ꓙꓵꓽ ꓪ ꓦꓴ ꓟꓯꓼ ꓔꓯꓸ ꓚꓹ ꓠ ꓠ ꓟꓯꓼ ꓓꓶꓽ ꓔꓳꓼ ꓡꓯ ꓘꓳ ꓠꓹ ꓟ ꓐꓱ ꓶ ꓠꓴꓖ ꓐꓰ ꓰꓮQ ꓐꓴ ꓔꓺ ꓡꓯ ꓘꓳ ꓢꓲ꓾ ꓟꓯꓼ ꓮ ꓙꓵꓽ ꓔꓯ ꓕꓵꓼ ꓪ ꓖꓶ ꓙꓵꓽ ꓗꓪꓼ ꓜꓴ ꓚꓰꓺ (Central Command and Coordination Committee/C3C) ꓕꓲ ꓟ ꓒꓴ ꓩꓴ ꓗꓷꓳ ꓐꓰ ꓟꓬꓮꓠꓟꓮꓣ ꓠꓳꓪ ꓡꓰ ꓐꓳ ꓩꓴ ꓡ ꓡꓳ꓿
“ꓮ ꓟꓶ ꓠꓽ ꓓꓶꓽ ꓡꓯ ꓘꓳ ꓠꓹ ꓟ ꓟꓯꓼ ꓤꓹ ꓔꓸ ꓢꓴ ꓞꓳ ꓤ ꓖꓶ ꓡꓳꓼ ꓬꓰꓳ꓿ ꓧꓳꓽ ꓪꓴꓸ ꓟꓴ ꓠꓹ ꓟ ꓐꓱ ꓶ ꓠꓬ ꓟꓯꓼ ꓓꓶꓽ ꓝꓳ ꓢꓴ ꓐꓴ ꓔꓯ ꓙꓵꓽ ꓪ ꓖꓶ ꓔꓸ ꓡꓳ” ꓐꓰ ꓠꓴꓖ ꓗꓪ ꓟ ꓠꓮꓲꓽ-ꓕꓴꓸ-ꓮꓳꓽ ꓡꓰ ꓐꓯ ꓡꓳ꓿
ꓠꓴꓖ ꓡꓰ ꓑ ꓫꓬ ꓮ ꓙꓵꓽ ꓙꓵꓽ ꓪ ꓦꓴ ꓟꓯꓼ ꓔꓯ ꓓꓶꓽ ꓔꓳꓹ ꓡꓯ ꓘꓳ ꓓꓴ ꓥꓳ ꓐꓰ ꓐꓯ ꓩꓴ ꓡ ꓟ ꓗꓪ ꓐꓰ ꓦ ꓐ 2 ꓟ ꓡꓳꓼ ꓡ ꓕꓯ ꓜꓴ ꓕꓱ ꓟ ꓒꓴ ꓗꓷꓳ ꓐꓰ ꓢꓷꓸ ꓡ ꓟ ꓥ ꓢꓲ꓾ ꓬꓲꓸ ꓣꓳ ꓮ ꓡꓲ ꓕꓲ ꓣꓳ ꓔꓯ ꓮ ꓫꓵꓽ ꓟꓬꓱꓽ ꓖꓶ ꓔꓸ ꓟ ꓠꓬ ꓚꓵꓺ ꓘꓶꓽ ꓥ ꓢꓰ ꓡꓳ꓿
ꓟꓬ-ꓟ ꓗꓴꓷꓼ ꓗꓪ ꓟꓯꓼ ꓟꓵꓽ ꓓ ꓟ 5 ꓟꓵꓽ ꓘꓶꓽ ꓢꓲꓸ ꓓꓶꓽ ꓡꓯ ꓘꓳ ꓙꓰ ꓓꓴ ꓥꓳ ꓐꓰ ꓠꓴꓖ ꓡꓰ ꓐꓯ ꓔꓸ ꓟ ꓙꓳ ꓡꓳ꓿
ꓢꓳꓴꓣꓚꓰ- ꓟꓬꓮꓠꓟꓮꓣ ꓠꓳꓪ
