ꓟꓬ-ꓟ ꓟꓯꓼ ꓐꓱ ꓶ ꓛꓽ ꓙ ꓢꓴ꓾ ꓮ ꓗꓪ ꓮ ꓡꓲ ꓟ ꓮ ꓫꓵꓽ ꓬꓰ ꓔꓬ ꓟ ꓓꓳꓽ ꓜꓳ ꓙ ꓢꓴ Han Nyein Oo Telegram Account ꓔꓯꓸ 2022 ꓘꓳꓼ 3 ꓦ 11 ꓠꓬꓲ ꓟꓶ ꓘꓶꓼ ꓕꓯꓽ ꓑꓲꓸ ꓩꓴꓳ꓿
“ꓬꓲꓸ ꓡꓲꓽ ꓔꓯ ꓟꓽ ꓛꓳˍ ꓠꓬꓲ ꓑꓲꓸ ꓞꓲꓽ ꓗꓷꓳ” ꓐꓰ Telegram ꓡꓰ ꓐꓳ ꓔ ꓡꓳ꓿
Han Nyein Oo Telegram Account ꓠꓬ ꓕꓲ ꓣꓳˍ ꓡꓰ ꓟꓽ ꓥ ꓥ ꓛꓽ ꓒꓽ ꓬꓲꓸ ꓜꓴ ꓡꓰꓽ ꓟꓬ-ꓟ ꓟꓯꓼ ꓐꓱ ꓶ ꓛꓽ ꓟꓳꓻ ꓔꓸ ꓟ ꓬꓲ ꓫꓵ ꓬꓲ ꓙꓰꓽ ꓐꓳ ꓒꓬꓱꓻ ꓔꓬ ꓟ ꓥ ꓡꓳ꓿ ꓕꓱ ꓟ ꓑꓶꓸ ꓓꓴ ꓟꓬꓱ ꓓꓳꓽ ꓙꓳ ꓢꓴ ꓐꓴ꓾ ꓗꓴꓷꓼ ꓟꓬꓱꓽ ꓬꓰ ꓢꓴ ꓐꓴ꓾ ꓑ ꓫꓬ ꓐꓴ ꓣꓴ ꓟꓶ ꓡꓰ ꓢꓴ ꓐꓯ ꓖꓴ ꓟꓽ ꓓ ꓙꓳ ꓗꓷꓳ꓿
ꓝꓮꓲ ꓕꓱ ꓕꓲ ꓟꓬꓱꓺ ꓣꓱꓽ ꓔꓸ ꓟ account ꓮ ꓟꓬꓹ ꓙꓳˍ ꓢꓰꓽ ꓡꓳ꓿ ꓖꓳ ꓡꓱ ꓥ ꓟꓲ ꓮ ꓟꓶ ꓑꓲꓸ ꓪ ꓡꓰˍ ꓟ account ꓠꓬ follower ꓬꓲꓸ ꓢꓯꓹ ꓕꓯꓽ ꓢꓲ ꓙꓳˍ ꓟ ꓥ ꓡꓳ꓿
