2022 ꓘꓳꓼ 12 ꓦ 21 ꓠꓬꓲ ꓕꓯꓽ ꓟꓲ ꓠꓯ ꓗꓴꓷꓼ ꓜꓴ Security Council ꓗꓪ ꓐꓰ ꓟꓬ-ꓟ ꓫꓵꓽ ꓪꓴ ꓔꓯ ꓟꓳꓸ ꓖꓪ ꓙꓱ ꓐꓯ ꓞꓷꓹ ꓘꓶꓽ ꓕꓲꓽ ꓟ ꓓꓳꓻ ꓡ ꓡꓳ꓿
ꓗꓴꓷꓼ ꓘꓴꓽ ꓗꓪ ꓜꓲ ꓜꓲ ꓑꓰꓹ ꓑꓰꓹ ꓞꓳ ꓢꓰꓼ ꓪ ꓢꓰꓼ ꓟ ꓠꓽ ꓩꓴ ꓠꓹ ꓟ ꓐꓰ꓾ ꓮꓳ-ꓢꓸ-ꓢꓴ-ꓚꓰꓽ ꓐꓰ ꓣꓴ ꓡꓴꓽ ꓔꓸ ꓢꓴ ꓮ ꓙꓵꓽ ꓔꓯ ꓡꓲꓹ ꓖꓶ ꓠꓹ ꓟ꓾ ꓮ-ꓢꓰ-ꓬ ꓖꓪ ꓙꓱ ꓙ ꓘꓶꓽ (5) ꓟ ꓔꓯ ꓠꓲꓹ ꓞ ꓬꓰ ꓠꓹ ꓟ ꓐꓯ ꓔꓸ ꓡꓳ꓿
security council 15 ꓗꓴꓷꓼ ꓗꓪ ꓐꓰ 12 ꓗꓴꓷꓼ ꓪꓽ꓾ ꓧꓶꓽ- ꓣ-ꓫꓸ꓾ ꓐꓰ ꓲ-ꓓꓲ-ꓬ 3 ꓗꓴꓷꓼ ꓠꓬ ꓮ ꓫꓵꓽ ꓟꓽ ꓚꓬꓼ ꓔꓬ ꓟ ꓗꓪ ꓐꓰ ꓕꓱ ꓡꓱ ꓐꓯ ꓞꓷꓹ ꓘꓶꓽ ꓓꓳ ꓡ ꓟ ꓥ ꓡꓳ꓿
ꓖꓪ ꓙꓱ ꓪꓽ ꓘꓶ ꓔꓯ ꓐ-ꓣꓲ-ꓔꓲ ꓗꓴꓷꓼ ꓡꓰ ꓧꓳꓽ ꓪꓴꓸ ꓟꓴ ꓔꓸ ꓟ ꓥ ꓢꓲ꓾ ꓟꓬ-ꓟ ꓗꓴꓷꓼ ꓫꓵꓽ ꓪꓴ ꓚꓱꓹ ꓕꓲꓽ ꓙ ꓖꓴ ꓡꓱꓸꓼ 74 ꓘꓳꓼ ꓟ ꓘꓴꓽ ꓗꓪ ꓾Security Council ꓗꓪ ꓕꓱ ꓡꓱ ꓖꓪ ꓙꓱ ꓪꓽ ꓡꓰ ꓟ ꓠꓬ ꓬꓲꓸ ꓪꓴꓸ ꓕꓲꓽ ꓧꓪꓸ ꓥ ꓡꓳ꓿
ꓠꓴꓖ ꓡꓰ ꓕꓱ ꓟ ꓔꓯ ꓘꓳ ꓣꓴˍ ꓡꓳ꓾ ꓐꓰ ꓕꓳ ꓶ ꓓꓳ ꓔꓸ ꓡꓳ꓿
ꓟꓬ-ꓟ ꓟꓯꓼ ꓗꓳ-ꓢꓰ ꓗꓪ ꓚꓳꓸ ꓐꓯ ꓘꓶꓽ ꓟꓽ ꓓꓳ ꓡ ꓢꓰꓽ꓿
