ꓗꓳ ꓡ ꓟ 12ꓦ꓾ 11 ꓠꓬꓲ ꓕꓯ꓾ ꓲ-ꓓ-ꓬ ꓟꓵꓽ ꓗꓪ ꓔꓬ ꓟ ꓡꓲ-ꓢꓴ ꓐꓴ ꓗꓪ ꓐꓰ ꓮ ꓜꓴ ꓬꓼ ꓬꓳ, ꓦꓲ., (3) ꓦꓲꓸꓹꓔꓯ ꓮ ꓔꓳ ꓛꓴ ꓗꓶ ꓠꓬꓲ‐. ꓮ ꓜꓴ ꓬꓼ(Government) ꓗꓪ ꓐꓰ 24 ꓣꓳ ꓣꓴ ꓔꓯ, (Arrested)ꓙꓰꓳ= ꓣꓴ ꓔꓯ, ꓙꓰ ꓢꓴ ꓕꓲ ꓐꓱ ꓠꓬ ꓞꓳ ꓪꓴꓽ ꓞꓳ ꓟ ꓗꓪ ꓐꓰ ꓑꓳ ꓪ ꓡꓰꓳ=
ꓕꓲ ꓟꓵꓽ ꓡꓰ ꓕꓲ ꓟꓵ ꓗꓪ ꓔꓬ,_ꓟ ꓠꓲ, ꓠꓵ_ꓟ ꓣꓳ ꓡꓲ‐ꓢꓴ ꓫꓵꓽ ꓐꓴ ꓗꓪ ꓐꓰ ꓮ ꓟꓬ ꓪ ꓘꓴ ꓙ ꓖꓶꓽ ꓡˍꓠꓬꓲ꓾ ꓲ‐Dꓲ‐ꓬ ꓡꓲ‐ꓢꓴ ꓫꓵꓽ ꓐꓴ ꓐꓱ ꓶ ꓮ ꓘꓶ. ꓢꓯꓼ ꓕꓵꓼ ꓗꓷ ꓢꓲ ꓐꓱꓺ Dꓵꓽ ꓗꓪ ꓐꓱꓺ ꓗꓷ ꓢꓴ ꓐꓴ 18 ꓣꓳ ꓠꓬ꓾ ꓮ ꓟꓶ(1-22-2021) ꓕꓯ ꓐꓱꓺ Dꓵꓽ ꓗꓪ ꓐꓰ Dꓳ ꓡ,ꓳ=
ꓢꓯ. ꓐꓬꓱꓽ ꓔꓯ. ꓡꓳ. ꓠꓬꓲ꓾
ꓖꓳ ꓡꓱ ꓠꓬꓲ ꓝ. ꓢꓲ ꓡꓯ ꓫꓵ ꓪ ꓘꓴ ꓙ ꓠ,_ꓟ Dꓰꓽ ꓩꓴ ꓡ_ꓥꓳ= ꓮ ꓟꓶ ꓬꓲ ꓪꓴ. Dꓵ ꓧꓳꓽ ꓪꓴ. ꓟꓴ ꓢꓴ 5 ꓣꓳ ꓠꓬ ꓐꓱꓺDꓵꓽ ꓗꓪ ꓔꓲ. ꓔꓬ, ꓢꓰꓽ ꓡꓳ= ꓖꓳ ꓡꓱ ꓠꓬꓲ ꓣꓳ ꓫꓵꓽ ꓐꓴ ꓐꓱ ꓶ ꓮ ꓘꓶ. ꓠꓲ, ꓒꓵꓽ ꓠꓲ, ꓡꓱꓺ ꓗꓷ ꓢꓴ ꓐꓴ ꓬꓲ ꓪ ꓮ ꓙꓵꓽ ꓢꓴ ꓐꓱ ꓶ_ꓐꓰ ꓝꓮꓲ ꓬꓰ ꓙ ꓢꓴ꓾ ꓫꓵꓽ ꓫꓬ, ꓒꓽ ꓐꓰ ꓞꓳ ꓪꓴꓽ ꓞꓳ ꓟꓺ ꓐꓱ ꓶ ꓮ ꓘꓶ. ꓪ ꓘꓴ ꓙ ꓡꓯ ꓐꓰ꓾ Dꓰꓽ ꓩꓴ ꓡ_ꓥꓳ= ꓧꓪ. ꓧꓪꓸꓼ=
ꓫ ꓟꓳ ꓪ=
