ꓮ-ꓢꓲ-ꓬ ꓝꓲ ꓓꓴ ꓬꓴ-ꓢꓳꓼ ꓠꓬ ꓟꓬ-ꓟ ꓗꓴꓷꓼ ꓗꓪ ꓡ ꓢꓲ꓾ ꓑ-ꓔꓲ ꓬꓲꓸ ꓜꓴ ꓮ ꓙꓵꓽ ꓔꓯ ꓜꓲ ꓡꓯ ꓘꓳ ꓠꓹ ꓟ꓾ ꓮ-ꓢꓲ-ꓬ ꓗꓪ ꓐꓰ ꓬꓲꓸ ꓔꓯ ꓶꓻ ꓑꓵꓸ ꓔꓸ ꓟ ꓟꓬꓱꓽ ꓚꓱꓹ (5) ꓟ ꓔꓯ ꓬꓰ ꓐꓲ ꓡꓰ ꓝꓲ ꓠꓹ ꓟ꓾ ꓕꓲ ꓜꓴ ꓔꓯ ꓟꓽ ꓔ ꓔ ꓔꓱꓹ ꓫꓵ ꓗꓪ ꓐꓰ ꓡꓴ ꓡꓴꓹ ꓫꓸ ꓕꓱ ꓢꓲ ꓟꓬꓱꓽ ꓬꓰ ꓠꓹ ꓟ꓾ ꓮ-ꓢꓲ-ꓬ ꓜꓴ꓾ꓟꓲ ꓠꓯ ꓗꓴꓷꓼ ꓜꓴ ꓐꓴ ꓐꓰ ꓟꓬ-ꓟ ꓗꓴꓷꓼ ꓠꓬꓲꓽ ꓗꓴꓸ ꓚꓸ ꓗꓪ ꓦ ꓡꓱ ꓐꓳ ꓟ ꓙ ꓡꓯ ꓘꓳ ꓚꓱꓹ ꓙꓳ ꓡ ꓠꓹ ꓟ ꓖꓪ ꓙꓱ ꓙ ꓓꓴ ꓢꓯꓼ ꓕꓵꓼ ꓔꓬ ꓡꓳ ꓐꓰ 2021 ꓘꓳꓼ 10 ꓦ 12 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓕꓳ ꓶ ꓐꓳ ꓩꓴ ꓡ ꓡꓳ꓿
ꓢꓷ ꓙ ꓟꓴ ꓙ ꓕꓳ ꓶ ꓡꓳ ꓚ ꓐꓯ ꓠꓬ ꓬꓲꓸ ꓠꓬ ꓟꓬ-ꓟ ꓗꓴꓷꓼ ꓗꓪ ꓟꓽ ꓡ ꓛꓲ ꓡ ꓢꓰ꓿ ꓙꓵꓽ ꓪ ꓣꓴ ꓔꓸ ꓟ ꓟꓯꓼ ꓐꓴ ꓡꓰ ꓬꓲ ꓡ ꓠꓹ ꓟ ꓚꓱꓹ ꓔꓯ ꓗꓴ ꓗꓴ ꓓꓰ ꓓꓰ ꓟꓽ ꓘꓳ ꓣꓴ ꓢꓰꓽ ꓐꓰ ꓢꓷ ꓪ ꓓ ꓡꓳ꓿
