ꓟꓬ-ꓟ ꓟꓵꓽ ꓫꓱ ꓪꓴꓸ ꓗꓴꓷꓼ ꓒꓳꓹ ꓟꓬꓱꓽ ꓗꓪ ꓣꓱꓽ ꓠꓹ ꓟ ꓒꓴ ꓧꓪ ꓔꓬ ꓟ ꓗꓪ꓾ ꓟꓴ ꓖꓪ ꓖꓪ ꓒꓽ ꓚꓸ-ꓑꓮꓳꓼ ꓛꓲ ꓐꓶ ꓤꓹ ꓤ ( ukulele) ꓕꓲ ꓗꓸ ꓔꓯ ꓕꓲ ꓟꓲ ꓠꓯ ꓗꓪ ꓠꓯꓸ ꓡꓳꓹ ꓬꓰ ꓟ ꓬꓲꓸ ꓒꓵꓽ ꓡꓰ ꓪꓴꓽ ꓪ ꓡꓰꓳ꓿
$27500 ꓒꓵꓽ ꓬꓰ ꓟ ꓬꓲꓸ ꓛꓲ ꓐꓶ ꓤꓽ (ukulele)
2021 ꓘꓳꓼ 10 ꓦ 16 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲꓸ 17 ꓠꓬꓲ ꓟꓶ ꓘꓶꓼ 9 ꓙꓵꓹ ꓗꓪ ꓛꓲ ꓑꓰꓠꓚꓲꓡꓳ ꓮꓚꓚꓳꓴꓠꓔ ꓗꓪ ꓐꓰ ꓪꓴꓽ ꓗꓷ ꓟ ꓥ ꓡꓳ꓿ ꓬꓲꓸ ꓪꓴꓸ ꓔꓴ ꓕꓯ 1000 ꓓꓳ-ꓡ ꓥ ꓢꓲꓸ ꓬꓲꓸ ꓟꓶꓽ ꓗꓪ ꓠꓬ ꓕꓲ ꓟꓲ ꓠꓯ ꓗꓪ ꓠꓯꓸ ꓡꓳꓹ ꓬꓰ ꓟ ꓬꓲꓸ ꓒꓵꓽ ꓓꓳ-ꓡ $ 27500 ꓡꓰ ꓪꓴꓻ ꓙ ꓢꓴ ꓓꓳ ꓡ ꓟ ꓥ ꓡꓳ꓿
ꓪꓴꓻ ꓢꓴ ꓐꓴ ꓠꓬ ꓡꓳ ꓑ ꓓꓽ ꓟ ꓟꓽ ꓥ ꓥ ꓟꓲ꓾ ꓟꓬ-ꓟ ꓑ ꓫꓬ ꓐꓴ ꓐꓱ ꓶ ꓢꓯꓼ ꓕꓵꓼ ꓠꓲꓹ ꓫꓵ ꓢꓴ ꓐꓴ ꓕꓲ ꓣꓳ ꓑꓶꓸ ꓝꓸ ꓕꓲ ꓣꓳ ꓬꓲꓸ ꓒꓵꓽ ꓓꓯ ꓢꓲꓸ ꓪꓴꓻ ꓔꓯꓺ ꓡꓯ ꓘꓳ ꓗꓷ ꓟ ꓥ ꓡꓳ꓿
