MRTV media mobile Application ꓔꓯ 2022 ꓘꓳꓼ 5 ꓦ 4 ꓠꓬꓲ ꓕꓯꓽ ꓓꓳ ꓩꓴ ꓡ ꓢꓲ꓾ 5 ꓠꓬꓲ ꓕꓯꓽ play store ꓐꓰ Apple Store ꓗꓪ ꓟꓽ ꓙꓳ ꓬꓰꓳ꓿
ꓟꓬ-ꓟ ꓟꓯꓼ ꓗꓳ-ꓢꓰ ꓢꓽ ꓡ ꓙꓵꓽ ꓟꓰꓹ-ꓮꓳꓽ-ꓡꓮꓲꓽ ꓬꓲꓸ ꓚꓲꓸ ꓛꓬ ꓡꓰ ꓠꓶꓽ ꓝꓸ ꓩꓴ ꓡ ꓟ ꓥ ꓢꓲ꓾ 1 ꓦꓬꓼ ꓜꓰ MRTV Application ꓗ ꓬꓰˍ ꓟ ꓥ ꓡꓳ꓿
MRTV media mobile Application ꓔꓯ ꓦ ꓐ 8 ꓦ ꓫꓬꓹ ꓚꓰꓼ ꓔꓸ ꓟ ꓥꓳ ꓐꓰ MSG company ꓢꓲꓺ ꓒꓽ ꓡ ꓛꓴꓸ ꓑꓳ ꓡꓳ ꓡꓼ-ꓢꓱꓽ ꓡꓰ ꓒꓴ ꓑꓮꓲ ꓗꓪ ꓐꓯ ꓡꓳ꓿
ꓖꓳ ꓡꓱ ꓥ ꓟꓲ Apps Web Social LLC ꓡꓰ play store ꓗꓪ ꓐꓰ ꓣꓴ ꓞꓰ ꓩꓴ ꓗꓷ ꓡ ꓟ ꓔꓯ Justice for Myanmar ꓡꓰ ꓘꓳ ꓣꓴ ꓡꓳ꓿ ꓝꓮꓲ apple store ꓗꓪ ꓐꓰ ꓥ ꓟꓲ Apple ꓡꓰ ꓣꓴ ꓞꓰ ꓩꓴ ꓗꓷ ꓟ ꓥ ꓡꓳ꓿
YouTube ꓡꓰ ꓐꓰ M Tube video Streaming Platform ꓕꓲ ꓟ ꓬꓰ ꓓꓴ ꓥꓳ ꓐꓰ꓾ ꓟꓯꓼ ꓗꓳ-ꓢꓰ ꓓꓳꓽ ꓐꓯ ꓔꓯ ꓟꓳꓸ ꓢꓲꓽ ꓒꓽ ꓟꓮꓳ-ꓟꓮꓳ-ꓳꓸ ꓡꓰ ꓐꓯ ꓡꓳ꓿
ꓟꓬ-ꓟ ꓟꓯꓼ ꓡꓰ ꓑ ꓫꓬ ꓙꓵꓽ ꓪ ꓦꓴ ꓙꓰ ꓡ ꓕꓲ ꓠꓬꓲ ꓕ ꓑꓳꓸ Facebook, YouTube ꓗꓪ ꓬꓲꓸ ꓪ ꓓꓳꓽ ꓚꓬꓼ ꓐꓯ ꓒꓬꓱꓻ ꓚꓱꓹ ꓮ ꓟꓬꓹ ꓔꓯ ꓑꓲꓸ ꓩꓴ ꓗꓷ ꓟ ꓥ ꓡꓳ꓿
ꓟꓬ-ꓟ ꓗꓴꓷꓼ ꓗꓪ ꓚꓲꓸ ꓛꓬ ꓦꓲ ꓛꓴ꓾ ꓑ ꓫꓬ ꓢꓰꓼ ꓔꓬ ꓟ ꓟꓲ ꓠꓯ ꓗꓴꓷꓼ ꓐꓴ ꓢꓷꓸ ꓟ ꓑꓶꓸ ꓓꓴ ꓙꓵ ꓪ ꓦꓴ ꓢꓴ ꓔꓯ ꓪꓽ ꓟꓽ ꓑꓶꓸ ꓗ ꓬꓰ ꓔꓬ ꓟ ꓥꓳ꓿
ꓑ ꓫꓬ ꓔꓯ ꓫꓸ ꓟꓴ ꓫꓸ ꓚꓬ ꓜꓲꓽ ꓜꓲꓽ ꓑꓰꓹ ꓑꓰꓹ ꓙꓵꓽˍ ꓟ ꓔꓯ ꓟꓽ ꓪꓽ ꓢꓴ ꓗꓴꓷꓼ ꓗꓪ ꓠꓬ ꓕꓱ ꓡꓱꓳ ꓫꓵꓽ ꓟꓯꓼ ꓜꓲꓽ ꓔꓯ ꓙ ꓡꓯ ꓘꓳ ꓢꓴ ꓔꓯ ꓛꓳ ꓒꓯꓹ ꓟꓽ ꓬꓰ꓾ ꓶ ꓡꓯꓼ ꓟꓽ ꓙ ꓡꓯ ꓘꓳ ꓚꓰꓼ ꓟ ꓑꓶꓸ ꓓꓴ ꓔꓺ ꓠꓲꓹ ꓫꓵ ꓡꓲꓸ ꓔꓺ ꓟꓽ ꓑꓶꓸ ꓗ ꓬꓰ ꓔꓬ ꓟ ꓥ ꓡꓳ꓿
