ꓐꓙꓑ ꓑ-ꓔꓲ ꓗꓪ ꓐꓰ ꓢꓲꓻ ꓓꓯꓺ ꓡ ꓢꓴ ꓓ-ꓣꓳ-ꓑ-ꓓꓲ-ꓟ-ꓟꓴ (Droupadi Murmu) ꓠꓬ ꓲ-ꓓꓲ-ꓬ ꓗꓴꓷꓼ ꓙꓵꓽ ꓢꓴ (15) ꓣꓳ ꓕꓲꓽ ꓣꓳ ꓬꓰ ꓠꓹ ꓟ ꓢꓲꓺ ꓪ ꓡꓰꓳ꓿
Droupadi Murmu
ꓓ-ꓣꓳ-ꓑ-ꓓꓲ-ꓟ-ꓟꓴ ꓠꓬ 2022 ꓘꓳꓼ 7 ꓦ 25 ꓠꓬꓲ ꓕꓯꓽ ꓗꓴꓷꓼ ꓙꓵꓽ ꓢꓴ ꓔꓯꓸ ꓟꓳꓸ ꓪꓵꓼ ꓘꓶꓽ ꓜꓽ ꓓꓳ ꓠꓹ ꓟ ꓙ ꓖꓶꓽ ꓔꓬ ꓡꓳ꓿
ꓬꓲꓸ ꓠꓬ ꓲ-ꓓꓲ-ꓬ ꓗꓪ ꓟꓵꓽ ꓚꓰꓺ ꓞꓳ ꓪꓳꓼ ꓐꓴ ꓗꓪ ꓗꓴꓷꓼ ꓙꓵꓽ ꓢꓴ ꓒꓬꓱꓼ ꓡ ꓟ ꓬꓲꓸ ꓪꓴꓸ ꓟ ꓤ ꓟꓶꓼ ꓤ ꓐꓰ꓾ ꓗꓴꓷꓼ ꓙꓵꓽ ꓢꓴ ꓪ ꓔꓲꓸ ꓗꓪ ꓐꓰ ꓤ ꓟꓶꓼ ꓤ 2 ꓣꓳ ꓕꓲꓽ ꓣꓳ ꓟ ꓥ ꓡꓳ꓿
2014 ꓘꓳꓼ ꓗꓪ ꓒꓴ ꓞꓳꓽ ꓦꓲ ꓶ ꓡꓯꓼ ꓟꓬꓱꓽ ꓬꓰ ꓬꓰ ꓢꓴ ꓕꓲꓽ ꓣꓳ ꓥ ꓟ ꓬꓲꓸ ꓦꓲ ꓢꓲꓺ ꓒ ꓫꓵꓻꓳ꓿ ꓝꓮꓲ ꓬꓲꓸ ꓤꓽ ꓠꓬꓲꓽ ꓣꓳ ꓥ ꓟꓲ ꓫꓵꓻꓳ꓿ (ꓬꓲꓸ ꓗꓴꓷꓼ ꓙꓵꓽ ꓢꓴ ꓪ ꓔꓲꓸ ꓟ ꓒꓬꓱꓼ ꓡ ꓟ ꓔꓯ ꓕꓲꓽ ꓦꓲ ꓡ ꓞꓳ ꓦꓲ ꓢꓲꓺ ꓒ ꓐꓰ ꓬꓲꓸ ꓤꓽ ꓐꓴ ꓟꓽ ꓟꓳꓻ ꓪ ꓒꓰꓹꓳ)꓿ ꓮ ꓟꓶ ꓬꓲꓸ ꓤꓼ ꓟꓶꓼ ꓐꓰ ꓬꓲꓸ ꓠꓬꓲꓽ ꓟꓸ ꓡꓼ ꓡꓰ ꓔꓬ ꓢꓴ ꓥ ꓡꓳ꓿
ꓲ-ꓓꓲ-ꓬ ꓗꓴꓷꓼ ꓠꓬ ꓐꓲ-ꓔꓲ-ꓫꓲ ꓡꓯ ꓒꓯꓹ ꓗꓪ ꓐꓰ ꓙꓵꓽ ꓪ ꓪ ꓕꓲꓽ ꓠꓬꓲ ꓗꓪ ꓐꓰ ꓓꓰ-ꓟꓳ-ꓗꓯ-ꓢꓰ ꓚꓱꓹ ꓗꓪ ꓬꓲꓸ ꓞꓰꓽ ꓡꓰꓽ ꓟꓽ ꓗ ꓬꓰ ꓬꓰ ꓝꓸ ꓣꓱꓽ ꓩꓴ ꓡ ꓟ ꓥ ꓡꓳ꓿
