ꓠꓲꓹ ꓠꓵ ꓢꓴ ꓔꓯ ꓡꓯ ꓐꓲ ꓥꓰꓸ ꓢꓰꓼ ꓢꓲꓸ ꓦꓲ ꓗꓸ ꓠꓯꓸ ꓢꓲ ꓐꓱꓻ ꓘꓴꓽ ꓗꓪ ꓔꓵꓸ ꓔꓬ ꓕꓯꓽ ꓪꓴꓽ ꓧꓶ ꓠꓬꓽ ꓜꓲ ꓠꓰ ꓠꓲꓹ ꓟ ꓔꓷꓹ ꓠꓽ ꓬꓰ ꓢꓲꓸ ꓫꓵꓻ ꓢꓴ ꓕꓲ ꓣꓳ ꓴꓢꓮ ꓗꓴꓷꓼ꓾ ꓗꓯ-ꓡꓲ-ꓒꓳ-ꓠꓰ-ꓬ ꓗꓪ ꓒꓬꓱꓼ ꓗꓷꓳ꓿
ꓕꓱ ꓟ ꓠꓬ 2022 ꓘꓳꓼ 5 ꓦ 7 ꓠꓬꓲ ꓗꓪ ꓒꓬꓱꓼ ꓗꓷ ꓟ ꓥ ꓢꓲ꓾ ꓬꓲꓸ ꓞꓲꓼ 60 ꓘꓳꓼ ꓙꓳˍ ꓟ ꓬꓳ-ꓢꓷ (Joseph McKinnon) ꓫꓵꓻ ꓟꓳ ꓔꓯ ꓚꓲꓸ ꓚ ꓕꓯꓽ ꓬꓲꓸ ꓐꓶꓹ ꓚꓲꓸ ꓚ ꓟꓶˍ ꓟ ꓥ ꓡꓳ꓿
ꓬꓳ-ꓢꓷ ꓠꓬ ꓬꓲꓸ ꓠꓲꓹ ꓠꓵ ꓢꓴ ꓑꓯ-ꓕꓲ-ꓗ (Patricia Dent) ꓔꓯ ꓡꓯ ꓐꓲ ꓥꓰꓸ ꓢꓰꓼ ꓗꓸ ꓠꓯꓸ ꓧꓼ ꓡꓼ ꓗꓪ ꓕꓱꓹ ꓢꓲꓸ ꓦꓲ ꓗꓸ ꓠꓯꓸ ꓢꓲ ꓐꓱꓻ ꓘꓴꓽ ꓗꓪ ꓔꓵꓸ ꓔꓬ ꓟ ꓥ ꓡꓳ꓿ ꓖꓳ ꓗꓪ ꓬꓲꓸ ꓪꓴꓽ ꓧꓶ ꓢꓯꓼ ꓐꓽ ꓢꓲꓸ ꓠꓲꓹ ꓟ ꓔꓷꓹ ꓠꓽ ꓡꓰˍ ꓟ ꓥ ꓡꓳ꓾ ꓐꓰ ꓟꓯꓼ ꓑꓳꓡꓲꓚꓰ ꓐꓴ ꓡꓰ ꓚꓲꓸ ꓚ ꓟꓶ ꓡꓳ꓿
ꓢꓰꓼ ꓪ ꓢꓲꓸ ꓕꓲ ꓣꓳ꓾ ꓪꓴꓽ ꓧꓶ ꓢꓲꓸ ꓕꓲ ꓣꓳ꓾ ꓠꓬꓲꓽ ꓣꓳ ꓫꓵꓻ ꓟ ꓥ ꓡꓳ꓿
ꓬꓲꓸ ꓚꓰ꓾ CNN
