ꓲ-ꓓꓲ-ꓬ ꓟꓯꓼ ꓡꓰ ꓣꓴ ꓟꓶ ꓡꓰ ꓢꓲꓸ ꓐꓱ ꓓꓴꓽ ꓗꓪ ꓡꓴꓽ ꓔꓸ ꓟ ꓟꓬ-ꓟ ꓗꓴꓷꓼ ꓗꓪ ꓐꓰ ꓡ ꓟ ꓡꓲ-ꓢꓴ (6) ꓣꓳ ꓔꓯ ꓚꓬꓴꓹ ꓙ ꓢꓴ ꓫꓵꓽ ꓪꓳꓼ ꓟꓽ ꓧꓪ ꓟꓳ ꓢꓰꓽ ꓐꓯ ꓡꓳ꓿
ꓬꓲꓸ ꓪ ꓛꓳꓼ ꓣꓳ ꓠꓬ ꓟꓬ-ꓟ ꓗꓴꓷꓼ ꓗꓪ ꓐꓰ ꓡꓲꓺ ꓛꓲ ꓗꓪ ꓟꓵꓽ ꓚꓳ ꓙꓰ ꓢꓲꓸ ꓲ-ꓓꓲ-ꓬ ꓗꓴꓷꓼ ꓗꓪ ꓓꓵꓽ ꓡꓱꓼ ꓙꓰ ꓟ ꓑꓶꓸ ꓓꓴ ꓟꓯꓼ ꓠꓰ ꓣꓴ ꓡꓴꓽ ꓪ ꓬꓰ ꓟ ꓥ ꓡꓳ꓿
ꓮ ꓟꓶ ꓲ-ꓓꓲ-ꓬ ꓫꓵꓽ ꓘꓶꓽ ꓢꓲꓽ ꓒ ꓐꓴ ꓡꓰ ꓡꓲꓹ ꓖꓶ ꓠꓹ ꓟ ꓡꓳꓸ ꓔꓬ ꓥ ꓟꓲ꓾ ꓑꓳꓺ ꓙ ꓢꓴ꓾ ꓐꓶ ꓙ ꓢꓴ ꓫꓵꓽ ꓪꓳꓼ ꓧꓪ ꓟꓽ ꓟꓳꓻ ꓢꓰꓽ ꓐꓯ ꓡꓳ꓿ ꓬꓲꓸ ꓪ ꓔꓯ ꓡꓴꓽ ꓔꓸ ꓟ ꓠꓬ ꓦ-ꓪꓯ ꓡꓳ ꓒꓱ ꓗꓪ ꓥ ꓡꓳ꓿
“ꓬꓲꓸ ꓪ ꓛꓳꓼ ꓣꓳ ꓔꓯ ꓑꓳꓺ ꓙ ꓢꓴ꓾ ꓐꓶ ꓙ ꓢꓴ ꓙꓳˍ ꓠꓬ ꓡꓲꓹ ꓡ ꓓꓴ ꓥꓳ꓿ ꓥꓪ ꓠꓴ ꓖꓶ ꓒꓵꓽ ꓓꓳ ꓠ ꓔꓸ꓾ ꓕꓳ ꓶ ꓮ ꓟꓬꓹ ꓫꓬꓹꓠ ꓔꓸ꓾ ꓟꓰ-ꓪꓸ ꓗꓪ ꓐꓰ ꓕꓲꓽ ꓝꓸ ꓙꓰ ꓠ ꓔꓸ ꓠꓰ ꓚꓲꓸ ꓛꓬ ꓢꓯꓼ ꓕꓵꓼ ꓢꓲꓸ ꓬꓰ ꓙ ꓟꓽ ꓐ ꓡ꓿ ꓕꓱ ꓗꓪ ꓐꓯ ꓟꓴ ꓕꓱ ꓙ ꓢꓴ ꓠꓬ ꓙꓳ ꓡꓳ꓿ ꓖꓳ ꓡꓱ ꓥ ꓟꓲ ꓬꓲꓸ ꓪ ꓐꓹ ꓐ ꓟꓹ ꓟ꓾ ꓫꓵꓽ ꓪꓳꓼ ꓐꓴ ꓗꓪ ꓐꓰ ꓝꓲꓺ ꓘꓶꓽ ꓫꓸ ꓪ ꓙꓳ ꓠ ꓔꓸ ꓥ꓿ ꓒꓴ ꓫꓵꓺ ꓖꓶ ꓣꓱꓽ ꓬꓯꓼ ꓥ꓿ ꓣꓳ ꓞꓳ ꓤ ꓔꓯ ꓟꓶ ꓫꓵ ꓫꓵ ꓕꓱ ꓡꓱ ꓒꓰꓻ ꓩꓴ ꓔꓸ ꓟ ꓠꓬ ꓟꓽ ꓜꓳꓽꓪ꓿ ꓮ ꓟꓶ ꓗꓪ ꓛꓲ ꓟꓬ-ꓟ ꓗꓴꓷꓼ ꓗꓪ ꓐꓰ ꓮ ꓫꓵꓽ ꓬꓲꓸ ꓓꓳꓽ ꓬꓲꓸ ꓟꓲ ꓟꓽ ꓜꓳ ꓡ” ꓐꓰ ꓲ-ꓓꓲ-ꓬ ꓡꓲ-ꓢꓴ ꓒꓽ ꓕꓲ ꓣꓳ ꓡꓰ ꓐꓯ ꓡꓳ꓿
ꓕꓱ 6 ꓣꓳ ꓮ ꓐ ꓮ ꓟ ꓫꓵꓽ ꓪꓳꓼ ꓐꓴ ꓠꓬ ꓟꓬ-ꓟ ꓗꓴꓷꓼ꓾ ꓑꓴ-ꓔ-ꓳ ꓟꓵꓽ꓾ꓪ-ꓢ꓾ꓪ-ꓘꓰꓸ ꓘꓹ ꓗꓪ ꓔꓬ ꓡꓳ꓾ ꓐꓯ ꓡꓳ꓿
