ꓟꓬ-ꓟ ꓗꓴꓷꓼ ꓙꓵꓽ ꓢꓴ ꓳ-ꓔꓲꓸ-ꓢꓰꓽ꓾ ꓳ-ꓕꓲꓽ-ꓚꓳꓽ ꓐꓰ꓾ ꓳ-ꓪꓰꓹ-ꓟꓰꓼ ꓐꓴ ꓡꓯꓼ ꓛꓲ ꓗꓪ ꓛꓲ 10 ꓘꓳꓼ ꓒ ꓐꓲ ꓗꓴꓷꓼ ꓙꓵꓽ ꓦꓲ ꓙꓵꓽ ꓢꓴ ꓟꓬꓱꓽ ꓬꓰ ꓗꓷ ꓢꓴ ꓳ-ꓜꓳꓽ-ꓕꓯꓸ ꓠꓬ ꓠꓬꓲꓸ ꓠꓬꓲ 2022 ꓘꓳꓼ 5 ꓦ 23 ꓠꓬꓲ ꓠꓯꓼ ꓠꓯꓼ ꓕꓯꓽ ꓫꓵꓻꓳ꓿
“ꓬꓲꓸ ꓞꓲꓼ 48 ꓘꓳꓼ꓾ ꓟꓬꓱꓽ ꓟꓽ ꓬꓰ ꓟꓽ ꓡꓱꓽ ꓟ ꓗꓪ ꓕꓱ ꓡꓱ ꓫꓵꓻ ꓡ ꓠꓬꓲ ꓦꓰꓸ ꓡꓰꓳ” ꓐꓰ ꓟꓬ-ꓟ ꓗꓴꓷꓼ ꓢꓲ ꓡꓲꓹ ꓡ ꓚꓱꓹ ꓖꓪ ꓙꓱ ꓙ ꓒꓽ ꓡꓼ-ꓟꓮꓳꓽ-ꓫꓱꓽ ꓡꓰ ꓐꓯ ꓡꓳ꓿
ꓬꓲ ꓠꓬ ꓬꓯꓻ ꓟꓴꓽ ꓘꓴꓽ ꓮ ꓘꓶꓸ ꓛꓵꓼ ꓢꓴ ꓥ ꓠꓬꓲ꓾ ꓠꓲꓹ ꓟ ꓠꓻ ꓫꓵꓽ ꓑꓶꓸ ꓓꓴ ꓫꓵꓻˍ ꓟ ꓥꓳ꓾ ꓐꓰ ꓢꓪꓼ ꓔꓸ ꓡꓳ꓿
“ꓠꓯꓼ ꓠꓯꓼ ꓔꓴ ꓡ ꓕꓽ ꓡꓱꓸ ꓓꓳꓽ ꓬꓰꓳ꓿ ꓬꓲꓸ ꓛꓳ ꓒꓯꓹ ꓐꓴ ꓠꓰ ꓬꓰ ꓙ ꓢꓲꓸ ꓠꓯ ꓞꓲꓼ ꓦꓲ ꓗꓪ ꓧꓳꓽ ꓛꓲ ꓥ ꓟꓲ ꓖꓼ ꓟꓽ ꓟꓶ ꓬꓰꓳ” ꓐꓰ ꓳꓸ-ꓡꓼ-ꓟꓮꓳꓽ-ꓫꓱꓽ ꓡꓰ ꓐꓳ ꓔ ꓡꓳ꓿
ꓟꓯꓼ ꓗꓳ-ꓢꓰ ꓡꓰ 2021 ꓘꓳꓼ 2 ꓦ 1 ꓠꓬꓲ ꓗꓪ ꓮꓳ-ꓢ-ꓢꓴꓸ-ꓚꓰꓽ ꓐꓰ ꓪꓰꓹ-ꓟꓰꓼ ꓐꓴ ꓔꓯ ꓣꓴ ꓡꓴꓽ ꓔꓸ ꓟ ꓡꓰ ꓐꓰ ꓬꓲꓸ ꓔꓯ ꓥ ꓟꓲ ꓟꓯꓼ ꓠꓰ ꓣꓴ ꓡꓴꓽ ꓚꓲꓸ ꓚ ꓪ ꓡꓰ ꓢꓲꓸ 2021 ꓘꓳꓼ 6 ꓦ ꓗꓪ ꓡꓲꓹ ꓩꓴ ꓡꓻꓳ ꓐꓰ꓾ ꓢꓷꓸ ꓢꓴ ꓡꓰ ꓐꓯ ꓡꓳ꓿
ꓗꓴꓷꓼ ꓙꓵꓽ ꓦꓲ ꓙꓵꓽ ꓢꓴ ꓬꓲꓸ ꓫꓵꓻ ꓕꓯꓽ 48 ꓘꓳꓼ ꓙꓳˍ ꓡꓳ꓿
ꓐꓬꓱꓽ꓾ ꓡꓼ-ꓟꓮꓳꓽ-ꓫꓱꓽ fb
