ꓮ-ꓟꓯ-ꓣꓲ-ꓗ ꓪ ꓔꓲꓸ ꓙꓳ-ꓐ-ꓓꓲ ꓐꓰ꓾ ꓧꓶꓽ ꓒ ꓪ ꓔꓲꓸ ꓫꓲ-ꓚꓲꓸ-ꓒꓲꓽ ꓐꓴ ꓠꓬ 11 ꓦ 16 ꓠꓬꓲ ꓕꓯꓽ ꓐꓬꓱꓽ ꓢꓯꓸ ꓗꓪ ꓐꓰ ꓕꓲ ꓝꓸ ꓖꓪ ꓙꓱ ꓡꓯ ꓘꓳ ꓓꓴ ꓥꓳ ꓐꓰ ꓓꓳꓽ ꓓꓳ ꓔꓬ ꓡꓳ꓿
ꓙꓳ-ꓐ-ꓓꓲ ꓠꓬ ꓫꓲ-ꓚꓲ-ꓒꓲ ꓔꓯ ꓛꓲꓽ ꓝꓳꓹ ꓜꓲ ꓡꓯ ꓘꓳ ꓠꓲꓹ ꓫꓵ ꓔꓬ ꓥ ꓟꓲ꓾ ꓗꓳ-ꓪꓰꓼ ꓑꓶꓸ ꓓꓴ ꓐꓶꓽ ꓗꓴꓷꓼ ꓗꓪ ꓗꓹ ꓚꓳ ꓗꓸ ꓟꓽ ꓘꓳ ꓬꓰ ꓟ 2 ꓘꓳꓼ ꓡꓳꓼ ꓡ ꓪ꓿
Video:
ꓧꓳꓽ ꓪꓴꓸ ꓟꓴ ꓢꓴ ꓬꓲꓸ ꓪ ꓠꓬꓲꓽ ꓣꓳ ꓩꓴꓸ ꓗꓪ ꓐꓰ ꓕꓲ ꓝꓸ ꓖꓪ ꓙꓱ ꓡꓯ ꓘꓳ ꓗꓷ ꓟ ꓬꓲꓸ ꓟꓶ ꓕꓲ ꓧꓪꓹ ꓠꓬ ꓮ ꓫꓶ 9 ꓦ ꓘꓴꓽ ꓗꓪ ꓥꓳ꓿
ꓮ ꓟꓶ ꓕꓱ ꓕꓲ ꓧꓪꓹ ꓖꓪ ꓙꓱ ꓜꓲꓼ ꓓꓴ ꓐꓱ ꓶ ꓗꓴꓷꓼ ꓠꓬꓲꓽ ꓟ ꓬꓲꓸ ꓛꓲ ꓝꓲ ꓓꓴ ꓐꓴ ꓠꓺ ꓡꓲꓺ 6 ꓙꓵꓹ ꓖꓪ ꓙꓱ ꓙꓽ ꓖꓶ ꓗꓷ ꓟ ꓥ ꓡꓳ꓿
ꓕꓱ ꓕꓲ ꓧꓪꓹ ꓜꓲ ꓡꓯ ꓘꓳ ꓠꓬ 2022 ꓘꓳꓼ ꓳ-ꓡ-ꓑꓲꓼ ꓡꓳ ꓖꓪ ꓑꓮꓲ ꓚꓱꓹ꓾ ꓶ ꓡꓯꓼ ꓚꓱꓹ꓾ ꓕꓲ ꓟꓲ ꓠꓯ ꓢꓲ ꓡꓲꓹ ꓚꓱꓹ ꓔꓯ ꓟꓳꓸ ꓖꓪ ꓙꓱ ꓓꓴ ꓙꓳ ꓥꓳ ꓐꓰ ꓥꓳ ꓡꓳꓸ ꓔꓬ ꓡꓳ꓿
ꓮ-ꓟꓯ-ꓣꓲ-ꓗ ꓪ ꓔꓲꓸ ꓓꓳ-ꓠꓯ-ꓕ-ꓬꓼ ꓞꓲꓼ ꓔꓯ 2017 ꓕꓯꓽ ꓕꓲ ꓧꓪꓹ 2019 ꓕꓯꓽ ꓕꓲ ꓧꓪꓹ ꓧꓶꓽ ꓪ ꓔꓲꓸ ꓔꓯ ꓛꓲꓽ ꓝꓳꓹ ꓜꓲ ꓡꓯ ꓘꓳ ꓗꓷ ꓡꓳ꓿
Sources – Reuters, CNN
Photo – ThinkChina
