2021 ꓘꓳꓼ 10 ꓦ 15 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲ ꓟꓬ-ꓟ ꓗꓴꓷꓼ ꓗꓪ ꓐꓰ ꓓꓳ ꓙꓰ ꓢꓴ ꓐꓴ ꓔꓯ ꓙꓱ ꓦꓲ ꓠꓽ ꓔꓶꓸ ꓗꓪ ꓐꓰ ꓗꓽ ꓩꓴ ꓡ ꓟ ꓮ ꓟꓬꓹ ꓔꓳꓹ ꓜꓳ ꓔꓬ ꓡꓳ꓿
“ꓧꓶꓸ ꓕꓯ ꓠꓽ ꓦꓲꓢꓮ ꓪ ꓠꓬ ꓙꓰ ꓓ ꓡꓳ꓿ ꓮ ꓟꓶ ꓠꓽ ꓢꓴ ꓗꓴꓷꓼ ꓗꓪ ꓚꓳꓸ ꓦꓲꓢꓮ ꓪ ꓡꓲꓸ ꓕꓱ ꓗꓪ ꓚꓳꓸ ꓟꓽ ꓓꓳ ꓙꓰ ꓝꓲ ꓡ꓿ ꓬꓲ ꓡꓲꓽ ꓬꓲ ꓒꓰꓼ ꓡꓶꓸ ꓒꓳꓹ ꓙꓰꓳ꓿ ꓮ ꓟꓶ ꓙꓰ ꓓꓴ ꓙꓽ ꓖꓶ ꓔꓬ ꓢꓴ ꓐꓴ ꓮ ꓘꓶꓸ ꓤ ꓟꓳ ꓠ ꓗꓷ ꓡꓰꓳ꓿ ꓟꓬꓱꓽ ꓬꓰ ꓫꓸ ꓡꓰꓳ꓿” ꓐꓰ ꓐꓶꓽ ꓗꓴꓷꓼ ꓗꓪ ꓙꓰ ꓚꓱꓹ ꓙ ꓖꓶ ꓙ ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓿
ꓓꓵꓽ ꓓꓳ ꓙꓰ ꓠꓲꓹ ꓫꓵ ꓢꓴ ꓠꓬ꓾ ꓑꓮꓢꓢꓑꓳꓣꓔ ꓐꓰ ꓦꓲꓢꓮ ꓬꓲꓸ ꓫꓵꓽ ꓕꓲ ꓡꓰꓹꓼ ꓗ ꓠꓯˍ ꓟ ꓐꓰ꓾ ꓟꓬꓱꓽ ꓑꓶꓸ ꓓꓴ ꓓꓳ ꓙꓰ ꓠꓲꓹ ꓫꓵ ꓢꓴ ꓠꓬ WOIC Smart Card ꓟꓽ ꓓ ꓟꓽ ꓢ ꓙꓳ ꓠꓯ ꓡꓳ ꓐꓰ ꓕꓵꓼ ꓪ ꓬꓲꓸ ꓫꓵꓼ ꓙꓳ ꓡ ꓟ ꓥ ꓡꓳ꓿
“ꓪꓳꓲꓚ ꓚꓮꓣꓓ ꓫꓬꓹ ꓠꓹ ꓟ ꓬꓥ-ꓖꓳꓥ ꓗꓪ ꓡꓲꓸ ꓬꓰ ꓪ ꓟꓽ ꓓ꓿ ꓠꓯ-ꓑꓲ-ꓓꓳ ꓗꓪ ꓬꓰ ꓠ ꓔꓸ ꓥ ꓙꓳ꓿ ꓢꓴ ꓗꓴꓷꓼ ꓗꓪ ꓚꓳꓸ ꓡꓲꓸ ꓦꓲꓢꓮ ꓖꓶꓽ ꓦꓹ ꓖꓴ ꓓꓴ ꓟ ꓔꓯ꓾ ꓖ ꓟꓶ ꓫꓵꓸ ꓫꓵꓸ ꓣꓳ ꓑ ꓫꓬ ꓔꓯ ꓫꓸ ꓟꓴ ꓫꓸ ꓚꓬ ꓬꓰ ꓩꓴ ꓡ ꓟ ꓚꓱꓹ ꓡꓰ ꓐꓰ ꓗꓹ ꓡꓳ” ꓐꓰ ꓙꓱ ꓦꓲ ꓠꓽ ꓔꓶꓸ ꓗꓪ ꓐꓰ ꓬꓲꓼ ꓡ ꓢꓴ ꓐꓴ ꓐꓯ ꓡꓯ ꓘꓳ ꓔꓬ ꓡꓳ꓿
ꓪꓴꓽ ꓟꓴ ꓟ ꓴꓢꓮ ꓗꓴꓷꓼ ꓗꓪ ꓠꓬ꓾ Regular, Official, Diplomatic ꓐꓯ ꓢꓲꓸ passport 3 ꓫꓵꓽ ꓡꓰ ꓙꓳ ꓥ ꓟꓲ꓾ ꓟꓬ-ꓟ ꓗꓴꓷꓼ ꓗꓪ ꓑꓮꓢꓢꓑꓳꓣꓔ ꓬꓲꓸ ꓫꓵꓽ ꓟꓽ ꓗꓹ ꓚꓰꓼ ꓔꓸ ꓡꓳ꓿
