ꓓ-ꓖꓳ ꓡꓳ ꓒꓱ ꓫꓵꓼ꓾ ꓘꓹ ꓜꓴ 20꓾ ꓙꓲ ꓔꓲ ꓙ ꓗꓸ ꓔꓯꓺ ꓢꓲ ꓗꓪ ꓞꓳ ꓛꓴꓸ ꓞꓳ ꓥꓶ꓾ ꓐꓱ ꓓꓴꓽ ꓗꓪ ꓐꓰ ꓓꓳ ꓡ ꓢꓴ ꓠ-ꓖ-ꓡꓯꓸ ꓔꓯ ꓙꓴꓽ ꓝꓲꓸ ꓗꓪ ꓡ ꓛꓴꓸ ꓐꓶ ꓜꓯꓼ ꓬꓰꓳ꓿ ꓫꓵꓻ ꓟꓽ ꓫꓵꓻ ꓚꓹ ꓟꓽ ꓪ꓿ ꓬꓲꓸ ꓠꓬ ꓟꓯꓼ ꓐꓱ ꓶ ꓛꓽ ꓙ ꓢꓴ꓾ ꓓꓳꓽ ꓖꓴ ꓢꓴ ꓥ ꓡꓳ ꓐꓰ ꓟꓬꓱ ꓓꓳꓽ ꓙꓳ ꓡꓳ꓿
ꓟ-ꓬꓹ-ꓗꓳꓸ ꓡꓳ ꓒꓱ꓾ ꓔ-ꓟꓲꓹ (1) ꓞꓳ ꓘꓹ ꓙꓵꓽ ꓢꓲꓽ ꓒꓽ ꓦꓲ ꓗꓪ ꓟꓳꓼ ꓡꓳ 1:20 ꓗꓪ ꓡ ꓛꓴꓸ ꓐꓶ ꓡ ꓠꓬꓲ ꓖꓳ ꓗꓪ ꓟꓬꓱꓽ ꓬꓰ ꓢꓴ 3 ꓣꓳ ꓐꓶ ꓢꓰꓼꓳ꓿
ꓟꓲ-ꓖ-ꓡ-ꓓꓳ ꓡꓳ ꓒꓱ꓾ ꓡꓳ ꓒꓱ ꓙꓵ ꓜꓴ ꓦꓲ ꓗꓪ ꓡ ꓛꓴꓸ ꓐꓶ ꓡ ꓢꓲꓸ ꓗ ꓘꓶꓽ ꓗꓪ ꓡꓳꓸ ꓔꓬ ꓟ ꓟꓯꓼ 1 ꓣꓳ ꓐꓰ꓾ ꓜꓽ ꓫꓵꓽ ꓪꓴꓽ ꓔꓬ ꓢꓴ ꓤ ꓟꓶꓼ 1 ꓣꓳ ꓫꓵꓻꓳ ꓐꓰ ꓓꓳꓽ ꓜꓳ ꓡ ꓡꓳ꓿
“ꓬꓥ-ꓖꓳꓥ” ꓡꓳ ꓒꓱ ꓟꓬꓱꓺ ꓠꓬ ꓟꓬ-ꓟ ꓥꓳꓽ ꓗꓪ “ꓛꓴꓽ ꓙꓳ ꓢꓴ ꓖꓴ ꓡꓰꓳ” ꓐꓯ ꓟ ꓬꓲꓸ ꓟꓸ ꓟꓲꓽ ꓙꓳ ꓡꓳ꓿ ꓖꓳ ꓡꓱ ꓥ ꓟꓲ ꓑ ꓫꓬ ꓐꓴ ꓐꓱ ꓶ ꓛꓴꓽ ꓙꓳ ꓢꓴ ꓠꓬ ꓟꓽ ꓖꓴ ꓡꓰ ꓢꓰꓽ ꓠꓬꓲ ꓑ ꓫꓬ ꓐꓴ ꓔꓬ ꓫꓸ ꓔꓬ ꓡꓳ꓿
