2022 ꓘꓳꓼ 8 ꓦ 22 ꓠꓬꓲ ꓕꓯꓽ ꓬꓰ ꓗꓷˍ ꓟ ꓮ-ꓢ ꓢꓲꓽ ꓢꓲꓽ ꓜꓴ ꓓꓽ ꓟ 2 ꓧꓪꓹ ꓕꓲ ꓧꓪꓹ ꓖꓪ ꓙꓱ ꓜꓲꓼ ꓓꓴ ꓗꓪ ꓐꓰ ꓮ-ꓢ ꓢꓲꓽ ꓢꓲꓽ ꓫꓵꓽ ꓐꓴ ꓠꓬ ꓕꓱ ꓕꓲꓽ ꓧꓪꓹ ꓗꓴꓷꓼ ꓢꓴ ꓓꓴ ꓙꓴꓽ ꓓꓴ ꓚ3ꓹ ꓠꓯꓸꓼ ꓗꓪ꓾ ꓟꓬ-ꓟ ꓟꓯꓼ ꓗꓳ ꓢꓰ ꓕꓲꓽ ꓛꓱꓽ ꓗꓪ ꓦꓰꓼ ꓓꓴ ꓥꓳ꓾ ꓐꓰ ꓖꓪ ꓙꓱ ꓞꓷꓹ ꓗꓷꓳ꓿
2 ꓧꓪꓹ ꓕꓲ ꓧꓪꓹ- 2022 ꓘꓳꓼ
ꓮ-ꓢ ꓢꓲꓽ ꓢꓲꓽ ꓐꓴ ꓠꓬ ꓗ-ꓛꓲ ꓟꓵꓽ ꓐꓰ꓾ ꓢꓲꓽ-ꓗꓮꓲꓹ ꓟꓵꓽ ꓫꓴ ꓓꓽ ꓟ ꓗꓪ ꓠꓬꓹ ꓡꓵꓺ ꓠꓬꓹ ꓔꓲꓺ ꓞꓳ ꓫꓵꓽ ꓥ ꓢꓲ꓾ ꓗꓲꓳ/ꓗꓲꓮ ꓔꓯ ꓔꓺ ꓢꓴ ꓙꓳˍ ꓟ ꓡꓰ ꓐꓰ꓾ ꓟꓽ ꓒꓵꓽ ꓟꓽ ꓚ ꓥꓰꓸ ꓜꓲ ꓡ ꓥ ꓐꓯ ꓢꓲ꓾ ꓒꓳꓹ ꓔꓳꓹ ꓢꓴˍ ꓟꓲ ꓙꓳ ꓔꓬ ꓟ ꓥ ꓡꓳ꓿
ꓬꓲꓸ ꓪ ꓔꓱꓸ ꓬꓲꓸ ꓪ ꓠꓬ꓾ ꓔꓮꓲꓹ-ꓡꓮꓲꓽ ꓘꓴˍ ꓡꓳ꓿ ꓡꓳꓽ-ꓟꓲꓽ ꓡꓰ꓾ ꓫꓸ-ꓠꓲꓽ (ꓮ-ꓢ ꓢꓲꓽ ꓢꓲꓽ) ꓐꓯ ꓡꓳ꓿ ꓬꓲꓸ ꓪ ꓟꓯꓼ ꓥ ꓟꓲ ꓙꓳ ꓢꓲ꓾ ꓢꓠꓮ ꓘꓴˍ ꓡꓳ꓿
2016 ꓘꓳꓼ ꓕꓯꓽ ꓫꓵꓽ ꓞꓳ ꓫꓵꓽ ꓕꓲ ꓫꓵꓽ ꓡꓱꓸꓼ ꓟ ꓜꓲꓼ ꓓꓴ ꓬꓲꓸ ꓪꓴꓸ ꓕꓲꓽ ꓧꓪꓹ ꓬꓰ ꓗꓷ ꓢꓲ꓾ 21 ꓦ ꓜꓴ ꓘꓳꓼ ꓢꓲ ꓡꓲꓹ ꓟ ꓖꓪ ꓙꓱ ꓜꓲꓼ ꓓꓴ (21st Panglong Peace Conference) ꓗꓪ ꓬꓲꓸ ꓪ ꓐꓱ ꓶ ꓚꓲꓸ ꓛꓬ ꓙꓵꓽˍ ꓟ ꓟꓵꓽ ꓕꓲ ꓖꓻ ꓖꓶꓽ ꓡ ꓠꓹ ꓟ ꓓꓰꓽ ꓗꓷ ꓟ ꓥ ꓡꓳ꓿
ꓐꓬꓱꓽ ꓐꓰ ꓓꓳꓽ ꓬꓲꓸ ꓚꓰ꓾ The Voice Of Shan- Ni
