1982 ꓘꓳꓼ ꓕꓯꓽˍ ꓡꓰ ꓧꓪ ꓟꓽ ꓟꓳꓻ ꓢꓴ ꓕꓲ ꓣꓳ ꓔꓯ ꓴꓢꓮ ꓗꓴꓷꓼ ꓕꓯꓼ-ꓢꓼ ꓗꓪ ꓓꓠꓮ ꓢꓷꓸ ꓠꓲꓹ ꓗꓪ ꓐꓰ ꓧꓪ ꓟꓶ ꓡꓰꓳ꓿
1982 ꓘꓳꓼ ꓕꓯꓽ ꓕꓯꓼ-ꓢꓼ (Texas) ꓢꓲꓹ ꓠꓯ ꓟꓵꓽ ꓕꓲ ꓕꓳꓸ ꓗꓪ ꓐꓹ ꓐ ꓟꓹ ꓟ ꓫꓵꓻ ꓟꓳꓻ ꓠꓬ ꓧꓪ ꓟꓶ ꓥ ꓟꓲ꓾ ꓤ ꓠꓱ ꓞꓳ ꓫꓵꓼ ꓤ ꓫꓵꓻ ꓟꓳꓻ ꓧꓪ ꓟꓽ ꓟꓳꓻ ꓟ ꓫꓵꓽ ꓪꓴ ꓕꓲꓽ ꓚꓱꓹ ꓙꓳˍ ꓡꓳ꓿
(ꓐꓹ ꓐ ꓟꓹ ꓟ ꓠꓬ ꓫꓵꓻꓳ)
ꓬꓲꓸ ꓪ ꓢ ꓟꓸ ꓡꓼ ꓢꓴ ꓖꓳ ꓢꓲꓹ ꓠꓯ ꓗꓪ ꓙꓰ ꓢꓲꓸ ꓐꓹ ꓐ ꓟꓹ ꓟ ꓔꓯ ꓮ ꓡꓲ ꓗ ꓬꓰ ꓢꓲꓸ ꓫꓵꓻ ꓟ꓾ ꓝꓮꓲ ꓤ ꓠꓱ ꓠꓬ ꓮ ꓗꓪ ꓟꓶꓽ ꓬꓰ ꓟ ꓚꓵꓺ ꓘꓶꓽ ꓡꓰ ꓐꓰ 40 ꓘꓳꓼ ꓛꓲ ꓙꓳ ꓡ ꓟ ꓥ ꓡꓳ꓿
ꓫꓵꓻ ꓢꓴ ꓐꓹ ꓐ ꓟꓹ ꓟ ꓟꓬꓱꓺ ꓠꓬ Tina Gail Linn Clouse and Harold Dean Clouse Jr. ꓥ ꓢꓲ꓾ ꓮ ꓟꓶ ꓗꓪ ꓛꓲ ꓢꓯꓸ ꓔꓬ ꓟ ꓬꓲꓸ ꓪ ꓤ ꓠꓱ ꓠꓬ Holly ꓟꓬꓱꓺ ꓔꓸ ꓡꓳ꓿
“40 ꓘꓳꓼ ꓟꓽ ꓞꓲ ꓪ ꓘꓴ ꓔꓬ ꓟ ꓕꓲ ꓫꓵꓽ ꓔꓯ ꓧꓪ ꓟꓶꓳ” ꓐꓰ Holly ꓬꓲꓸ ꓮ ꓬꓽ ꓜꓳˍ ꓢꓴ ꓕꓲꓽ ꓣꓳ Donna Casasanta ꓡꓰ ꓐꓯ ꓡꓳ꓿
ꓕꓱ ꓡꓱ ꓧꓪ ꓟꓳˍ ꓟ ꓢꓷꓸ ꓠꓲꓹ ꓠꓬ ꓓꓠꓮ ꓢꓷꓸ ꓠꓲꓹ ꓗꓪ ꓐꓰ ꓥ ꓡꓳ꓿ DNA, or deoxyribonucleic acid ꓠꓬ ꓞꓳ ꓤ ꓐꓰ ꓙꓱ ꓤ ꓪꓵ ꓔꓳ ꓑꓲ ꓗꓪ ꓙꓳˍ ꓟ ꓬꓲꓸ ꓢꓯꓼ ꓕꓲꓽ ꓫꓵꓽ ꓥ ꓢꓲ꓾ ꓬꓲꓸ ꓢꓯꓼ ꓖꓳ ꓟ ꓫꓬꓹ ꓜꓯꓻ ꓔꓸ ꓟ ꓚꓱꓹ ꓔꓯ ꓖꓼ ꓔꓯꓺ ꓠꓬꓲˍ ꓠꓬ꓾ ꓫꓵꓽ ꓤ ꓪꓳꓼ ꓤ ꓜꓳꓽ / ꓟꓽ ꓜꓳ ꓚꓹ ꓢꓷꓸ ꓐ ꓡ ꓟ ꓢꓷꓸ ꓠꓲꓹ ꓕꓲꓽ ꓫꓵꓽ ꓥ ꓡꓳ꓿
ꓙꓵꓽ ꓗ ꓢꓷꓸ ꓢꓴ ꓜꓲꓽ ꓟꓴꓽ ꓒꓽ ꓓꓽ ꓟ Ken Paxton (attorney-general Ken Paxton) ꓡꓰ ꓢꓷꓸ ꓙ ꓟꓴ ꓙ ꓘꓶꓽ ꓗꓪ꓾ Holly ꓬꓲꓸ ꓮ ꓡꓲ ꓫꓳ ꓪꓴꓽ ꓡ ꓟ ꓟꓸ ꓟꓲ ꓔꓯ ꓜꓲ ꓜꓲ ꓟꓴ ꓟꓴ ꓟꓽ ꓐꓯ ꓖꓶꓽ ꓔꓸ ꓥ ꓟꓲ꓾ ꓬꓲꓸ ꓠꓬ ꓙꓲ ꓙꓲ ꓢꓹ ꓢ ꓤ ꓪꓴꓽ ꓡ ꓐꓶ꓾ ꓐꓰ ꓐꓯ ꓔꓸ ꓡꓳ꓿ ꓝꓮꓲ ꓬꓲꓸ ꓐꓹ ꓐ ꓟꓹ ꓟ ꓮ ꓡꓲ ꓫꓵꓻ ꓟ ꓔꓯ ꓟꓳꓸ ꓚꓲꓸ ꓚ ꓧꓪ ꓟꓰꓹ ꓔꓬ ꓢꓰꓽ ꓡꓳ ꓐꓯ ꓔꓸ ꓡꓳ꓿
ꓬꓲꓸ ꓚꓰ꓾ ꓚꓠꓠ
