ꓢ ꓖꓶ 2 ꓦ 16 ꓠꓬꓲ ꓔꓯ “ꓗꓴꓷꓼ ꓠꓲꓹ ꓧꓳꓹ ꓢꓲꓽ ꓧꓳꓹ ꓦꓬꓼ ꓠꓬꓲ” ꓐꓯ ꓢꓲꓸ ꓣꓴ-ꓗ-ꓣꓲꓸ ꓗꓴꓷꓼ ꓙꓵꓽ ꓢꓲꓽ ꓒꓽ ꓑꓳ-ꓡꓳ-ꓟꓲ-ꓓꓲ-ꓬ ꓜꓯ-ꓡꓲ-ꓢꓲ-ꓗꓰꓸ ꓡꓰ ꓠꓬꓲꓸ ꓠꓬꓲ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓢ ꓖꓶ ꓣ-ꓫꓸ ꓗꓴꓷꓼ ꓡꓰ ꓬꓴ-ꓗ-ꓣꓲꓸ ꓗꓴꓷꓼ ꓔꓯ ꓟꓯꓼ ꓢꓰꓼ ꓪꓴꓸ ꓔꓴ ꓓꓴ ꓥꓳ ꓐꓯˍ ꓟ ꓛꓽ ꓒꓽ ꓓꓳꓽ ꓔꓯ ꓮ-ꓟꓯ-ꓣꓲ-ꓗ ꓡꓰ ꓐꓯ ꓒꓬꓱꓺ ꓩꓴ ꓡ ꓟ ꓑꓶꓸ ꓓꓴ ꓣꓴ-ꓗ-ꓣꓲꓸ ꓠꓬ ꓟꓯꓼ ꓔꓳꓹ ꓗꓽ ꓡꓯ ꓘꓳ ꓠꓹ ꓟ ꓕꓱ ꓡꓱ ꓙꓽ ꓖꓶ ꓩꓴ ꓡˍ ꓟ ꓥ ꓡꓳ꓿
“ꓢ ꓖꓶ ꓣꓳ ꓔꓯ ꓟꓯꓼ ꓢꓰꓼ ꓡ ꓓꓴ ꓬꓰꓸꓳ ꓐꓯ ꓖꓶ ꓡꓻꓳ꓿ ꓣꓳ ꓮ ꓙꓵ ꓠꓲꓹ ꓧꓳꓹ ꓢꓲꓽ ꓧꓳꓹ ꓠꓹ ꓟ ꓦꓬꓼ ꓠꓬꓲ ꓥꓳ꓿ ꓦꓬꓼ ꓠꓬꓲ ꓕꓱ ꓟ ꓐꓱ ꓶ ꓥꓪ ꓡꓯꓼ ꓓꓴ ꓢꓽ ꓓꓳ ꓡꓰꓳ” ꓐꓰ ꓬꓴ-ꓗ-ꓣꓲꓸ ꓙꓵꓽ ꓢꓲꓽ ꓒꓽ ꓡꓰ ꓐꓯ ꓡꓳ꓿
ꓟꓲ ꓠꓯ ꓗꓴꓷꓼ ꓜꓴ ꓟꓬꓱꓽ ꓢꓲꓺ ꓓꓽ ꓟ ꓖꓴ-ꓔ-ꓬꓯꓼ-ꓢꓲ ꓡꓰꓽ “ꓮ ꓙꓵꓽ ꓢꓴ ꓠꓲꓹ ꓟ ꓫꓵꓺ ꓫꓵꓺ ꓬꓰ ꓠ ꓔꓸ ꓥ” ꓐꓯ ꓩꓴ ꓡ ꓡꓳ꓿
ꓣ-ꓫꓸ ꓗꓴꓷꓼ ꓙꓵꓽ ꓢꓲꓽ ꓒꓽ ꓑꓴ-ꓔꓲ ꓡꓰ ꓟꓯꓼ ꓬꓲꓸ ꓢꓯꓹ ꓣꓴ-ꓗ-ꓣꓲꓸ ꓐꓰ ꓣ-ꓫꓸ ꓟꓵꓽ ꓘꓶꓽ ꓗꓪ ꓝꓲꓺ ꓔꓸ ꓥꓲ꓾ ꓣꓴ-ꓗ-ꓣꓲꓸ ꓗꓴꓷꓼ ꓔꓯ ꓟꓯꓼ ꓟꓽ ꓢꓰꓼ ꓐꓯ ꓔꓬ ꓡꓳ꓿
ꓮ ꓧꓪꓹ ꓣ-ꓫꓸ ꓡꓰ ꓟꓯꓼ ꓢꓰꓼ ꓟꓵꓽ ꓦꓴ ꓡ ꓐꓭˍ ꓠꓬ ꓴꓢꓮ ꓐꓰ ꓙ-ꓟꓶ-ꓠꓰ ꓐꓴ ꓡꓰ ꓡꓲꓽ ꓡꓲꓽ ꓒꓳꓹ ꓔꓳꓹ ꓓꓴ ꓥꓳ ꓐꓯ ꓔꓸ ꓟ ꓙꓳ ꓡꓳ꓿
ꓬꓲꓸ ꓚꓰ꓾ ꓐꓐꓚ
