ꓠꓬꓲꓸ ꓠꓬꓲ 2021 ꓘꓳꓼ 11 ꓦ 7 ꓠꓬꓲ ꓠꓯꓼ ꓠꓯꓼ ꓗ-ꓛꓲ ꓟꓵꓽ꓾ ꓧꓳ-ꓑꓲ ꓡꓳ ꓒꓱ꓾ ꓕꓴꓸ-ꓕꓮꓲꓼ-ꓢ ꓡ ꓚꓸ ꓓꓳ ꓔꓶꓸ ꓗꓪ ꓞꓳ ꓣꓳ ꓟꓽ ꓢꓷꓸ ꓢꓴ ꓕꓲ ꓜꓴ ꓡꓰ ꓡꓽ ꓛꓴꓸ ꓐꓶ ꓡ ꓢꓲꓸ 6 ꓣꓳ ꓐꓶ ꓢꓰꓼ꓾ 8 ꓣꓳ ꓠꓻ ꓓꓴ ꓡꓰ ꓠꓬꓲ꓾ ꓡꓽ ꓛꓴꓸ ꓐꓶ ꓡ ꓢꓴ ꓐꓴ ꓔꓯ ꓗꓑꓓꓝ ꓡꓰ ꓪꓽ ꓛꓴ ꓝꓱꓹ ꓓꓴ ꓥꓳ ꓐꓯ ꓩꓴ ꓡ ꓡꓳ꓿
ꓡꓽ ꓚꓸ ꓓꓳ ꓔꓶꓸ ꓢꓲꓺ ꓒꓽ ꓠꓬ ꓠꓡꓓ ꓔꓯ ꓢꓯꓼ ꓖꓶ ꓢꓴ ꓥ ꓡꓳ꓿ ꓖꓳꓐꓡꓱ ꓥ ꓟꓲ ꓫꓵꓻ ꓢꓴ ꓐꓴ ꓠꓬ ꓮ ꓫꓵꓽ ꓫꓵꓽ ꓪꓴ ꓡꓼ ꓪꓴ ꓙꓳ ꓢꓴ ꓟꓽ ꓥ꓿ ꓫꓵꓻ ꓢꓴ 5 ꓣꓳ ꓠꓬ ꓑ ꓫꓬ ꓥ ꓢꓲ꓾ 1 ꓣꓳ ꓠꓬ ꓡ ꓟ ꓒꓽ ꓥ ꓡꓳ꓿ ꓕꓱ ꓟ ꓑꓶꓸ ꓓꓴ ꓠꓬꓲꓸ ꓠꓬꓲ ꓠꓯꓼ ꓠꓯꓼ ꓟꓯꓼ ꓔꓯ ꓢꓯꓼ ꓖꓶ ꓢꓴ ꓐꓴ ꓠꓬ ꓳꓠꓡꓲꓠꓰ ꓗꓪ ꓗꓹ ꓛꓲ ꓔꓬ ꓡꓳ꓿
ꓑ ꓫꓬ ꓔꓬ ꓖꓴ ꓗꓪ ꓕꓱ ꓡꓱ ꓞꓳ ꓢꓰꓼ ꓪ ꓢꓰꓼ ꓡ ꓢꓴ ꓠꓬ ꓑꓬꓴ-ꓜꓳꓹ-ꓕꓲꓸ ꓜꓴ ꓥ ꓟ ꓗꓑꓓꓝ ꓐꓴ ꓚꓲꓸ ꓚ ꓟꓶ ꓡꓰ ꓠꓬ ꓪꓽ ꓛꓴ ꓝꓱꓹ ꓡꓯ ꓘꓳ ꓓꓴ ꓥꓳ ꓐꓰ ꓢꓷ ꓙ ꓟꓴ ꓙ ꓔ ꓡꓳ꓿
