ꓠꓬꓲ ꓠꓬꓲ 2021 ꓘꓳꓼ 11 ꓦ꓾ 11 ꓠꓬꓲ ꓗꓪ ꓟꓬ-ꓟ-ꓗꓴꓷꓼ ꓡꓲ-ꓢꓴ ꓕꓳ ꓶ ꓐꓰ ꓗ ꓟꓲ ꓡꓰ ꓒꓰ ꓜꓴ ꓚꓰ ꓢꓽ ꓡ ꓙꓵꓽ ꓞꓳ ꓪꓴꓽ ꓮ- ꓒꓴ-ꓬꓰ-ꓡꓰ- ꓟꓲ (49) ꓘꓳꓼ ꓐꓲ ꓡꓰ ꓟ ꓦꓵ ꓦꓬꓼ ꓠꓬꓲ ꓑꓮꓲ ꓔꓯ ꓑꓴ-ꓔ-ꓳ ꓗꓪ ꓬꓰ ꓔꓬ ꓡꓳ꓿
ꓞꓳ ꓪꓴꓽ ꓬꓲꓸ ꓦꓵ ꓦꓬꓼ ꓠꓬꓲ ꓚꓲꓸ ꓟꓶ ꓓꓴ ꓜꓲꓼ ꓓꓴ ꓔꓯꓸ ꓖ-ꓟꓶ-ꓓꓰ ꓡꓳ ꓒꓱ ꓟꓶꓸ-ꓚꓳ- ꓪꓽ ꓘꓹ ꓟꓶ- ꓚꓳ-ꓪ ꓪꓰ ꓫꓳ ꓦꓲ ꓓꓽ ꓗꓪ ꓣꓱ ꓬꓰ ꓔꓬ ꓡꓳ꓿
ꓠꓬꓲꓸ ꓠꓬꓲ ꓠꓬ ꓦꓵꓸꓸ ꓦꓬꓽ ꓠꓬꓲ ꓚꓲꓸ ꓟꓶ ꓪ ꓘꓴ ꓜꓲꓼ ꓓꓴ꓾ ꓑꓴ-ꓔ-ꓳ ꓡꓲ-ꓢꓴ ꓕꓳ ꓶ ꓐꓰ ꓗ ꓟꓲ ꓡꓰ ꓒꓰꓼ ꓗꓳ-ꓟꓲ-ꓔꓲ ꓐꓴ ꓐꓰ ꓙ ꓡꓯ ꓘꓳ ꓟ ꓜꓲꓼ ꓓꓴ꓾ ꓝꓮꓲ ꓛꓳ ꓒꓯꓹ ꓐꓴ꓾ ꓞꓳ ꓪꓴ ꓞꓳ ꓔꓲ ꓐꓴ ꓐꓰ ꓦꓵ ꓦꓬ ꓠꓬꓲ ꓚꓲꓸ ꓟꓶ ꓟ ꓖꓳꓡꓝ ꓓꓶꓽ ꓔꓯꓸꓸ ꓡꓯꓽ ꓘꓳ ꓟ ꓣꓱ ꓬꓰ ꓙꓰ ꓓꓴ ꓥ ꓡꓳ꓿
ꓮ ꓟꓲ ꓟꓶꓽ ꓘꓶꓼ ꓗꓪ ꓥ ꓟꓲ ꓐꓮꓟꓐꓳꓳ ꓦꓲꓡꓡꓮ ꓗꓪ ꓮ ꓔꓳꓸ ꓗꓳ ꓗꓹ ꓢꓲ ꓗꓹ ꓛꓲ ꓛꓲ ꓫꓵꓽ ꓤ ꓪꓳꓼ ꓤ ꓐꓴ ꓐꓰ꓾ ꓞꓳ ꓪꓴꓽ ꓐꓴ ꓔꓯ ꓜꓲ ꓡꓯ ꓘꓳ ꓡꓳ꓿
ꓞꓳ ꓪꓴ ꓞꓳ ꓟ ꓐꓴ ꓔꓯ ꓜꓲ ꓡꓯ ꓘꓳ ꓟ
ꓮ ꓟꓲ ꓟꓶ ꓘꓶꓼ ꓑꓮꓲ ꓗꓪ ꓟꓬꓱ ꓓꓳꓽ ꓙꓳ ꓟ ꓟꓴ ꓖꓪ ꓖꓪ ꓟ ꓠꓮꓪ ꓢꓮꓬ ꓢꓮꓬ ꓧꓔꓳꓳ ꓐꓴ ꓥ ꓟꓲ ꓜꓲꓼ ꓔ ꓡ ꓡꓳ ꓐꓰ ꓓꓳꓽ ꓜꓳ ꓡ ꓡꓳ꓿
Dꓳꓽ ꓦ ꓖꓶ ꓡ ꓢꓴ꓾ Leme Ahtar
ꓑꓧꓳꓔꓳ꓾ Ah Hpu, Leme Ahtar, Jay SI
