(26) ꓚꓲꓸ ꓚꓲꓸ ꓑꓶꓸ ꓑꓶꓸ – ꓠꓲꓹ ꓞ ꓠꓲꓹ ꓧꓳꓽ꓾ ꓟꓽ ꓙ ꓖꓶ꓾ ꓟꓽ ꓓꓵ ꓙ ꓔꓸ ꓟ ꓗꓪ/urgent
ꓮ ꓬꓶꓺ ꓚꓲꓸ ꓚꓲꓸ ꓑꓶꓸ ꓑꓶꓸ ꓗꓷ ꓬꓰꓳ ꓡꓲꓸ ꓖꓯꓽ= ꓟꓽ ꓥ ꓐꓯ ꓠꓽ ꓮꓸ ꓠꓬꓲꓽ ꓟ ꓢꓰꓼ ꓖꓴꓼ ꓓꓴ ꓥꓻꓳ ꓫꓵꓽ=
(27) ꓜꓻ ꓩꓴꓸ – ꓙ ꓣꓳ_ ꓟ ꓠꓲꓹ ꓟ ꓗꓪ ꓐꓰ ꓫꓸ ꓕꓱ ꓟ= ꓧꓪꓽ꓾ ꓳ ꓛꓬ ꓬꓲꓻ ꓐ ꓚꓰꓼ=
ꓮ ꓫꓵꓽ ꓟꓽ ꓙꓳ ꓖꓶ꓾ ꓜ ꓩꓴꓸ ꓔꓲꓸ ꓠꓽ ꓜꓽ ꓗꓹ ꓡꓯ= (ꓑꓴ-ꓔ-ꓳ ꓟꓵꓽ ꓗꓪ ꓕꓱ ꓡꓱ ꓕꓱ ꓚꓰꓼ)
(28) ꓕꓲ ꓛꓱꓸ ꓡꓱꓼ – ꓙꓰ ꓙꓰ ꓡꓽ ꓡꓽ ꓓꓵꓽ ꓙ ꓟꓽ ꓗꓴꓸ/ one way, stubbon
ꓬꓲꓸ ꓔꓯ ꓠꓽ ꓮ ꓔꓲꓸ ꓪꓽ ꓫꓸ ꓔꓸ_ ꓟꓽ= ꓬꓲꓸ ꓓꓵ ꓙ ꓓꓴ ꓟ ꓔꓯ ꓠꓽ ꓛꓴꓽ ꓕꓴ ꓡꓰ ꓕꓴ꓾ ꓕꓲ ꓛꓱꓸ ꓡꓱꓼ ꓬꓰ ꓡ ꓚꓰꓼꓳ=
(29) ꓠꓲꓹ ꓲꓼ- ꓐꓯ ꓘꓶꓽ ꓠ ꓠꓹ ꓗꓴꓸ/ submissive/ clever
ꓮ-ꓓꓶꓸ ꓠꓽ ꓠꓲꓹ ꓲꓼꓳ= ꓮ ꓠ ꓠꓽ ꓠꓰ ꓮ ꓡꓲ ꓐꓯ ꓡꓲꓸ ꓠꓸ ꓑꓳ ꓗꓸ ꓙꓳꓹ ꓟꓽ ꓚꓰꓹ ꓔꓸ ꓟꓽ=
(30) ꓞꓳ ꓗ ꓡ – ꓞꓳ ꓟꓳꓽ ꓐꓴ ꓐꓯ ꓘꓶꓽ ꓟꓽ ꓛꓳ ꓢ ꓘꓪ ꓟꓶꓼ ꓬꓯꓸ ꓶ ꓚꓳ ꓔꓶꓹ ꓚꓳ ꓢꓴ/
ꓳꓸ ꓞꓱ ꓦ ꓫꓵꓺ ꓞꓳ ꓗ ꓡ ꓟꓽ ꓥ=
(31) ꓡꓯꓹ ꓖꓼ – ꓠꓬꓹ ꓟꓽ ꓗꓴꓸ ꓟ/ ꓬꓲꓸ ꓡꓲꓽ ꓟꓽ ꓙꓳ ꓔꓶꓹ ꓚꓳ ꓢꓲꓸ ꓦꓯꓽ ꓛꓳꓽ ꓧꓪ ꓟ/
ꓦꓲ ꓘꓴ ꓗꓪ ꓠꓬꓹ ꓟꓽ ꓙ꓾ ꓡꓯꓹ ꓖꓼ ꓒꓽ ꓡꓯꓹ ꓖꓼ ꓟꓺ ꓡꓰ ꓕꓽ ꓶ ꓚꓳ ꓐꓳ=
(32) ꓳꓸ ꓐꓯ = ꓳ ꓡꓲ ꓥ ꓠꓬ꓾ if so
ꓳꓸ ꓐꓯ ꓠꓟ-ꓕꓶ-ꓘꓴꓸ ꓗꓪ ꓠꓴ ꓕꓽ ꓙꓰ ꓗꓹ= ꓩꓴꓸ ꓕꓱ ꓩꓴ=
ꓳꓸ ꓐꓯ ꓖꓶ = ꓖꓳ ꓡꓱ ꓥ ꓟꓲ/ but
ꓳꓸ ꓐꓯ ꓖꓶ ꓮ ꓡꓲ ꓟꓽ ꓬꓰ= ꓠꓲꓹ ꓟ ꓜꓲꓽ ꓢꓲꓸ ꓡꓯ ꓫꓵ ꓢꓯꓼ ꓕꓵꓼ ꓡꓯ=
(33) ꓮ ꓢꓳꓽ ꓢꓳꓽ – ꓶꓼ ꓟꓽ ꓛꓳ ꓡ/ ꓣꓳ ꓕꓯ ꓢꓲ ꓞꓲꓼ ꓪꓴꓽ ꓢꓴ ꓔꓯ ꓟꓽ ꓒꓵꓽ ꓟ ꓗꓪ ꓐꓰ ꓠꓻ ꓡ꓾ ꓔꓳꓹ ꓜꓳ ꓡ ꓟ ꓫꓸ ꓙꓵ ꓓꓴ (ꓐꓶ ꓠꓻ ꓓꓰ ꓡ ꓚꓰꓼ)
ꓞꓳ ꓟꓳꓽ ꓬꓲꓼ ꓔꓸ ꓖꓴ ꓗꓪ ꓕꓽ ꓢꓴꓺ= ꓮ ꓢꓳꓽ ꓢꓳꓽ ꓡ ꓥ=
ꓤ ꓠꓱꓳ ꓔꓶꓺ ꓞꓳ ꓟꓳꓽ ꓪꓴꓸ ꓓꓵ ꓕꓯ ꓢꓲ ꓗꓪ ꓕꓽ ꓓꓯ ꓚꓳ= ꓮꓽ ꓢꓳ ꓢꓳ ꓡ ꓠꓰ=
(34) ꓟꓽ ꓧꓳꓼ – ꓕꓲ ꓡꓰꓹ ꓐꓰ ꓗꓹ ꓟ/ same
ꓮ ꓠꓯ! ꓬꓲꓸ ꓛꓱꓽ ꓟ ꓬꓲꓸ ꓒ ꓡꓰ ꓟꓽ ꓧꓳꓼ=
(35) ꓮ ꓝꓲꓸ ꓮ ꓗꓪꓯꓼ – ꓬꓲ ꓖ ꓟꓽ ꓙꓳ/ ꓮ ꓔꓳ ꓔꓳ/ ꓬꓲꓸ ꓧꓪꓯꓼ ꓡꓯꓼ – unskillful/ unorder
ꓠꓴ ꓕꓳ ꓶ ꓢꓳ_ ꓐꓯ ꓓꓴ ꓟ ꓮ ꓝꓲꓸ ꓮ ꓗꓪꓯꓼ ꓬꓰ ꓠꓬꓹ ꓛꓶꓹꓮ ꓟꓽ=
(36) ꓙꓳꓽ – ꓕꓲ ꓣꓳ ꓣꓳ ꓠꓰ ꓕꓲ ꓝꓸ ꓓꓳꓽ ꓜꓳ ꓡ ꓟ/ reporting the news (not first hand witness)
ꓗꓴꓷꓼ ꓫꓵꓽ ꓪꓴ ꓟ ꓙꓲ ꓡ ꓓꓴ ꓔꓯꓸ ꓟꓳꓸ ꓔꓲꓸ ꓥꓳ ꓙꓳꓽ=
(37) ꓖꓽ ꓟꓶꓽ ꓫꓵꓸ ꓫꓵꓸ – ꓟꓽ ꓟꓽ ꓠꓰ /ꓔꓳꓼ ꓔꓳꓼ ꓠꓲ/ ꓟꓸ ꓝꓴꓸ/ intentionally/ insult
ꓬꓲꓸ ꓥ ꓔꓯ ꓒꓴ ꓛꓲꓽ ꓦꓹ ꓓꓴ ꓟ ꓝꓱꓹ ꓟꓴ ꓟꓽ ꓢꓱꓼ ꓠꓰ ꓟꓸ ꓝꓴꓸ ꓡꓻꓳ ꓫꓵꓽ ꓥ ꓠꓯꓸ= ꓖꓽ ꓟꓶ ꓫꓵꓸ ꓫꓵꓸ ꓬꓰ ꓡꓻꓳ ꓫꓵꓽ ꓥ=
(38) ꓐꓽ ꓐꓽ ꓫꓳꓽ ꓫꓳꓽ = ꓜꓲ ꓜꓲ ꓟꓴ ꓟꓴ ꓟꓽ ꓥ/ ꓬꓲꓸ ꓕꓯ ꓢꓲ ꓕꓲ ꓕꓻ ꓗꓪ/ not detail, but outer
ꓬꓲꓸ ꓠꓽ ꓮ ꓫꓵꓽ ꓖꓶ ꓐꓽ ꓐꓽ ꓫꓳ ꓫꓳꓽ ꓬꓰ ꓗꓴꓸ ꓔꓸꓳ= ꓳꓸ ꓐꓯ ꓖꓶ ꓗꓼ ꓠꓽ ꓟꓽ ꓢꓷꓸ ꓔꓸ=
(39) ꓗꓳꓹ ꓬꓲꓽ = ꓗꓹ ꓛꓲ ꓓꓴ/ ꓢꓲꓽ ꓘꓪ ꓒ ꓓꓲꓼ ꓬꓰ ꓗꓹ ꓓꓴ ꓟ/ luxury
ꓦ ꓜꓲ ꓟ ꓗꓪ ꓡꓽ ꓚꓸ ꓘꓽ ꓟ ꓢꓲꓸ ꓞꓰꓹ ꓡꓽ ꓧꓪ ꓙꓴ ꓟ ꓠꓰ ꓗꓳꓹ ꓬꓲꓽ ꓗꓹ ꓓꓴ ꓟ ꓠꓽ ꓟꓲ ꓡꓰ ꓟꓽ ꓓ ꓟ=
(40) ꓢꓲꓽ ꓔꓯ ꓖꓶꓽ = ꓗꓼ ꓜꓳ ꓬꓰꓳ /ꓗꓼ ꓔꓯ ꓗ ꓬꓰꓳ/ perfect/ correctly done
ꓴꓢꓮ ꓗꓪ ꓦꓲꓳ ꓔꓶ ꓠꓽ ꓮ ꓡꓲ ꓕꓲ ꓦꓲ ꓖꓶ ꓟꓶꓽ ꓪꓴꓽ ꓟꓶ ꓪꓴꓽ ꓢꓲꓽ ꓔꓯ ꓖꓶꓽ ꓔꓲꓸ ꓥꓳ ꓟ=
(41) ꓡꓯꓼ ꓟꓯꓸ_ ꓡꓰ = ꓙꓲ ꓙꓲ ꓜꓳꓽ ꓜꓳ ꓡꓰ/ skillfully
ꓤ ꓠꓱ ꓕꓲ ꓜꓴ ꓟꓻꓳ꓾ ꓮ ꓫꓵꓽ ꓬꓰ ꓖꓶ ꓡꓯꓼ ꓟꓯꓸ_ ꓡꓰ ꓬꓰ ꓟꓽ=
ꓮ-ꓘꓰ ꓠꓽ ꓟꓬꓱꓽ ꓬꓰ ꓡ ꓕꓽ ꓡꓯꓼ ꓟꓯꓸ_ ꓡꓰ ꓬꓰ ꓗꓴꓸ ꓔꓸ ꓟꓽ=
(42) ꓑꓶꓹ ꓫꓵꓽ = ꓫꓵꓽ ꓩꓴꓸ ꓟꓽ ꓙꓲ/ ꓶꓼ ꓟꓽ ꓛꓳ/ unlucky/ no blessings
ꓡ ꓛꓴꓸ ꓟ ꓔꓯ ꓤ ꓟꓶꓼ ꓟ ꓠꓰ ꓖꓻ ꓩꓴ ꓥꓳ ꓢꓯꓸ= ꓳꓸ ꓟ ꓑꓶꓹ ꓫꓵꓽ ꓬꓰ ꓛꓶꓹꓮ= ꓧꓪꓽ ꓟꓽ ꓢꓽ ꓬꓰ ꓡꓯꓸ=
ꓤ ꓟꓶꓼ ꓬꓯꓼ ꓖꓪꓼ ꓥꓳꓻ ꓦꓹꓳ ꓫꓵꓽ ꓙꓱ ꓘꓪ ꓕꓽ ꓡꓱꓸꓼ ꓚꓳ= ꓑꓶꓹ ꓫꓵꓽ ꓡ ꓠꓰ=
(43) ꓛꓬꓹ ꓞꓲꓼ = ꓮ ꓡ ꓔꓲꓸ/ closely/ very near
ꓬꓲꓸ ꓐꓶꓽ ꓘꓶꓽ ꓟ ꓗꓪ ꓚꓳꓸ ꓮ ꓡ ꓞꓰ ꓬꓰꓳ ꓟꓽ= ꓬꓲꓸ ꓢꓯꓼ ꓟꓺ ꓟ ꓛꓬꓹ ꓞꓲꓼ ꓗ ꓬꓰꓳ ꓟꓽ=
(44) ꓢ ꓢꓱ ꓢꓱꓹ/ ꓡꓯꓽ ꓕꓴ ꓕꓴ/ ꓮ ꓭꓸ ꓩꓴ ꓛꓳꓽ/ ꓮꓸ ꓕꓽ ꓞꓰ/ ꓮꓸ ꓭꓸ ꓪꓴꓸ ꓓꓵ ꓛꓳꓽ – Lisu way of fortune telling
ꓡꓲ-ꓢꓴ ꓒꓵꓽ ꓒ ꓐꓴ ꓠꓽ ꓢ ꓢ ꓢꓱꓹ/ꓡꓯꓽ ꓕꓴ ꓕꓴ/ ꓮ ꓭꓸ ꓩꓴ ꓛꓳꓽ/ ꓮꓸ ꓕꓽ ꓞꓰ/ ꓮꓸ ꓭꓸ ꓪꓴꓸ ꓓꓵ ꓛꓳꓽ ꓬꓰ ꓚꓰꓼ ꓥ=
(45) ꓗꓲꓸ ꓗꓺ ꓡꓽ ꓗꓺ – see saw /ꓮꓸ ꓡꓽ ꓷꓹ ꓙꓴ – swing
ꓡꓲ-ꓢꓴ ꓤ ꓠꓱ ꓐꓴ ꓠꓬ ꓗꓲꓸ ꓗ ꓡꓽ ꓗ ꓡꓳ ꓖꓪ ꓗꓴꓸ꓾ ꓮ ꓡꓽ ꓷꓹ ꓙꓴ ꓗꓴꓸ ꓚꓰꓼ=
(46) ꓡꓯꓼ ꓪ ꓢ ꓢ = ꓡꓯꓼ ꓜꓲ ꓡꓯ ꓟꓴ / ꓚꓲ ꓛꓬ ꓟꓽ ꓢꓯꓼ ꓕꓵꓼ ꓕꓵꓼ ꓟꓶ_ ꓟ/ rightfully
ꓬꓲꓸ ꓒ ꓬꓲꓸ ꓟ ꓟ ꓫꓵꓻ ꓕꓽ ꓠꓲꓹ ꓫꓬꓸ ꓟ ꓬꓲꓸ ꓙꓳꓸ ꓙꓳꓽ ꓡꓯꓼ ꓪ ꓢ ꓢ ꓬꓰ ꓠꓬꓹ ꓥꓳ ꓢꓯꓸ=
ꓧꓪ ꓒꓴ ꓟꓵꓽ ꓗꓪ ꓛꓲ ꓬꓰ ꓖꓶ꓾ ꓮ ꓫꓵꓽ ꓖꓶ ꓡꓯꓼ ꓪ ꓢ ꓢ ꓕꓵꓼ ꓡꓵꓸ ꓖꓶ ꓡ ꓢꓴ ꓙꓳ ꓥ ꓕꓽ ꓙ ꓟꓶ ꓟꓽ=
(ꓢꓷꓸ ꓡꓰ ꓝꓲ ꓓꓴ꓾ ꓕꓱ ꓟ ꓠꓬ ꓡꓳ-ꓪꓴꓸ ꓡꓲ-ꓢꓴ ꓥꓳꓽ ꓫꓸ ꓕꓱ ꓟ ꓗꓪ ꓚꓳ ꓛꓲ ꓬꓰ ꓕꓯ ꓬꓲꓸ ꓪ ꓕꓱ ꓢꓯꓼ ꓔꓯ ꓢꓷꓸ ꓡꓰ ꓠꓹ ꓟ ꓥꓳ ꓡꓳꓸ ꓡꓳ= ꓒꓯꓽ ꓓꓴ ꓐꓱ ꓓꓴ ꓐꓱ ꓶ ꓟꓽ ꓥ= ꓠꓴ ꓪ ꓗꓪ ꓐꓰ ꓕꓲ ꓟꓵꓽ ꓕꓲ ꓟꓵꓽ ꓗꓪ ꓕꓱ ꓔꓬ ꓟ ꓡꓲ-ꓢꓴ ꓫꓸ ꓪ ꓘꓶꓽ ꓐꓳ ꓢꓲꓸ ꓦ ꓖꓶ ꓡ ꓛꓲ ꓡꓳ= ꓕꓱ ꓟ ꓠꓬ ꓡꓲ-ꓢꓴ ꓐꓴ ꓕꓲ ꓣꓳ ꓛꓳ ꓕꓲ ꓣꓳ ꓙ ꓡꓯ ꓘꓳ ꓚꓱꓹ ꓗꓪ ꓢꓴ ꓫꓵꓽ ꓥꓳꓽ ꓣꓱꓽ ꓟꓽ ꓛꓲ ꓛꓲ꓾ ꓙ ꓡꓯ ꓘꓳ ꓐ ꓡ ꓠꓹ ꓟ ꓥ ꓡꓳ= ꓐꓯ ꓘꓶꓽ ꓝꓳꓹ ꓟꓬꓽ ꓡ ꓠꓹ ꓟ ꓥ ꓡꓳ= ꓫꓸ ꓟꓳ ꓪ=)
ꓐꓯ ꓘꓶ ꓝꓳꓹ ꓧꓪ ꓜꓲꓼ ꓟ ꓗꓪ ꓬꓰ ꓙ ꓡ ꓢꓴ ꓐꓴ꓾ Ah Phu Dwet, Gualisar, Ngwa Zet Ah Khi ꓐꓴ ꓔꓯ ꓥ ꓟ ꓮ ꓘꓶꓸ ꓫꓸ ꓟꓳ ꓪ=
