ꓦ ꓐ 9 ꓟ ꓙꓳˍ ꓟ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓬꓲꓸ ꓡꓲꓸ ꓑꓸ ꓕꓲ ꓣꓳ ꓠꓬ꓾ ꓠꓲꓹ ꓟ ꓬꓲꓸ ꓠꓬ ꓠꓬꓺ ꓠꓻ ꓔꓬ ꓠꓬꓲ ꓲ-ꓓꓲ-ꓬ ꓟꓯ ꓞꓲꓼ ꓟꓸ ꓒ ꓐꓴ ꓡꓰꓽ ꓬꓥ-ꓖꓳꓥ ꓗꓪ ꓡ ꓢꓲꓸ ꓠꓻ ꓫꓬꓹ ꓖꓶ ꓗꓷꓳ ꓐꓰ India Today ꓡꓰ ꓐꓳ ꓩꓴ ꓡ ꓡꓳ꓿
ꓦꓵ ꓡ ꓕꓲ ꓠꓬꓲ ꓗꓪ ꓐꓰ ꓠꓲꓹ ꓟ ꓢꓯꓼ ꓐꓽ ꓢꓴ ꓤ ꓠꓱ ꓤ ꓖꓳ ꓟ ꓠꓬ ꓠꓲꓹ ꓟ ꓬꓲꓸ ꓠꓬꓺ ꓙꓳˍ ꓡꓳ ꓐꓯ ꓔ ꓡꓳ꓿ ꓠꓻ ꓫꓬꓹ ꓖꓶ ꓡ ꓢꓴ ꓠꓬ ꓲ-ꓓꓲ-ꓬ ꓗꓴꓷꓼ꓾ ꓧ-ꓓ-ꓬ-ꓐꓼ ꓟꓵꓽ ꓗꓪ ꓙꓳˍ ꓟ Rainbow Children’s Heart Institute (RCHI) ꓗꓪ ꓐꓰ ꓡ ꓟ ꓠꓯ ꓞꓲꓼ ꓟꓸ ꓒ 2 ꓣꓳ꓾ Dr. Nageswara Rao Koneti ꓐꓰ꓾ Dr. Shweta Bakhru ꓐꓴ ꓥ ꓡꓳ꓿
ꓠꓲꓹ ꓟ ꓠꓻ ꓫꓵꓽ ꓙꓳˍ ꓟ ꓤ ꓠꓱ ꓤꓼ ꓠꓬ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓤ ꓮꓳ-ꓑꓲꓼ-ꓢꓳꓽ ꓤꓽ ꓥ ꓢꓲ꓾ ꓮ ꓟꓶ ꓦ ꓐ 9 ꓟˍ ꓡꓰꓽ ꓙꓳˍ ꓢꓰꓽ ꓟ ꓑꓶꓸ ꓓꓴ꓾ ꓤ ꓠꓱ ꓖꓳ ꓟ ꓠꓬ ꓬꓲꓸ ꓑ ꓟꓰꓹ-ꓮꓳ-ꓡꓮꓲꓽ ꓡꓰ ꓟꓬ-ꓟ ꓗꓴꓷꓼ ꓙꓵ ꓪ ꓣꓴ ꓔꓯꓹ ꓙꓰ ꓗꓸ ꓠꓯꓸ ꓦꓵ ꓡˍ ꓟ ꓤ ꓠꓱ ꓥ ꓡꓳ ꓐꓰ ꓢꓪꓼ ꓓˍ ꓡꓳ꓿
ꓬꓳ ꓚꓰ꓾ India Today
