ꓗꓳꓸ ꓡ ꓟ 2022 ꓘꓳꓼ 7 ꓦ 14 ꓠꓬꓲ ꓢ ꓘꓪ ꓔꓱꓹ ꓫꓵꓺ ꓕꓯꓽ ꓴꓢꓮ ꓗꓴꓷꓼ꓾ ꓚꓳꓡꓳꓣꓮꓓꓳ꓾ ꓓꓰꓠꓦꓰꓣ ꓡꓳ ꓒꓱ ꓗꓪ ꓔꓬ ꓢꓴ ꓟꓼ-ꓘꓮꓲꓽ ꓠꓬ ꓬꓲꓸ ꓔꓬ ꓖꓴ ꓦꓲ ꓗꓪ ꓡ ꓛꓴꓸ ꓐꓶ ꓢꓴ ꓡ ꓢꓲꓸ ꓐꓶ ꓢꓰꓼꓳ꓿
ꓬꓲꓸ ꓔꓯ ꓡ ꓛꓴꓸ ꓐꓶ ꓜꓯꓼ ꓬꓰ ꓠꓰ ꓬꓲꓸ ꓤꓽ (20 ꓘꓳꓼ ꓡꓳꓼ ꓢꓴ) ꓠꓬ 911 ꓔꓯ 5 ꓧꓪꓸ ꓘꓴ ꓥ ꓟꓲ꓾ ꓟꓽ ꓡꓯꓽ ꓔꓯꓽ ꓡ ꓠꓬꓲ꓾ ꓬꓲꓸ ꓟꓶꓽ ꓗꓪ ꓠꓯ ꓞꓲꓼ ꓦꓲ ꓗꓪ ꓧꓳꓽ ꓛꓲ ꓕꓯꓽ ꓟꓼ-ꓘꓮꓲꓽ ꓠꓬ ꓢꓯꓼ ꓟꓬ ꓖꓴ ꓡꓰꓳ꓿
ꓟꓼ-ꓘꓮꓲꓽ ꓠꓬ ꓕꓮꓲꓹ ꓟꓵꓽ ꓗꓪ ꓐꓰ ꓕꓲꓽ ꓝꓸ ꓴꓢꓮ ꓗꓪ ꓬꓯꓽ ꓐꓯꓽ ꓚꓲꓸ ꓛꓲ ꓡ ꓢꓴ ꓥ ꓢꓲ꓾ ꓔꓮꓪ ꓪꓲꓠ ꓐꓯˍ ꓟ ꓟꓬ-ꓟ ꓜꓽ ꓫꓵꓽ ꓜꓽ ꓙꓰ ꓜꓽ ꓔꓶꓸ ꓙꓲꓻ ꓔꓲꓺ ꓒꓴ ꓔꓸ ꓢꓴ ꓥ ꓡꓳ꓿
ꓴꓢꓮ ꓗꓪ ꓞꓳ ꓒꓴ ꓒꓽ ꓕꓲꓽ ꓐꓱ ꓠꓬ꓾ ꓮ-ꓢꓲ-ꓟꓵꓽ ꓗꓪ ꓐꓰ ꓡ ꓢꓴ ꓐꓴ ꓔꓯ ꓠꓲꓹ ꓜꓳ ꓢꓴˍ ꓟꓲ ꓙꓳ ꓡꓳ꓿
ꓬꓲꓸ ꓐꓬꓱꓽ꓾ ꓚꓐꓢ
