Video
2021 ꓘꓳꓼ 12 ꓦ 16 ꓠꓬꓲ ꓗꓪ ꓟꓬ-ꓟ ꓟꓯꓼ ꓐꓴ ꓡꓰ ꓐꓶ ꓩꓴ ꓡ ꓟ ꓐꓳꓽ ꓑꓳ ꓡꓳ ꓠꓬ ꓕꓮꓲꓹ ꓗꓴꓷꓼ ꓕꓲ ꓒꓳꓹ ꓗꓪ ꓞꓰ ꓜꓯꓼ ꓡꓰꓳ꓿
ꓟꓶꓽ ꓙ ꓠꓬ ꓡꓯꓹ-ꓗꓳꓼ-ꓗꓳ ꓡꓳ ꓒꓱ ꓐꓰ ꓕꓮꓲꓹ ꓟꓵꓽ ꓘꓶꓽ ꓗꓪ ꓐꓶ ꓡꓯ ꓘꓳ ꓔꓬ ꓟ ꓥ ꓢꓲ꓾ ꓕꓮꓲꓹ ꓕꓲ ꓛꓱꓽ ꓗꓪ ꓟꓯꓼ ꓘꓰꓹ ꓢꓴ ꓔꓬ ꓟ ꓘꓹ ꓗꓪ ꓙꓰˍ ꓟ ꓙ ꓖꓴ ꓗꓪ ꓐꓳꓽ ꓑꓳ ꓡꓳ ꓞꓰ ꓜꓯꓼ ꓬꓰ ꓟ ꓥꓳ꓿
ꓖꓳ ꓟ ꓑꓶꓸ ꓓꓴ ꓖꓳ ꓗꓪ ꓙꓰ ꓙꓰ ꓡꓽ ꓡꓽ ꓬꓰ ꓔꓬ ꓟ ꓕꓮꓲ ꓗꓴꓷꓼ ꓢꓴ ꓐꓴ ꓖꓳ ꓑꓳꓸ ꓕ ꓑꓳꓸ ꓕꓲꓽ ꓑꓹ ꓡꓳꓸ ꓠ ꓗꓷ ꓡꓰꓳ꓿
“ꓕꓮꓲꓹ ꓗꓪ ꓙꓳ ꓟ ꓙ ꓖꓴ ꓟ ꓗꓪ ꓐꓳꓽ ꓑꓳ ꓡꓳ ꓞꓰ ꓜꓯꓼ ꓡ ꓢꓲꓸ ꓮ ꓙꓵꓽ ꓢꓴ ꓘꓰꓹ ꓠ ꓗ ꓬꓰꓳ꓿ ꓠꓻ ꓓꓴ ꓡꓰ ꓢꓴ 1 ꓣꓳ ꓙꓳˍ ꓥ꓿ ꓟꓬ-ꓟ ꓕꓲ ꓛꓱꓽ ꓗꓪ ꓚꓳꓸ ꓘꓰꓹ ꓛꓲ ꓡ ꓢꓴ 1000 ꓣꓳ ꓕꓯꓽ ꓢꓲ ꓙꓳ ꓡꓰꓳ” ꓐꓰ ꓖꓳ ꓗꓪ ꓟꓯꓼ ꓘꓰꓹ ꓢꓴ ꓔꓯ ꓬꓰ ꓙ ꓔꓬ ꓢꓴ ꓬꓯꓹ-ꓟꓰꓹ (ꓮꓮꓚ) ꓡꓰ ꓐꓯ ꓡꓳ꓿
ꓙ-ꓑ ꓗꓴꓷꓼ ꓡꓰ ꓬꓰ ꓙ ꓢꓲꓸ ꓫꓬꓹ ꓔꓸ ꓟ ꓟꓯꓼ ꓘꓰꓹ ꓢꓴ ꓐꓴ ꓔꓬ ꓖꓴ ꓡꓯꓹ-ꓗꓳꓼ-ꓗꓳ ꓡꓳ ꓒꓱ ꓫꓵꓼ ꓗꓪ ꓟꓬ-ꓟ ꓟꓯꓼ ꓐꓴ ꓓꓵꓽ ꓡ ꓢꓲꓸ ꓞꓳ ꓤ ꓖꓼ ꓣꓴ ꓡ ꓠꓬꓲ ꓗꓠꓴ ꓡꓰ ꓔꓳꓹ ꓡꓯ ꓘꓳ ꓡ ꓟ ꓗꓪ ꓬꓲꓸ ꓜꓲꓽ ꓒꓽ ꓐꓰ ꓟꓯꓼ ꓮ ꓟꓬꓹ ꓫꓵꓻ ꓔꓬ ꓡꓳ ꓐꓰ ꓟꓶ ꓙꓽ ꓘꓶꓽ ꓗꓪ ꓐꓰ ꓓꓳꓽ ꓜꓳ ꓡꓳ꓿
ꓬꓲ ꓚꓰ꓾ ꓘꓰꓼ-ꓔꓲꓼ ꓟꓰ-ꓓꓲ-ꓬ
