2022 ITF Asia12&Under Junior Team Competition for South East Asia Zone ꓔꓲꓸ-ꓠꓰꓼ ꓡꓳ ꓖꓪ ꓚꓱꓹ ꓔꓯꓺ ꓡꓯ ꓘꓳ ꓟ ꓗꓪ꓾ ꓟꓬ-ꓟ ꓗꓴꓷꓼ ꓬꓲꓸ ꓛꓲ ꓡꓲ-ꓢꓴ ꓒꓽ ꓠꓬꓲꓽ ꓣꓳ ꓠꓰ ꓟꓶ-ꓡꓯꓸ-ꓫꓸ ꓒꓽ ꓐꓴ ꓔꓯ ꓟꓲꓸ ꓟꓲ ꓧꓪꓸ ꓡꓰꓳ꓿
ꓬꓲꓸ ꓪꓴꓸ ꓕꓲ ꓧꓪꓹ ꓡꓳꓺ ꓖꓪ ꓟ ꓗꓪ ꓟꓬ-ꓟ ꓬꓲꓸ ꓛꓲ ꓡꓳ ꓖꓪ ꓢꓴ ꓡꓲ-ꓢꓴ ꓒꓽ ꓮ-ꓒꓲ-ꓢꓯꓸ ꓡꓰ ꓟꓶ-ꓡꓯ-ꓫꓸ ꓗꓴꓷꓼ ꓬꓲꓸ ꓛꓲ ꓡꓳ ꓖꓪ ꓢꓴ ꓔꓯ 6:4, 6:1 ꓧꓶꓺ ꓡꓰꓽ ꓧꓪꓸ ꓡꓰꓳ꓿
ꓡꓲ-ꓢꓴ ꓒꓽ ꓮ-ꓒꓲ-ꓢꓯꓸ
ꓠꓬꓲꓽ ꓧꓪꓹ ꓕꓲꓽ ꓧꓪꓹ ꓡꓳ ꓖꓪ ꓟ ꓗꓪ ꓥ ꓟꓲ ꓟꓬ-ꓟ ꓬꓲꓸ ꓛꓲ ꓡꓳ ꓖꓪ ꓢꓴ LI-ꓢꓴ ꓒꓽ ꓓ-ꓪꓵ ꓡꓰ ꓟꓶ ꓡꓯ-ꓫꓸ ꓒꓽ ꓔꓯ 6:0, 6:4 ꓡꓰ ꓧꓪꓸ ꓡꓰꓳ꓿
ꓡꓲ-ꓢꓴ ꓒꓽ ꓓ-ꓪꓵ
12 ꓘꓳꓼ ꓐꓰ ꓙꓱ ꓘꓪ ꓟ ꓤ ꓠꓱ ꓞꓲꓼ ꓣꓳ ꓢꓴ ꓐꓴ ꓡꓳ ꓖꓪ ꓔꓯꓺ ꓡꓯ ꓘꓳ ꓑꓮꓲ ꓔꓯ ꓠꓬꓲꓸ ꓠꓬꓲ 2022 ꓘꓳꓼ 7 ꓦ 18 ꓠꓬꓲ ꓕꓯꓽ ꓕꓮꓲꓹ ꓗꓴꓷꓼ ꓐ-ꓗꓳꓼ ꓡꓳ ꓒꓱ ꓗꓪ ꓠꓯꓼ 9:30 ꓕꓯꓽ ꓪꓴꓸ ꓔꓴ ꓗꓷ ꓟ ꓥ ꓡꓳ꓿
ꓑꓴ-ꓔ-ꓳ ꓟꓵꓽ ꓗꓪ ꓐꓰ ꓡꓲ-ꓢꓴ ꓤꓽ ꓐꓴ ꓕꓲ ꓜꓴ ꓠꓬ ꓑꓯꓸ-ꓖꓴꓹ ꓡꓳ ꓒꓱ ꓗꓪ ꓙꓳˍ ꓟ ꓟ-ꓖꓼ ꓟꓰꓹ ꓔꓲꓸ-ꓠꓰꓼ ꓢꓳ ꓦꓲ ꓗꓪ ꓬꓲꓸ ꓪ ꓞꓲꓼ ꓣꓳˍ ꓕꓯꓽˍ ꓡꓰ ꓟꓶ ꓫꓵꓺ ꓫꓵꓺ ꓤꓹ ꓢꓳ ꓩꓴ ꓡ ꓔꓬ ꓟ ꓥ ꓢꓲꓸ ꓮ ꓟꓶ ꓠꓬ ꓐꓶꓽ ꓟꓵꓽ ꓗꓪ ꓛꓲ ꓡꓳ ꓖꓪ ꓔꓯꓺ ꓡꓯ ꓘꓳ ꓢꓲꓸ ꓕꓱ ꓡꓱ ꓧꓪꓸ ꓬꓰˍ ꓟ ꓥ ꓡꓳ꓿
ꓓꓳꓽ ꓐꓰ ꓐꓬꓱꓽ ꓬꓲꓸ ꓚꓰ꓾ Ko Pwint
