ꓒꓲꓳꓹ-ꓟꓰꓹ-ꓔꓲꓸ ꓐꓰ ꓮꓳ-ꓢ-ꓢꓴꓸ-ꓚꓰ ꓐꓯ ꓟꓴ ꓕꓲ ꓗꓪ ꓜꓲ ꓡꓯ ꓘꓳ ꓕꓯꓽ ꓮ ꓡꓲ ꓔꓸ ꓡ?

“ꓐꓯ ꓟꓴ ꓚꓲꓸ ꓚ ꓖꓴ ꓗꓪ ꓜꓲ ꓡ ꓕꓯꓽ ꓒꓲꓳꓹ-ꓟꓰꓹ-ꓔꓲꓸ ꓠꓬ ꓮꓳ-ꓢ-ꓢꓴ-ꓚꓰ ꓔꓯ ꓒꓬꓱꓽ ꓟꓸ ꓟꓽ ꓑꓶꓸ꓾ ꓟꓬ ꓢꓶꓽ ꓛꓳꓽ ꓟ ꓑꓶꓸ꓿

ꓝꓮꓲ ꓒꓲꓳꓹ-ꓟꓰꓹ-ꓔꓲꓸ ꓡꓰ꓾ ꓥꓪ ꓠꓬ ꓗꓴꓷꓼ ꓟꓬꓱꓽ ꓬꓰ ꓢꓴ ꓕꓲ ꓣꓳ ꓥ ꓡꓳ” ꓐꓰ ꓬꓲ ꓚꓲ ꓛꓬ ꓐꓯ ꓟꓴ ꓘꓶꓽ ꓒꓽ ꓐꓴ ꓔꓯ ꓠꓶꓽ ꓝꓸ ꓘꓶꓽ ꓕꓱ ꓟ ꓔꓯ ꓮꓳ-ꓢ-ꓢꓴ-ꓚꓰ ꓑ ꓙ ꓕꓯ ꓕꓲ ꓠꓰꓽ ꓤꓼ ꓐꓽ ꓧꓶꓼ ꓡꓳ꓿” ꓕꓱ ꓟ ꓠꓬ News watch ꓡꓰ ꓠꓻ ꓠꓬꓲ ꓔꓸ ꓟ ꓗꓪ ꓜꓲꓽ ꓟꓴ ꓒꓽ ꓘꓰ-ꓟꓳ-ꓜꓳ ꓡꓰ ꓒꓳꓹ ꓖꓶ ꓡ ꓟ ꓫꓸ ꓪ ꓘꓶꓽ ꓥ ꓡꓳ꓿

ꓮꓳ-ꓢ-ꓢꓴ-ꓚꓰ ꓠꓬ ꓧꓶꓸ ꓕꓯ ꓬꓥ-ꓖꓳꓥ ꓟꓵꓽ ꓙꓵꓽ ꓢꓲꓽ ꓒ ꓓ ꓟ ꓒꓲꓳꓹ-ꓟꓰꓹ-ꓔꓲꓸ ꓡꓯ ꓒꓯꓹ ꓗꓪ ꓐꓰ ꓘꓶꓽ ꓕꓴꓸ ꓒꓵꓽ ꓓꓳ-ꓡ 6 ꓢꓯꓹ꓾ ꓫꓵꓺ 7 ꓚ ꓜꓽ ꓔꓸ ꓡꓳ ꓐꓰ ꓟꓯꓼ ꓐꓴ ꓡꓰ ꓑꓸ ꓔꓬ ꓟ ꓥ ꓢꓲ꓾ 2021 ꓘꓳꓼ 10 ꓦ 1 ꓠꓬꓲ ꓗꓪ ꓒꓲꓳꓹ-ꓟꓰꓹ-ꓔꓲꓸ ꓡꓰ ꓢꓸ ꓢꓯ ꓦꓰꓼ ꓡ ꓟ ꓥ ꓡꓳ꓿