ꓠꓬꓲꓸ ꓠꓬꓲ 2022 ꓘꓳꓼ 1 ꓦ 28 ꓠꓬꓲ ꓕꓯꓽ꓾ ꓲ-ꓓꓲ-ꓬ ꓡꓲ-ꓢꓴ ꓢꓳ ꓢꓴ ꓜꓴ ꓢꓽ ꓡ ꓙꓵꓽ ꓥꓪ-ꓜꓳ-ꓢ ꓔꓯ ꓐꓱ ꓓꓴꓽ ꓗꓪ ꓐꓰ ꓡꓲꓹ ꓩꓴ ꓡꓻꓳ꓿
ꓬꓲ ꓠꓬ 2020 ꓘꓳꓼ 12 ꓦ 15 ꓠꓬꓲ ꓕꓯꓽ ꓢꓴꓺ ꓔꓴꓺ ꓓꓴ ꓙꓳ ꓗꓷ ꓟ ꓗꓪ ꓟꓯꓼ ꓐꓴ ꓡꓰ ꓣꓴ ꓟꓶ ꓡꓰˍ ꓟ 24 ꓣꓳ ꓗꓪ ꓕꓱꓹ ꓡꓰ ꓢꓴ ꓕꓲ ꓣꓳ ꓥ ꓡꓳ꓿
ꓢꓴꓺ ꓔꓴ ꓓꓴ ꓒꓬꓱꓼ ꓗꓷ ꓟ ꓠꓬ ꓗꓴꓷꓼ ꓫꓴ ꓟꓵꓽ ꓫꓴ ꓙꓵꓽ ꓢꓴ ꓐꓴ ꓡꓰ ꓡꓲ-ꓢꓴ ꓔꓬ ꓟꓵꓽ ꓮ-ꓣꓴ-ꓠ-ꓛ-ꓑ-ꓣ-ꓓꓯ-ꓫꓵ ꓗꓪ ꓟꓵꓽ ꓚꓰ ꓡ ꓞꓳ ꓙꓵꓽ ꓪ ꓚꓱꓹ ꓐꓰ꓾ ꓪꓴꓽ ꓟꓴ ꓡ ꓚꓱꓹ ꓟꓽ ꓬꓰ ꓖꓶꓽ ꓡ ꓟ ꓑꓶꓸ ꓓꓴ ꓑ ꓫꓬ ꓐꓴ ꓠꓲꓹ ꓧꓶ ꓔꓴ ꓡ ꓟ ꓗꓪ ꓐꓰ ꓗꓴꓷꓼ ꓙꓵꓽ ꓜꓴ ꓦꓲ ꓔꓯ ꓮ ꓔꓳꓸ ꓓꓳꓼ ꓩꓴ ꓗꓷ ꓟ ꓥ ꓡꓳ꓿
“ꓑ ꓫꓬ ꓐꓴ ꓡꓰ ꓢꓲꓽ ꓒꓽ ꓐꓴ ꓔꓯ ꓓꓰꓽ ꓚꓱꓹ꓾ ꓕꓱ ꓚꓱꓹ ꓠꓬ ꓜꓳꓽˍ ꓥ ꓟꓲ꓾ ꓑ ꓫꓬ ꓐꓴ ꓠꓲꓹ ꓟ ꓩꓴ ꓟꓬꓽ ꓡꓰ ꓢꓲꓸ ꓙꓵꓽ ꓗ ꓔꓯ ꓘꓱꓻ ꓡꓰ ꓠꓬꓲ ꓙꓵꓽ ꓗ ꓡꓰ ꓝꓶꓸ ꓡ ꓟ ꓥꓳ” ꓐꓰ ꓟꓸ ꓒ ꓮ-ꓐꓲ-ꓬ ꓡꓰ ꓢꓪꓼ ꓐꓯ ꓔꓸ ꓡꓳ꓿
ꓣꓴ ꓡꓴꓽ ꓟꓶ ꓡꓰ ꓢꓴ 25 ꓣꓳ ꓗꓪ ꓐꓰ ꓢꓳ ꓢꓴ ꓜꓴ ꓢꓽ ꓡ ꓙꓵꓽ ꓥꓪ-ꓜꓳ-ꓢ ꓠꓬ ꓐꓱ ꓓꓴꓽ ꓗꓪ ꓡꓴꓽ ꓔꓸ ꓟꓶ ꓢꓴ ꓬꓲꓸ ꓟꓶꓽ ꓕꓲ ꓣꓳ ꓟ ꓥ ꓢꓲ꓾ ꓠꓬꓲꓸ ꓠꓬꓲ ꓬꓲꓸ ꓡꓲꓹ ꓓꓳ ꓡˍ ꓕꓯꓽ ꓫꓵꓽ ꓤ ꓪꓳꓼ ꓤ ꓐꓴ ꓐꓰ ꓞꓳ ꓪꓴꓽ ꓞꓳ ꓟ ꓐꓴ ꓬꓲ ꓔꓯ ꓐꓱ ꓓꓴꓽ ꓗꓪ ꓙ ꓘꓶꓽ ꓞꓲ ꓗꓷꓳ꓿
