ꓠꓡꓓ ꓐꓰ ꓢꓠꓡꓓ ꓑ-ꓔꓲ 2 ꓟ ꓔꓯ 3 ꓦ ꓞꓰꓹ ꓡ ꓘꓶꓽ ꓟ ꓗꓪ ꓝꓴꓲꓸ ꓖꓶ ꓓꓴ ꓥꓳ꓾ ꓐꓰ ꓟꓬ-ꓟ ꓟꓯꓼ ꓡꓯ ꓛꓲ ꓗꓪ ꓢꓲꓻ ꓣꓴ ꓑꓮꓲ ꓗꓳ-ꓟꓲ-ꓫꓲ ꓔꓺ ꓢꓴ ꓴ-ꓘꓰ-ꓟꓮꓳ-ꓴꓸ ꓡꓰ ꓠꓬꓲꓸ ꓠꓬꓲ 2022 ꓘꓳꓼ 3 ꓦ 24 ꓠꓬꓲ꓾ ꓠꓯ-ꓑꓲ-ꓓꓳ ꓓꓳꓽ ꓐꓯ ꓑꓶ ꓜꓲꓼ ꓓꓴ ꓗꓪ ꓐꓯ ꓩꓴ ꓡ ꓡꓳ꓿
ꓕꓱ ꓑ-ꓔꓲ 2 ꓟ ꓠꓬ ꓗꓳꓸ ꓗꓷ ꓟ 2 ꓦ 14 ꓠꓬꓲ ꓐꓰ 3 ꓦ 8 ꓠꓬꓲ ꓕꓯꓽ ꓒꓴ ꓓꓵꓽ/ꓓꓳ ꓚꓱꓹ ꓐꓰ ꓠꓱꓸ ꓐꓯꓼ ꓚꓲꓸ ꓚ ꓓꓴ ꓙꓳˍ ꓟ ꓔꓯ ꓚꓲꓸ ꓚ ꓠꓹ ꓟ ꓘꓴ ꓥ ꓟꓲ ꓟꓽ ꓡ ꓟ ꓑꓶꓸ ꓓꓴ ꓝꓴꓲꓸ ꓓꓰꓺ ꓓꓴ ꓥꓳ ꓐꓯ ꓡꓳ꓿
2020 ꓕꓲ ꓗꓴꓷꓼ ꓡꓱꓸꓼ ꓢꓲꓻ ꓣꓴ ꓑꓮꓲ ꓗꓪ꓾ ꓕꓲ ꓗꓴꓷꓼ ꓡꓱꓸ ꓢꓲꓽ ꓢꓲꓽ ꓟꓴ ꓗꓷ ꓡꓰ ꓗꓪ ꓛꓲ ꓠꓡꓓ ꓠꓬ 82% ꓧꓪꓸ ꓡꓰ ꓥ ꓟꓲ꓾ ꓟꓯꓼ ꓡꓰ ꓙꓵꓽ ꓪ ꓦꓴ ꓙꓰˍ ꓡꓳ꓿
NLD ꓐꓰ SNLD ꓐꓴ ꓠꓬ ꓟꓯꓼ ꓡꓰ ꓒꓴ ꓔꓸ ꓟ ꓢꓲꓻ ꓣꓴ ꓗꓳ-ꓟꓲ-ꓫꓲ ꓬꓲꓸ ꓫꓵꓼ ꓔꓯ ꓠ ꓠꓹ ꓠꓲꓹ ꓟꓽ ꓫꓵˍ ꓟ ꓟꓳꓸ ꓖꓶ ꓔꓬ ꓡꓳ꓿ ꓑ ꓫꓬ ꓡꓰ ꓢꓲꓻ ꓔꓸ ꓢꓴ ꓟꓽ ꓥ ꓠꓬꓲ꓾ ꓕꓱ ꓡꓱꓳ ꓫꓵꓽ ꓙꓵꓽ ꓪ ꓟꓽ ꓙꓳ꓾ ꓝꓮꓲ ꓑ-ꓔꓲ ꓧꓳꓽ ꓢꓴ ꓐꓴ ꓔꓯ ꓣꓴ ꓡꓴꓽ ꓔꓸ ꓢꓲꓸ ꓠꓱꓸ ꓐꓯꓼ ꓢꓴ ꓠꓬ ꓒꓶꓻ ꓫꓬꓽ ꓟꓽ ꓗꓴꓸ ꓐꓰ ꓡꓯꓽ ꓔꓯꓽ ꓔꓸ ꓟ ꓙꓳˍ ꓡꓳ꓿
ꓙꓵꓽ ꓗ ꓡꓳ ꓚ ꓐꓯ ꓠꓬ꓾ ꓢꓲ ꓣꓴ ꓗꓳ-ꓟꓲ-ꓫꓲ ꓐꓯ ꓘꓶꓽ ꓟꓽ ꓛꓳ ꓠꓬ꓾ ꓑ-ꓔꓲ ꓔꓯ ꓠꓽ ꓩꓴ ꓐ ꓡ ꓡꓳ꓾ ꓐꓯ ꓡꓳ꓿
