꓹ ꓫꓬꓹ ꓓꓳ ꓡ ꓟ” ꓠꓬ ꓪꓴꓽ ꓡꓳꓹ ꓬꓰ ꓟ ꓛꓲ ꓕꓳꓼ ꓓꓽ ꓟ ꓕꓲꓽ ꓕꓳꓼ ꓥ ꓡꓳ= ꓡꓲ-ꓢꓴ ꓕꓳ ꓶ ꓔꓯ 20 ꓦ ꓜꓴ ꓘꓳꓼ ꓬꓲꓸ ꓪꓴꓸ ꓔꓴ ꓟ ꓦꓬꓼ ꓠꓬꓲ ꓗꓪ ꓟꓸ ꓒꓽ ꓮ-ꓬꓲꓼ-ꓢ ꓐꓰ ꓟꓸ ꓒ ꓐ-ꓔꓳ ꓐꓴ ꓡꓰ ꓫꓬꓹ ꓚꓰꓼ ꓓꓳ ꓡ ꓟ ꓥ ꓡꓳ= ꓕꓱ ꓟ ꓗꓪ ꓐꓰ ꓡꓲ-ꓢꓴ ꓫꓵꓽ ꓚ ꓟꓲꓽ ꓔꓯ ꓓꓵ ꓙ ꓟꓶ ꓟꓶ ꓮ ꓕꓯ ꓟꓽ ꓚꓰꓼ ꓑꓶꓸ ꓡꓰ ꓝꓲꓳ=
ꓣꓳ ꓮ ꓙꓵꓽ ꓐꓱ ꓶ ꓧꓪꓸ ꓡꓰ ꓓꓴ ꓛꓲ ꓕꓳꓼ ꓕꓲ ꓟ꓾ ꓣꓳ ꓮ ꓙꓵꓽ ꓢꓴ ꓪꓽ ꓡꓯ ꓘꓳ ꓐ ꓡ ꓟ ꓛꓲ ꓕꓳꓼ ꓕꓱ ꓟ꓾ ꓣꓳ ꓮ ꓙꓵꓽ ꓢꓴ ꓔꓯ ꓢꓷꓸ ꓠꓲꓹ ꓟꓬ ꓢꓶꓽ ꓠꓬꓲ ꓟꓳꓻ ꓡ ꓝꓲ ꓟ ꓛꓲ ꓕꓳꓼ ꓕꓱ ꓟ ꓔꓯ “ꓡꓲ-ꓢꓴ ꓫꓵꓽ ꓦꓬꓼ ꓠꓬꓲ” ꓐꓯ ꓢꓲꓸ ꓑꓮꓲ ꓬꓰ ꓠꓹ ꓟ ꓖꓪ ꓙꓱ ꓠꓲꓹ ꓫꓵ ꓡꓳ= ꓣꓳ ꓮ ꓫꓵꓽ ꓞꓳ ꓫꓵꓽ ꓥ ꓟ꓾ ꓣꓳ ꓮ ꓡꓲ ꓪꓽ ꓡꓯ ꓘꓳ ꓐ ꓡ ꓟ꓾ ꓝꓮꓲ ꓣꓳ ꓞꓲꓼ ꓤ ꓡꓯꓹ ꓤ ꓐꓴ ꓮ ꓡꓲ ꓞꓳ ꓙꓳ ꓙꓰ ꓠꓹ ꓟ ꓟꓸ ꓖꓶ ꓠꓹ ꓟ ꓟꓬꓱꓽ ꓓꓳꓽ ꓦꓬꓼ ꓠꓬꓲ ꓒꓬꓱꓼ ꓡ ꓓꓴ ꓥ ꓡꓳ=
“ꓡꓲ-ꓢꓴ ꓥꓳꓽ ꓕꓳ ꓶ ꓝꓳꓹ ꓚꓰꓼ ꓓꓳ ꓡ ꓟ ꓦꓬꓼ ꓠꓬꓲ” ꓔꓯ ꓮ ꓫꓵꓽ ꓑꓶꓸ ꓓꓴ “ꓡꓲ-ꓢꓴ ꓫꓵꓽ ꓦꓬꓼ ꓠꓬꓲ” ꓐꓯ ꓢꓲꓸ ꓚꓲꓸ ꓟꓶ ꓓꓴ ꓬꓰ ꓠ ꓗ ꓟ ꓬꓲꓸ ꓝꓻ ꓬꓲꓸ ꓕꓳꓼ (3) ꓘꓶꓽ=
1ꓸ ꓣꓳ ꓮ ꓫꓵꓽ ꓞꓳ ꓫꓵꓽ ꓥ ꓟ ꓢꓷꓸ ꓡꓰ ꓓꓴ (Our Identity)= ꓥꓳꓽ ꓫꓵꓽ ꓠꓬ ꓞꓳ ꓫꓵꓽ ꓕꓲ ꓫꓵꓽ ꓥ ꓟ ꓢꓷꓸ ꓡꓰ ꓓꓴ ꓗꓸ ꓚꓵ ꓓꓽ ꓟ ꓥ ꓡꓳ= ꓡꓲ-ꓢꓴ ꓕꓳ ꓶ ꓝꓳꓹ ꓚꓰꓼ ꓓꓳ ꓡ ꓟ ꓑꓶꓸ ꓓꓴ ꓡꓲ-ꓢꓴ ꓥꓳꓽ ꓫꓵꓽ ꓔꓯ ꓫꓺ ꓒꓵꓽ ꓪ ꓡꓰ ꓝꓲ ꓡꓳ= ꓡꓲ-ꓢꓴ ꓚ ꓟꓲꓽ꓾ ꓡꓲ-ꓢꓴ ꓓꓵꓽ ꓙ ꓚꓱꓹ꓾ ꓡꓲ-ꓢꓴ ꓡꓲ ꓒꓰꓼ ꓡꓲ ꓚꓱꓹ ꓔꓯ ꓞꓲꓼ ꓤ ꓡꓯꓹ ꓤ ꓗꓪ ꓛꓲ ꓢꓷꓸ ꓡꓰ ꓝꓲ ꓐ ꓡ ꓡꓳ= ꓕꓳ ꓶ ꓝꓳꓹ ꓟꓽ ꓙꓳ ꓐꓭ ꓠꓬ ꓡꓲ-ꓢꓴ ꓚ ꓟꓲ꓾ ꓮ ꓠꓱ ꓥꓳꓽ꓾ ꓟꓴ ꓖꓪ꓾ ꓢꓷꓸ ꓠꓲꓹ ꓥꓳ ꓜꓱ ꓐꓯ ꓘꓶꓽ ꓠꓬ ꓮ ꓤ ꓤ ꓟꓶꓽ ꓬꓰ ꓥꓳ= ꓡꓲ-ꓢꓴ ꓕꓳ ꓶ ꓝꓳꓹ ꓠꓬ ꓣꓳ ꓮ ꓟ ꓥ ꓟ꓾ ꓮ ꓫꓵꓽ ꓞꓳ ꓫꓵꓽ ꓥ ꓟ ꓢꓷꓸ ꓡꓰ ꓓꓴ ꓟꓳꓸ ꓖꓶ ꓔꓬ ꓡꓳ=
2ꓸ ꓣꓳ ꓪꓽ ꓡꓯ ꓘꓳ ꓟ ꓢꓷꓸ ꓡꓰ ꓓꓴ (Our Unity)= ꓡꓲ-ꓢꓴ ꓞꓳ ꓫꓵꓽ ꓠꓬ ꓧꓶꓽ ꓗꓴꓷꓼ꓾ ꓟꓬ-ꓟ ꓗꓴꓷꓼ꓾ ꓲ-ꓓꓲ-ꓬ ꓗꓴꓷꓼ꓾ ꓕꓮꓲ ꓗꓴꓷꓼ ꓐꓰ ꓠꓱꓸ ꓐꓯꓼ ꓗꓴꓷꓼ ꓮ ꓟꓬꓹ ꓗꓪ ꓔꓬ ꓡꓳ= ꓔꓬ ꓖꓴ ꓟꓵꓽ ꓟꓽ ꓫꓱꓸ ꓡꓯ ꓘꓳ ꓥ ꓟꓲ ꓡꓲ-ꓢꓴ ꓕꓳ ꓶ ꓝꓳꓹ ꓕꓱ ꓟ ꓣꓱꓽ ꓔꓬ ꓟ ꓗꓪ ꓐꓰ ꓣꓳ ꓮ ꓙꓵꓽ ꓔꓯ ꓕꓲ ꓠꓲꓹ ꓕꓲ ꓪ ꓧꓶꓹ ꓣꓴ ꓔꓸ ꓡꓳ= ꓕꓱ ꓟ ꓠꓬ ꓣꓳ ꓮ ꓙꓵꓽ ꓑꓯꓹ ꓡꓯ ꓘꓳ ꓟ ꓠꓲꓹ ꓫꓬꓸ ꓓꓽ ꓟ ꓒꓬꓱꓼ ꓡ ꓢꓲ꓾ ꓕꓱ ꓟ ꓗꓪ ꓐꓰ ꓣꓳ ꓠꓯꓸꓼ ꓗꓪ ꓧꓶꓸ ꓕꓯ ꓮ ꓕꓯ ꓟꓲ ꓟꓽ ꓙꓳ ꓠꓬꓲ ꓟ ꓕꓲ ꓠꓲꓹ ꓕꓲ ꓪ ꓟ ꓙꓳ ꓡ ꓝꓲ ꓡꓳ=
3ꓸ ꓣꓳ ꓟꓬ ꓢꓶꓽ ꓒꓴ ꓡ ꓟ ꓢꓷꓸ ꓡꓰ ꓓꓴ (Our Empowerment)= ꓡꓲ-ꓢꓴ ꓕꓳ ꓶ ꓝꓳꓹ ꓕꓱ ꓟ ꓫꓬꓹ ꓓꓳ ꓩꓴ ꓡ ꓟ ꓗꓪ ꓐꓰ ꓣꓳ ꓕꓳ ꓶ ꓢꓷꓸ ꓠꓲꓹ ꓢꓳ ꓗꓴꓸ ꓡ꓾ ꓮ ꓒꓳ ꓒꓳ ꓗꓪ ꓟꓬ ꓢꓶꓽ ꓒꓴ ꓡ꓾ ꓢꓯꓼ ꓙꓳ ꓡ ꓟ ꓥ ꓡꓳ= ꓪꓴꓽ ꓟꓴ ꓡ ꓟ ꓤꓶ ꓦꓬꓼ ꓠꓬꓲ ꓔꓯ ꓖꓼ ꓙꓰ ꓐ ꓡ ꓢꓲ꓾ ꓢꓷꓸ ꓠꓲꓹ ꓚꓱꓹ꓾ ꓦ ꓡꓱ ꓚꓱꓹ꓾ ꓟꓬꓱꓽ ꓬꓰ ꓜꓻ ꓜꓽ ꓚꓱꓹ꓾ ꓙ ꓡꓯ ꓘꓳ ꓚꓱꓹ꓾ ꓖꓳ ꓓꓱꓽ ꓔꓬ ꓢ ꓚꓱꓹ ꓮ ꓙꓵꓽ ꓗꓪ ꓟꓬ ꓢꓶꓽ ꓒꓴ ꓡ ꓡꓳ=
ꓡꓲ-ꓢꓴ ꓫꓵꓽ ꓦꓬꓼ ꓠꓬꓲ ꓮ ꓡꓲ ꓕꓲ ꓠꓬꓲ ꓬꓰ ꓠꓹ ꓟ ꓐꓯ ꓧꓳꓽ ꓘꓶꓽ
ꓟꓸ ꓒ ꓮ-ꓬꓲꓼ-ꓢ ꓐꓰ ꓟꓸ ꓒ ꓐ-ꓔꓳ ꓐꓴ ꓔꓺ ꓡꓯ ꓘꓳ ꓢꓲꓸ 20 ꓦ ꓜꓴ ꓘꓳꓼ ꓬꓲꓸ ꓪꓴꓸ ꓗꓪ ꓡꓲ-ꓢꓴ ꓕꓳ ꓶ ꓝꓳꓹ ꓕꓱ ꓟ ꓫꓬꓹ ꓚꓰꓼ ꓩꓴ ꓡ ꓢꓲ꓾ 1915 ꓘꓳꓼ ꓗꓪ ꓠꓬ ꓮ ꓟꓶ ꓣꓳꓽ ꓣꓱꓽ ꓔꓬ ꓟ ꓡꓰ ꓐꓰ ꓐꓲ ꓜꓲꓼ ꓜꓲꓼ ꓫꓬꓹ ꓚꓰꓼ ꓓꓳ ꓡꓰ ꓟ ꓥ ꓡꓳ= ꓦꓬꓼ ꓠꓬꓲ ꓬꓲꓸ ꓠꓬꓲ ꓔꓳꓼ ꓐꓯ ꓔꓸ ꓟ ꓟꓽ ꓙꓳ ꓥ ꓟꓲ꓾ ꓘꓳꓼ ꓫꓵꓼ 1 ꓦ ꓘꓴ ꓗꓪ ꓬꓰ ꓠꓬ ꓣꓳ ꓡꓲ-ꓢꓴ ꓐꓴ ꓕꓳ ꓶ ꓐꓰ ꓡꓲꓽ ꓒꓰꓼ꓾ ꓢꓷꓸ ꓠꓲꓹ ꓚꓱꓹ ꓮ ꓙꓵꓽ ꓗꓪ ꓬꓲꓸ ꓫꓵꓼ ꓪꓴꓸ ꓔꓴ ꓡ ꓟ ꓔꓯ ꓜꓯꓻ ꓜꓳꓽ ꓡꓰ ꓡꓳ ꓐꓰ ꓓꓵꓽ ꓙ ꓡꓳ= ꓖꓳ ꓟ ꓑꓶꓸ ꓓꓴ ꓘꓳꓼ ꓫꓵꓼ 1 ꓦ 15 ꓠꓬꓲ ꓔꓯ “ꓡꓲ-ꓢꓴ ꓫꓵꓽ ꓦꓬꓼ ꓠꓬꓲ” ꓐꓰ ꓢꓪꓼ ꓢꓲꓸ ꓑꓮꓲ ꓬꓰ ꓙꓰ ꓡꓯ ꓐꓰ ꓪꓴꓸ ꓠꓲꓹ ꓫꓵ ꓡꓳ= ꓕꓱ ꓟ ꓠꓬ ꓣꓳ ꓡꓲ-ꓢꓴ ꓫꓵꓽ ꓚ ꓟꓲꓽ ꓔꓯ ꓧꓶꓸ ꓕꓯ ꓡꓰ ꓐꓰ ꓟꓽ ꓥ ꓬꓲꓸ ꓫꓵꓼ ꓑꓶꓸ ꓡꓰ ꓝꓲ ꓟ ꓟꓸ ꓒ ꓮ-ꓬꓲꓼ-ꓢ ꓐꓰ ꓟꓸ ꓒ ꓐ-ꓔꓳ ꓐꓴ ꓡꓰ ꓡꓲ-ꓢꓴ ꓕꓳ ꓶ ꓚꓰꓼ ꓓꓳ ꓡꓰ ꓟ ꓦꓬꓼ ꓠꓬꓲ ꓔꓯ ꓮ ꓘꓶꓸ ꓜꓯꓻ ꓜꓳꓽ ꓟ ꓦꓬꓼ ꓠꓬꓲ꓾ ꓑꓮꓲ ꓥ ꓟꓲ ꓬꓰ ꓗꓹ ꓛꓲ ꓟ ꓦꓬꓼ ꓠꓬꓲ ꓕꓲꓽ ꓠꓬꓲ ꓒꓬꓱꓼ ꓡ ꓥꓳ=
ꓡꓲ-ꓢꓴ ꓫꓵꓽ ꓦꓬꓼ ꓠꓬꓲ ꓑꓮꓲ ꓬꓰ ꓟ ꓔꓶ ꓙꓱꓼ (5) ꓟ ꓙꓳ ꓡꓳ
1. ꓣꓳ ꓕꓳ ꓶ ꓝꓳꓹ ꓚꓰꓼ ꓓꓳ ꓔꓸ ꓟ ꓟꓬꓱꓽ ꓔꓯ ꓟꓬꓱ ꓓꓳꓽ ꓖꓶ ꓟ= ꓣꓳ ꓡꓲ-ꓢꓴ ꓫꓵꓽ ꓐꓱ ꓶ ꓣꓳ ꓮ ꓫꓵꓽ ꓡ ꓞꓳ ꓥ ꓟ ꓢꓷꓸ ꓡꓰ ꓓꓴ꓾ ꓝꓮꓲ ꓣꓳ ꓪꓽ ꓡꓯ ꓘꓳ ꓓꓴ꓾ ꓝꓮꓲ ꓣꓳ ꓢꓷꓸ ꓠꓲꓹ ꓢꓳ ꓪꓴꓸ ꓔꓴ ꓗꓴꓸ ꓡ ꓠꓹ ꓟ ꓐꓱ ꓶ ꓟꓸ ꓒ ꓮ-ꓬꓲꓼ-ꓢ ꓐꓰ ꓟꓸ ꓒ ꓐ-ꓔꓳ ꓐꓴ ꓡꓰ ꓓꓵꓽ ꓙ ꓟꓶ ꓟꓶ ꓬꓰ ꓓꓳ ꓩꓴ ꓡ ꓟ ꓔꓯ ꓫꓸ ꓟꓳ ꓟꓬꓱ ꓓꓳꓽ ꓖꓶ ꓠꓹ ꓟ ꓥ ꓡꓳ=
2. ꓣꓳ ꓕꓲ ꓧꓶꓹ ꓕꓲ ꓚ ꓪꓽ ꓡꓯ ꓘꓳ ꓟ ꓔꓯ ꓢꓯꓼ ꓖꓶ ꓓꓴ= ꓕꓲ ꓟꓲ ꓠꓯ ꓗꓪ ꓟ ꓡꓲ-ꓢꓴ ꓐꓴ ꓕꓲ ꓠꓲꓹ ꓕꓲ ꓪ ꓟ ꓐꓰ ꓙ ꓡꓯ ꓘꓳ ꓚꓱꓹ ꓗꓪ ꓪꓽ ꓡꓯ ꓘꓳ ꓠꓹ ꓟ ꓐꓱ ꓶ ꓥ ꓡꓳ=
3. ꓣꓳ ꓗ ꓟꓲꓽ ꓡꓲ ꓒꓰꓼ ꓔꓯ ꓫꓺ ꓒꓵꓽ ꓛꓵꓽ ꓔꓴ ꓓꓴ= ꓡꓲ-ꓢꓴ ꓥꓳ ꓫꓵꓽ꓾ ꓡꓲ ꓒꓰꓼ ꓡꓲ ꓚꓱꓹ꓾ ꓛꓲ ꓐꓶ ꓟꓴ ꓖꓪ ꓐꓰ ꓟꓶ ꓢꓯꓼ꓾ ꓚ ꓟꓲꓽ ꓠꓲꓸ ꓫꓬꓸ ꓬꓲ ꓫꓵ ꓬꓲ ꓙꓰ ꓔꓯ ꓫꓺ ꓒꓵꓽ ꓢꓲꓸ ꓜꓶ ꓟꓴ ꓡ ꓠꓹ ꓟ ꓐꓱ ꓶ ꓕꓳ ꓶ ꓑꓷꓠ ꓐꓳ ꓫꓬꓹ ꓟ꓾ ꓡꓲ ꓒꓰꓼ ꓑꓮꓲ ꓬꓰ ꓟ꓾ ꓢꓷꓸ ꓠꓲꓹ ꓢꓳ ꓚꓱꓹ ꓐꓰ ꓝꓮꓲ ꓟꓰꓓꓲꓮ ꓚꓱꓹ ꓗꓪ ꓐꓰ ꓢꓯꓼ ꓕꓵꓼ ꓠꓹ ꓟ=
4. ꓣꓳ ꓙ ꓡꓯ ꓘꓳ ꓚꓱꓹ ꓪꓴꓽ ꓟꓴ ꓡ ꓓꓴ= ꓡꓲ-ꓢꓴ ꓐꓴ ꓔꓬ ꓙꓶ ꓪꓴꓽ ꓟꓴ ꓡ ꓠꓹ ꓟ ꓐꓱ ꓶ ꓕꓶˍ ꓟ ꓪꓴꓽ ꓟꓴ ꓡ ꓚꓱꓹ꓾ ꓢꓷꓸ ꓠꓲꓹ ꓢꓳ ꓚꓱꓹ꓾ ꓢꓯꓼ ꓖꓶ ꓪ ꓖꓶ ꓚꓱꓹ ꓗꓪ ꓔꓺ ꓡꓯ ꓘꓳ ꓟ ꓪꓴꓽ ꓟꓴ ꓡ ꓠꓹ ꓟ=
5. ꓣꓳ ꓞꓲꓼ ꓤ ꓡꓯ ꓤ ꓐꓴ ꓔꓯ ꓢꓯꓼ ꓖꓶ ꓓꓴ= ꓣꓳ ꓡꓲ ꓒꓰꓼ ꓣꓳ ꓠꓲꓸ ꓫꓬꓸ ꓔꓯ ꓟꓬꓱ ꓓꓳꓽ ꓣꓴ ꓐ ꓡ ꓟ ꓡꓰ ꓐꓰ꓾ ꓬꓲꓸ ꓫꓵꓼ ꓫꓬꓹ ꓜꓶ ꓟ꓾ ꓧꓳꓽ ꓪꓴꓸ ꓟꓴ ꓟ ꓐꓰ꓾ ꓤꓶ ꓫꓵꓼ ꓗꓪ ꓡꓲ-ꓢꓴ ꓐꓴ ꓮ ꓡꓲ ꓢꓯꓸ ꓔꓬ ꓠꓹ ꓟ ꓬꓲꓸ ꓚꓱꓹ ꓧꓪ ꓢꓴ ꓐꓴ ꓔꓯ ꓢꓯꓼ ꓖꓶ ꓠꓹ ꓟ ꓥ ꓡꓳ=
ꓡꓲ-ꓢꓴ ꓫꓵꓽ ꓦꓬꓼ ꓠꓬꓲ ꓑꓮꓲ ꓬꓰ ꓕꓯ꓾ ꓕꓲ ꓘꓹ ꓕꓲ ꓟꓵꓽ ꓗꓪ ꓡꓲ-ꓢꓴ ꓫꓵꓽ ꓦꓬꓼ ꓠꓬꓲ ꓑꓮꓲ ꓬꓰ ꓗꓳ-ꓟꓲ-ꓔꓲ ꓒꓴ ꓡꓯ ꓘꓳ ꓢꓲ꓾ ꓕꓯ ꓢꓲ ꓗꓪ ꓟ ꓔꓶ ꓙꓱꓼ ꓔꓯ ꓜꓯꓻ ꓠꓬꓲ ꓢꓲꓸ ꓣꓳ ꓔꓬ ꓟ ꓟꓵꓽ ꓗꓪ ꓬꓰ ꓐ ꓡ ꓟ ꓬꓲꓸ ꓫꓵꓽ ꓬꓲ ꓙꓰ ꓬꓰ ꓙꓰ ꓠꓹ ꓟ ꓥ ꓡꓳ=
ꓑꓮꓲ ꓗꓪ ꓣꓱꓽ ꓠꓹ ꓟ ꓡꓲ-ꓢꓴ ꓒꓯꓽ
ꓡꓲ-ꓢꓴ ꓒꓯꓽ ꓠꓬ ꓮ ꓙꓵꓽ ꓢꓴ ꓪꓽ ꓔꓸ ꓟ ꓗ ꓟꓲ ꓡꓲ ꓒꓰꓼ ꓜꓴ ꓗꓪ ꓐꓰ ꓫꓬꓹ ꓓꓳ ꓔꓸ ꓟ ꓔꓯ ꓣꓱꓽ ꓠꓹ ꓟ ꓐꓯ ꓧꓳꓽ ꓠꓲꓹ ꓫꓵ ꓡꓳ=
ꓒꓯꓽ ꓐꓬꓱꓽ ꓬꓲꓸ ꓟꓸ ꓟꓲꓽ ꓠꓬ ꓕꓱ ꓡꓱ ꓥ ꓡꓳ=
- ꓢꓲꓽ ꓢꓲꓽ (ꓠꓲꓺ ꓠꓲꓺ) ꓜꓸ ꓔꓸ ꓟ ꓠꓬ ꓤ ꓘꓹ ꓘꓹ ꓑꓶꓸ ꓑꓶꓸ ꓬꓰ ꓐ ꓡ ꓢꓴ ꓥ ꓟ ꓡꓲ-ꓢꓴ ꓒꓬꓱꓽ ꓔꓯ ꓖꓴ ꓡꓳ=
- ꓟꓲꓼ ꓪꓳꓼ ꓠꓲꓹ ꓛꓵꓼ ꓜꓸ ꓔꓸ ꓟ ꓠꓬ ꓠꓲꓹ ꓔꓱꓹ ꓠꓲꓹ ꓓꓰ ꓟ ꓐꓰ ꓢꓲ ꓡꓲꓹ ꓟ ꓔꓯ ꓖꓴ ꓡꓳ=
- ꓕꓳ ꓶ ꓠꓬ ꓢꓷꓸ ꓠꓲꓹ ꓬꓲ ꓫꓵ ꓬꓲ ꓙꓰ ꓢꓳ ꓢꓯꓼ ꓕꓵꓼ ꓟ ꓔꓯ ꓖꓴ ꓡꓳ=
- ꓛꓲ ꓐꓶ ꓠꓬ ꓡꓲ-ꓢꓴ ꓟꓶ ꓢꓯꓼ ꓐꓰ ꓟꓴ ꓖꓪ ꓢꓷꓸ ꓠꓲꓹ ꓮ ꓙꓵꓽ ꓔꓯ ꓖꓴ ꓡꓳ=
- ꓛꓬꓹ ꓠꓬ ꓡꓲ-ꓢꓴ ꓐꓴ ꓠꓲꓸ ꓫꓬꓸ ꓶ ꓤ ꓶ ꓟꓲ ꓮ ꓙꓵꓽ ꓔꓯ ꓖꓴ ꓡꓳ=
ꓖꓳ ꓟ ꓑꓶꓸ ꓓꓴ ꓒꓯꓽ ꓕꓱ ꓟ ꓬꓲꓸ ꓟꓸ ꓟꓲ ꓬꓲꓸ ꓧꓶꓹ ꓚ ꓠꓬ꓾ “ꓡꓲ-ꓢꓴ ꓐꓴ ꓠꓬ ꓢꓲ ꓡꓲꓹ ꓟ ꓔꓯ ꓠꓲꓹ ꓠꓵ ꓗꓴꓸ ꓢꓴ꓾ ꓢꓷꓸ ꓠꓲꓹ ꓬꓲ ꓫꓵ ꓬꓲ ꓙꓰ ꓔꓯ ꓖꓼ ꓢꓳ ꓔꓬ ꓟ ꓡꓰ ꓐꓰ ꓒꓵꓽ ꓒ ꓡꓲ ꓒꓰꓼ ꓗ ꓟꓲ ꓐꓰ ꓣꓱꓽ ꓫꓵ ꓣꓱ ꓙꓰ ꓔꓯ ꓥ ꓟꓲ ꓫꓺ ꓒꓵꓽ ꓔꓬ ꓢꓴ ꓥ ꓢꓲ꓾ ꓮ ꓘꓶꓸ ꓤ ꓘꓹ ꓢꓴ꓾ ꓑꓶꓸ ꓢꓴ ꓥ ꓡꓳ” ꓐꓰ ꓐꓯ ꓬꓯꓼ ꓡꓳ=
ꓡꓯꓼ ꓕꓲ ꓟꓬꓱꓽ ꓬꓰ ꓠꓹ ꓟ ꓪꓴꓸ ꓡꓯ ꓘꓳ ꓘꓶꓽ
ꓡꓲ-ꓢꓴ ꓧꓳꓽ ꓪꓴꓸ ꓟꓴ ꓢꓴ ꓐꓴ꓾ ꓬꓲꓸ ꓜꓴ ꓬꓲꓸ ꓒꓳ ꓐꓴ꓾ ꓕꓳ ꓶ ꓧꓪ ꓟꓰꓹ ꓢꓴ ꓐꓴ꓾ ꓡꓲ-ꓢꓴ ꓫꓵꓽ ꓮ ꓙꓵꓽ ꓢꓴ ꓠꓲꓹ ꓟ ꓔꓺ ꓪꓽ ꓡꓯ ꓘꓳ ꓢꓲ ꓟꓬꓱꓽ ꓑꓶꓸ ꓕꓱ ꓟ ꓪꓴꓸ ꓔꓴ ꓙꓰ ꓓꓴ ꓬꓰ ꓡꓯ= ꓣꓳ ꓥꓳ ꓫꓵꓽ꓾ ꓣꓳ ꓡꓲ ꓒꓰꓼ ꓐꓰ ꓣꓳ ꓞꓳ ꓤ ꓠꓬ ꓟꓬꓱ ꓓꓳ ꓐꓰ ꓫꓺ ꓒꓵꓽ ꓟ꓾ ꓪꓴꓽ ꓟꓴ ꓡ ꓠꓹ ꓟ ꓟꓶ ꓒꓵꓽ ꓡꓳ= ꓦꓬꓼ ꓠꓬꓲ ꓕꓱ ꓟ ꓠꓬ ꓣꓳ ꓟꓬꓱ ꓓꓳꓽ ꓙꓳ ꓙꓳ ꓕꓶ ꓕꓶ ꓢꓯꓸ ꓔꓬ ꓟ꓾ ꓣꓳ ꓕꓲ ꓠꓲꓹ ꓕꓲ ꓪ ꓙꓳ ꓟ ꓐꓰ꓾ ꓣꓳ ꓡꓲ-ꓢꓴ ꓞꓲꓼ ꓤ ꓡꓯꓹ ꓤ ꓐꓴ ꓠꓬ ꓡ ꓠꓹ ꓟ ꓦꓬꓼ ꓠꓬꓲ ꓗꓪ ꓡꓯ ꓫꓵ ꓕꓴꓸ ꓙꓰ ꓓꓴ ꓥꓳ ꓐꓯˍ ꓟ ꓔꓯ ꓙ ꓟꓳ ꓘꓶꓽ ꓖꓶ ꓟ ꓐꓰ꓾ ꓟꓳꓸ ꓖꓶ ꓟ ꓥ ꓡꓳ=
ꓡꓲ-ꓢꓴ ꓫꓵꓽ ꓦꓬꓼ ꓠꓬꓲ ꓒꓬꓱꓼ ꓡ ꓠꓹ ꓟ ꓮ ꓙꓵꓽ ꓢꓴ ꓪꓽ ꓡꓯ ꓘꓳ ꓓꓴ ꓬꓰ ꓡꓯ= ꓗꓹ ꓛꓲ ꓟ ꓐꓰ ꓟꓬꓱ ꓓꓳ ꓙꓳ ꓟ ꓡꓲ-ꓢꓴ ꓫꓵꓽ ꓦꓬꓼ ꓠꓬꓲ ꓒꓬꓱꓼ ꓡ ꓠꓹ ꓟ ꓡꓯ ꓫꓵ ꓕꓲ ꓕꓳꓼ ꓫꓱꓽ ꓙꓰ ꓡꓯ= ꓫꓸ ꓟꓳ ꓪ=
ꓡꓲ-ꓢꓴ ꓫꓵꓽ ꓙꓳ ꓔꓬ ꓝꓲ꓾ ꓡꓲ-ꓢꓴ ꓠꓲꓸ ꓫꓬꓸ ꓕꓶ ꓔꓬ ꓝꓲ=
A Proposal to Establish Lisu National Day
Introduction
The Lisu people possess a profound cultural heritage and collective experiences, yet we lack a dedicated day to celebrate our identity, unity, achievements, and to inspire future generations. Among our historical milestones, one significant achievement is the creation of the Lisu writing system by J.O. Fraser and Thara Ba Thaw in the early 20th century. This transformative event changed the Lisu history forever.
To honor this collective achievement, we propose establishing “Lisu National Day” on the anniversary of the Fraser script’s completion. This day will serve as a symbol of pride, commemorating our past while committing to a brighter future for the Lisu language and culture. It will celebrate our identity, strengthen our unity, and declare to the world that the Lisu people are here to stay.
3 Reasons to Recognize the Fraser Script completion event as Lisu National Day
1. Our Identity: Language is the hallmark of a people’s identity, and the Fraser script preserves the Lisu language. It helps document our history, express our thoughts, and pass down traditions. Without it, our stories, songs, and wisdom might have been lost to time. The Fraser script embodies the essence of our identity.
2. Our Unity: Lisu people reside in China, Myanmar, India, Thailand, and beyond. Despite geographical differences, the Fraser script unites us as one people. It is a shared heritage that transcends borders, fostering unparalleled unity.
3. Our Empowerment: The Fraser script opened the doors to literacy, education, and self-determination. It enabled the Lisu people to engage with the modern world while fostering comprehensive empowerment and awareness across the Lisu nation.
Proposed Date for Lisu National Day
J.O. Fraser and Thara Ba Thaw collaborated to develop the Lisu script in the early 20th century, and the current form of the Lisu script (The Old Lisu Script, Fraser Script) was completed in 1915. While there is no exact recorded date, the start of the new year symbolizes the awakening of literacy, culture, and educational advancement. Therefore, we propose January 15th as The Lisu National Day. This date closely marks the period when Fraser and Ba Thaw finalized the Fraser script, a new start, a time that forever transformed Lisu history.
Objectives for Celebrating Lisu National Day
1. Honor the Works: Recognize and celebrate the remarkable work of J.O. Fraser and Thara Ba Thaw, ensuring their contributions remain central to our identity and unity and education.
2. Strengthen the Unity: Foster solidarity and collaboration among Lisu communities worldwide to build a cohesive, supportive global network.
3. Promote the Lisu Culture: Actively safeguard and promote the Lisu language, traditions, arts, music, and oral histories through educational programs, cultural events, and digital platforms.
4. Promote Collaboration: Inspire collective efforts towards sustainable development, education, and community empowerment to improve the quality of life for Lisu people globally.
5. Empower Future Generations: Equip youth with pride in their heritage while encouraging innovation, leadership, and adaptive strategies to address modern challenges, paving better ways for the Lisu people.
When celebrating Lisu National Day, we should form a committee and choose programs that reflect these objectives and tailor them to the time and place of the celebrations.
Proposed Flag for National Day
We propose using a flag recognized by various Lisu cultural groups as the national flag. The meaning of each part of the flag is as follows:
1. Red Color: Represents bravery and boldness.
2. Blue Color: Signifies a love for peace and tranquility.
3. Book: Symbolizes the pursuit of knowledge.
4. Chibi (Guitar): Represents all traditional Lisu musical instruments, proverbs and songs.
5. Cross-bow: Symbolizes all traditional Lisu tools and accessories.
Therefore, the overall meaning of the Lisu national flag is: “The Lisu people cherish peace, pursue education, value and preserve their ancestral arts and tools, and are brave and active individuals.”
Call to Action
We call upon all Lisu leaders, organizations, scholars, and community members to unite behind this historic initiative. Let us stand together and declare that our language, culture, and people deserve recognition, celebration, and preservation.
By establishing Lisu National Day, we honor our ancestors, inspire our youth, and secure our rightful place in history. This day will be a testament to our resilience, a celebration of our unity, and a promise to future generations that the Lisu people will continue to thrive.
Let us unite and make Lisu National Day a reality! Let us take this step toward a brighter, prouder future.
Long live the Lisu people! Long live our shared heritage!
လီဆူအမျိုးသားနေ့ထူထောင်ရေးအဆိုပြုချက်
နိဒါန်း
လီဆူလူမျိုးတို့သည် နက်ရှိုင်းသော ယဉ်ကျေးမှု အမွေအနှစ်၊ စုပေါင်းအတွေ့အကြုံများ ပိုင်ဆိုင်ထားသော်လည်း၊ ကျွန်ုပ်တို့၏ စုပေါင်း ပိုင်ဆိုင်သော အမှတ်လက္ခဏာ၊ စည်းလုံးမှု၊ အောင်မြင်မှုများနှင့် အနာဂတ်မျိုးဆက် တို့အတွက် ခွန်အားယူစရာ သီးသန့်နေ့တစ်ရက်- အမျိုးသားနေ့ရက်ဟူ၍ သတ်မှတ်ထားခြင်း မရှိသေးပါ။
လီဆူတို့၏ ဖြတ်သန်းသမိုင်းမှတ်တိုင်များ ထဲက အမျိုးသားအဆင့် အလေးထားရမည့်အရာတစ်ခုမှာ လီဆူစာ အရေးအသား တီထွင်ပြီးစီးခြင်းဖြစ်ပြီး၊ ၎င်းကို ဂျေ၊ အို ဖရေဇာ နှင့် သရာ ဘသော် တို့မှ ၂၀ ရာစုအစောပိုင်း တွင် ဖန်တီးခဲ့ခြင်းဖြစ်သည်။ ဤတီထွင်မှုကြောင့် လီဆူသမိုင်းကြောင်း ကို အကြီးအကျယ် အစဉ်သဖြင့် ပြောင်း လဲ စေခဲ့သည်။
ဤစုပေါင်းအောင်မြင်မှုကို ဂုဏ်ပြုရန်၊ ဖရေဇာစာပေအရေးအသား အက္ခရာတီထွင်ဖန်တီးပြီးစီးခဲ့သည့် နှစ်ပတ် လည်နေ့ကို “လီဆူအမျိုးသားနေ့” ဟု သတ်မှတ်ရန် အဆိုပြုပါသည်။ ဤနေ့သည် လီဆူ ဘာသာ စကားနှင့် ယဉ် ကျေးမှု ဖွံ့ဖြိုးရေးအတွက် အတိတ်ကခြေရာတို့ကို ဂုဏ်ပြုရင်း၊ ထွန်းလင်းသော အနာဂတ် အတွက်လည်း ကတိ ကဝတ်ပြုသော အားတက်ဖွယ် နေ့တစ်ရက်လည်း ဖြစ်လာပါမည်။ ကျွန်ုပ်တို့၏ ကိုယ်ပိုင် လက္ခဏာကို အသိ အမှတ်ပြုချီးကျူး၍၊ ညီညွတ်မှုကို အားကောင်းစေပြီး၊ လီဆူလူမျိုးများ ရှင်သန်တည်ရှိ ကြောင်း ကမ္ဘာသို့ ကြေညာနေမည့်နေ့ရက်လည်း ဖြစ်လာပါမည်။
လီဆူစာအရေးအသား တီထွင်ပြီးစီးသည့်နေ့ကို လီဆူအမျိုးသားနေ့အဖြစ် ခံယူထိုက်သည့် အကြောင်းရင်း (၃) ချက်-
(၁)။ လီဆူတို့၏ ကိုယ်ပိုင်လက္ခဏာ – ဘာသာစကားသည် လူမျိုးတစ်မျိုး၏ အမှတ်လက္ခဏာ ဖြစ်ပြီး၊ လီဆူစာ အရေးအသား သည် လီဆူဘာသာစကားကို မပျောက်ကွယ်စေရန် ထိန်းသိမ်းပေး သည်။ ဤစာ အရေးအသားဖြင့် ကျွန်ုပ်တို့၏ သမိုင်းကို မှတ်တမ်းတင်ရန်၊ အတွေးအမြင်များကို ဖော်ပြရန်နှင့် ရိုးရာ ဓလေ့များကို လက်ဆင့် ကမ်းရန် ကူညီပေး သည်။ စာပေမရှိပါက၊ ကျွန်ုပ်တို့၏ ပုံပြင်များ၊ သီချင်းများနှင့် ဉာဏ် ပညာများ ကာလရွေ့လျော တိမ်ကောပျောက်ကွယ်သွားနိုင်ပါသည်။ လီဆူစာအရေးအသားသည် လီဆူတို့၏ ကိုယ်ပိုင်လက္ခဏာ ဖြစ်သည်။
(၂)။ လီဆူတို့အတွက် စည်းနှောင်မှု – လီဆူလူမျိုးများသည် မြန်မာ၊ တရုတ်၊ ထိုင်း၊ အိန္ဒိယနှင့် အခြားနိုင်ငံများတွင် ပျံ့နှံ့နေထိုင်ကြသည်။ ပထဝီဝင်ဆိုင်ရာ ကွဲလွဲမှုများရှိသော်လည်း၊ လီဆူစာအရေးအသား သည် ကျွန်ုပ်တို့အား တစ်လူမျိုးတည်းအဖြစ် စည်းလုံးစေသည်။ ၎င်းသည် နယ်နိမိတ်ကျော်လွန် မျှဝေထားသော ယဉ်ကျေးမှုအမွေ အနှစ်ဖြစ်ပြီး၊ စည်းလုံး ညီညွတ်မှုကို ယခင်တစ်ကြိမ်တစ်ခါမှ မရဖူးသည့် အတိုင်းအတာအထိ တိုးတက်ဖြစ်ထွန်း စေခဲ့သည်။
(၃)။ လီဆူတို့ကို စွမ်းဆောင်ရည် နှင့် အသိအမြင်ဖွင့်ပေးခြင်း – လီဆူစာအရေးအသားသည် စာတတ်မြောက်မှု၊ ပညာရေးနှင့် ကိုယ့်ကြမ္မာကိုယ်ဖန်တီးခွင့်စသည့် တံခါးပေါက်တို့ကို ဖွင့်ပေးခဲ့သည်။ လီဆူတို့ကို ခေတ်သစ် ကမ္ဘာနှင့် ထိတွေ့နိုင်စေခဲ့ရုံသာမက၊ လီဆူတစ်မျိုးသားလုံးကို ဘက်စုံ စွမ်းဆောင်ရည် နှင့် အသိအမြင် ဖွင့်ပေး ခဲ့သည်။
လီဆူအမျိုးသားနေ့အတွက် အဆိုပြုထားသော ရက်စွဲ
ဂျေ၊ အို၊ ဖရေဇာနှင့် သရာဘသော်တို့ ပူးပေါင်းကာ လီဆူစာပေကို ၁၉ရာစု အစောပိုင်းနှစ်များတွင် တီထွင်ခဲ့ကြပြီး၊ ၁၉၁၅ ခုနှစ်တွင် ယခုအသုံးပြုလျက်ရှိသည့် လီဆူစာအရေးအသား (The Old Lisu Script, Fraser Script) ကိုအပြီးသတ်ခဲ့သည်ဟုသိရသည်။ နေ့ရက်အတိအကျကို မှတ်တမ်းမတင်ထားသော်လည်း ဒီဇင်ဘာလသည် ကျွန်ုပ်တို့၏ ကိုယ်ပိုင်လက္ခဏာ၊ စည်းလုံးခြင်း နှင့် အောင်မြင်မှုများကို ဂုဏ်ပြုရန် သင့်လျော်သော အချိန်အခါ ဖြစ်သည်။ ထို့ကြောင့် ဒီဇင်ဘာ ၂၀ ရက်နေ့ ကို လီဆူအမျိုးသားနေ့အဖြစ် သတ်မှတ်ကျင်းပရန် အဆိုပြုပါသည်။ ဤရက်စွဲသည် J.O. Fraser နှင့် သာရဘသော် တို့မှ လီဆူစာအရေးအသား တီထွင်ပြီးစီးသည့် အချိန်ကာလကို အနီးစပ်ဆုံးဖော်ပြပြီး၊ လီဆူသမိုင်းကို ထာဝရပြောင်းလဲစေခဲ့သော အချိန်ကာလလည်းဖြစ်သည်။
လီဆူအမျိုးသားနေ့ ဂုဏ်ပြုကျင်းပခြင်း ရည်မှန်းချက်များ
၁။ လီဆူစာပေအရေးအသားဖန်တီးသူများအား ကျေးဇူးတင်ဂုဏ်ပြုရန်- ဂျေ၊ အို၊ ဖရေးဇာနှင့် ဆရာဘသော်တို့၏ လီဆူတို့၏ ပင်ကိုယ်အမှတ်လက္ခဏာနှင့် ဆက်သွယ်ရေး၊ ပညာရေး အတွက် သမိုင်းဝင်တီထွင်မှုအဖြစ် အောက်မေ့ ကျေးဇူးတင် ဂုဏ်ပြုရန်။
၂။ လီဆူတို့၏ စည်းလုံးညီညွတ်ရေးကို အားပေးရန် – ကမ္ဘာတစ်ဝှမ်းရှိ လီဆူအသိုင်းအဝိုင်းများအကြား စည်းလုံးညီညွှတ်ရေး ကို တွန်းအားပေးသွားရန်ဖြစ်ပါသည်။
၃။ လီဆူ ကိုယ်ပိုင်ယဉ်ကျေးမှုကို ထိန်းသိမ်းမြှင့်တင်ရန် – လီဆူစကား၊ ရိုးရာဓလေ့၊ အနုပညာ၊ ဂီတနှင့် နှုတ်ပြောသမိုင်းများကို လက်တွေ့အသုံးချရုံသာမက စာအုပ် စာပေများ၊ ပညာရေးအစီအစဉ်များ၊ ယဉ်ကျေးမှုပွဲများနှင့် ဒစ်ဂျစ်တယ် မီဒီယာများမှတစ်ဆင့် ထိန်းသိမ်း မြှင့်တင် သွားရန်ဖြစ်ပါသည်။
၄။ လီဆူလူမျိုး ပူးပေါင်းဆောင်ရွက်မှုကို မြှင့်တင်ရန် – လီဆူတို့၏ လူနေမှု ဘဝအရည်အသွေးမြင့်မားစေရန် တည်တံ့ခိုင်မြဲသောဖွံ့ဖြိုးရေး၊ ပညာရေးနှင့် လူထု စွမ်းဆောင်ရည်မြှင့်တင်ရေးအတွက် အားထုတ်ကြိုးပမ်းမှု များကို တွန်းအားပေးရန် ဖြစ်ပါသည်။
၅။ လီဆူတို့၏ အနာဂတ်မျိုးဆက်သစ်များကို အားပေးရန် – လီဆူလူငယ်များအား မိမိတို့၏ဘိုးဘွား အမွေ အနှစ်ကို တန်ဖိုးထား ဂုဏ်ယူစိတ်မွေးမြူရင်း ခေတ်စနစ် စိန်ခေါ်မှုများကို ဖြေရှင်းနိုင်ရန် ဆန်းသစ်တီထွင်ခြင်း၊ ခေါင်းဆောင်ခြင်းကို တွန်းအားပေးရန် ဖြစ်ပါသည်။
လီဆူအမျိုးသားနေ့ ပွဲကျင်းပကြသည့်အချိန်တွင် ဒေသဆိုင်ရာ ကော်မတီတစ်ရပ် ဖွဲ့စည်းပြီး၊ ပါဝင်မည့် အစီအစဉ်တို့သည် အထက်ပါဦးတည် ရည်မှန်းချက် (၅) ချက်တို့ကို ဖော်ဆောင်မည့် အစီအစဉ်များ ဖြစ်စေရန် စီစစ်ရွေးချယ်၍ မိမိတို့နေထိုင်ရာ ကာလ၊ ဒေသ အလိုက် သင့်လျောစွာ ဖန်တီး ကျင်းပကြရန် ဖြစ်ပါသည်။
အမျိုးသားနေ့တွင် အသုံးပြုရန် အဆိုပြုသော အလံ
လီဆူယဉ်ကျေးမှုအဖွဲ့အသီးသီးက အသိအမှတ်ပြုထားသော အလံကို အမျိုးသားအလံအဖြစ် သုံးစွဲရန် အဆိုပြု လိုပါသည်။ အလံအစိတ်အပိုင်းတစ်ခုချင်း အနက်အဓိပ္ပါယ်မှာ အောက်ပါအတိုင်းဖြစ်ပါသည်
(၁) အနီရောင်သည် ရဲရင့်ပြတ်သားခြင်းကို ဖော်ဆောင်ပါသည်။
(၂) အပြာရောင်သည် ငြိမ်းချမ်းရေးကိုမြတ်နိုးခြင်းနှင့် တည်ငြိမ်အေးချမ်းခြင်းကို ဖော်ဆောင်ပါသည်။
(၃) စာအုပ်သည် အသိပညာအမျိုးမျိုး လေ့လာခြင်းကို ဖော်ဆောင်ပါသည်။
(၄) ချီဘီ (ခေါ်) ဂစ်တာသည် လီဆူရိုးရာ အတီးအမှုတ်နှင့်သီချင်ကဗျာ အားလုံးကို ကိုယ်စားပြုသည်။
(၅) ဒူးလေးသည် လီဆူရိုးရာ အသုံးအဆောင် ပစ္စည်းအားလုံးကို ကိုယ်စားပြုသည်။
ထို့ကြောင့် လီဆူအမျိုးသားအလံအတွက် အဓိပ္ပါယ်ဖွင့်ဆိုချက် အချုပ်မှာ “လီဆူတို့သည် ငြိမ်းချမ်းရေးကို မြတ်နိုးသော၊ ပညာရေးကိုလိုက်စားပြီး တစ်ဘက်တွင် မိမိတို့ ဘိုးဘွားတို့၏ ရိုးရာအနုပညာနှင့် အသုံးအဆောင် တို့ကို လည်း တန်ဖိုးထား ထိန်းသိမ်းသွားတတ်သော၊ ရဲရင့်တက်ကြွသောသူများဖြစ်သည်” ဟူ၍ဖြစ်သည်။
နိုးဆော်တိုက်တွန်းချက်
လီဆူခေါင်းဆောင်များ၊ အဖွဲ့အစည်းများ၊ ပညာရှင်များနှင့် လူထုအားလုံးကို ဤသမိုင်းဝင် လုပ်ငန်းစဉ်တွင် ပူးပေါင်းရန် တိုက်တွန်းပါသည်။ ကျွန်ုပ်တို့၏ ဘာသာစကား၊ ယဉ်ကျေးမှု နှင့် လူမျိုးသည် အသိအမှတ်ပြုခံရန်၊ ဂုဏ်ပြုခံရန်နှင့် စောင့် ရှောက် ထိန်းသိမ်းခံရန် ထိုက်တန်ကြောင်း ကြေညာရန် အတူတကွ ရပ်တည်ကြပါစို့။ လီဆူအမျိုး သားနေ့ကို အမှန်တကယ် ထူထောင်နိုင်ရန် အတူတကွ စည်းလုံးကြပါစို့။ ပို၍ ထွန်းပြောင်သော အနာဂတ်ဆီသို့ ခြေလှမ်းစတင်ကြပါစို့။
လီဆူလူမျိုးများ အဓွန့်ရှည်ပါစေ။ ကျွန်ုပ်တို့၏အမွေအနှစ်များ အဓွန့်ရှည်ပါစေ။
