(ꓓꓣꓸ ꓢ-ꓢ ꓡꓰ ꓧꓪ ꓒꓴ ꓥꓳꓽ ꓗꓪ ꓐꓳ ꓔꓸ ꓟ ꓘꓶꓽ ꓪꓰꓻ ꓔꓯ ꓡꓲ-ꓢꓴ ꓥꓳꓽ ꓗꓪ ꓡꓶꓸ ꓐꓳ ꓔꓸ ꓡꓳ)
ꓟꓬ-ꓟ ꓗꓴꓷꓼ ꓗꓪ ꓣꓳ ꓠꓬ ꓠꓯ ꓞꓲꓹ ꓟ ꓟꓲ ꓪꓳꓼ ꓗꓪ ꓫꓱꓽ ꓪ ꓔꓬ ꓡꓳ
ꓖꓳ ꓡꓱ ꓟꓲ ꓬꓲꓸ ꓟꓶꓽ ꓗꓪ ꓠꓬ ꓠꓬꓲ ꓟꓳ ꓓꓴ ꓡꓰ ꓧꓪꓸ ꓡꓰ ꓥꓳ
ꓟꓬ-ꓟ ꓗꓷꓼ ꓗꓪ ꓣꓳ ꓠꓬ ꓥꓶꓸ ꓟ ꓔꓳꓹ ꓜꓳ ꓔꓬ ꓡꓳ
ꓖꓳ ꓡꓱ ꓟꓲ ꓬꓲꓸ ꓟꓶꓽ ꓗꓪ ꓠꓬ ꓙꓲˍ ꓟ ꓡꓰ ꓧꓪꓸ ꓡꓰ ꓥꓳ
ꓟꓬ-ꓟ ꓗꓴꓷꓼ ꓗꓪ ꓣꓳ ꓠꓬ ꓟꓽ ꓙꓲ ꓟꓽ ꓔꓱꓹ ꓟ ꓔꓳꓹ ꓜꓳꓽ ꓔꓬ ꓡꓳ
ꓖꓳ ꓡꓱ ꓟꓲ ꓬꓲꓸ ꓟꓶꓽ ꓗꓪ ꓔꓱꓹ ꓜꓳ ꓟ ꓡꓰ ꓧꓪꓸ ꓡꓰ ꓥꓳ
ꓟꓬ-ꓟ ꓗꓴꓷꓼ ꓗꓪ ꓣꓳ ꓠꓬ ꓜꓲꓽ ꓜꓲꓽ ꓑꓰꓹ ꓑꓰꓹ ꓬꓰ ꓖꓶ ꓡ ꓟ ꓔꓳꓹ ꓜꓳ ꓔꓬ ꓡꓳ
ꓖꓳ ꓡꓱ ꓟꓲ ꓬꓲꓸ ꓟꓶꓽ ꓗꓪ ꓠꓬ ꓮ ꓫꓵꓽ ꓟꓽ ꓘꓳ ꓟꓽ ꓟꓳ ꓢꓲ ꓡꓲꓹ ꓟ ꓡꓰ ꓧꓪꓸ ꓡꓰ ꓥꓳ
ꓟꓬ-ꓟ ꓗꓴꓷꓼ ꓗꓪ ꓛꓽ ꓐꓲꓽ ꓛꓽ ꓗꓪ ꓢꓴ ꓔꓬ ꓡꓳ
ꓖꓳ ꓡꓱ ꓥ ꓟꓲ ꓬꓲꓸ ꓟꓶꓽ ꓗꓪ ꓶꓹ ꓡꓵ ꓓꓴ ꓟꓽ ꓙꓳ ꓢꓲ ꓡꓲꓹ ꓗꓷ ꓡꓰ ꓥꓳ
ꓟꓬ-ꓟ ꓗꓴꓷꓼ ꓗꓪ ꓜꓲ ꓜꓲ ꓑꓰꓹ ꓑꓰꓹ ꓙꓵꓽ ꓢꓴ ꓔꓯ ꓔꓳꓹ ꓜꓳ ꓔꓬ ꓡꓳ
ꓖꓳ ꓡꓱ ꓟꓲ ꓬꓲꓸ ꓟꓶꓽ ꓗꓪ ꓶ ꓙꓳ ꓟ ꓡꓲꓹ ꓗꓷ ꓓꓴ ꓟꓶ ꓥꓳ
ꓟꓬ-ꓟ ꓗꓴꓷꓼ ꓗꓪ ꓐꓯ ꓡꓲꓸ ꓐꓯ ꓟꓽ ꓗꓴꓸ ꓗꓪ ꓛꓲ ꓟꓽ ꓔꓱꓹ ꓟ ꓙꓳ ꓡꓳ
ꓖꓳ ꓡꓱ ꓟꓲ ꓬꓲꓸ ꓟꓶꓽ ꓗꓪ ꓔꓱꓹ ꓜꓳ ꓟ ꓡꓰ ꓧꓪꓸ ꓡꓰ ꓥꓳ
ꓟꓯꓼ ꓐꓴ ꓡꓰ ꓐꓬ ꓡꓰ ꓟ ꓐꓰ꓾ ꓫꓵꓻ ꓟ ꓔꓯ ꓟꓬ-ꓟ ꓗꓴꓷꓼ ꓗꓪ ꓔꓯꓹ ꓓꓵꓽ ꓡ ꓡꓳ
ꓖꓳ ꓡꓱ ꓟꓲ ꓔꓱꓹ ꓚꓵ ꓟ ꓗꓴꓷꓼ ꓙꓵꓽ ꓜꓴ ꓠꓴꓖ ꓡꓰ ꓢꓲ ꓡꓲꓹ ꓟ ꓐꓰ ꓢꓯꓼ ꓟꓬ ꓔꓯꓹ ꓓꓵꓽ ꓡ ꓡꓳ
ꓬꓲꓸ ꓪ ꓡꓰ ꓥꓪ ꓠꓴ ꓡ ꓞꓳ ꓔꓯ ꓢꓰꓼ ꓢꓲꓸ ꓬꓲꓸ ꓪ ꓚꓲ ꓛꓬ ꓙꓲ ꓖꓴ ꓐꓱ ꓶ ꓟꓬꓱꓽ ꓬꓰ ꓡꓳ
ꓖꓳ ꓡꓱ ꓟꓲ ꓥꓪ ꓠꓴ ꓠꓬ ꓚꓲ ꓛꓬ ꓢꓯꓼ ꓟꓬ ꓑ ꓢꓲ ꓟꓬ-ꓟ ꓡ ꓞꓳ ꓐꓴ ꓐꓱ ꓶ ꓝꓯ-ꓓ-ꓬꓯ ꓓꓰ-ꓟꓳ-ꓗꓯ-ꓢꓰ ꓔꓯꓹ ꓖꓶ ꓡ ꓡꓳ
ꓬꓲꓸ ꓪ ꓠꓬ ꓞꓳ ꓫꓵꓽ꓾ ꓦ ꓡꓱ ꓚꓱꓹ꓾ ꓞꓳ ꓔꓬ ꓙꓶ ꓟꓽ ꓫꓱꓸ ꓟ ꓔꓯ ꓢꓰꓼ ꓓꓴ ꓶ ꓤ ꓡꓰ ꓐꓰ ꓣꓱꓽ ꓡꓳ ꓟꓽ ꓒꓽ ꓟꓽ ꓚ꓾ ꓠꓬꓲꓸ ꓤꓲ ꓠꓹ ꓟ ꓬꓰ ꓡꓳ
ꓖꓳ ꓡꓰ ꓟꓲ ꓥꓪ ꓠꓴ ꓠꓬ ꓞꓳ ꓫꓵ꓾ ꓦ ꓡꓱ ꓚꓱꓹ꓾ ꓞꓳ ꓔꓬ ꓙꓶ ꓟꓽ ꓫꓰꓸ ꓟ ꓮ ꓙꓵꓽ ꓔꓯ ꓞꓳ ꓒꓵꓽ ꓒꓵꓽ ꓡꓰ ꓘꓳ ꓣꓴ ꓡꓳ
ꓬꓲꓸ ꓪ ꓠꓬ ꓥꓪ ꓠꓴ ꓔꓯ ꓗꓪꓺ ꓡꓰ ꓝꓲ ꓢꓲꓸ ꓙꓵꓽ ꓠꓲꓹ ꓫꓵ ꓡꓳ
ꓥꓪ ꓠꓴ ꓠꓬ ꓕꓲ ꓠꓲꓹ ꓕꓲ ꓪ ꓟ ꓠꓯꓸꓼ ꓗꓪ ꓣꓳ ꓗꓴꓷꓼ ꓐꓱ ꓶ ꓛꓲ ꓙ ꓡꓯꓼ ꓙ ꓔꓬ ꓡꓳ
ꓬꓲꓸ ꓪ ꓠꓬ ꓣꓳ ꓟꓽ ꓫꓱꓸ ꓡꓯ ꓘꓳ ꓟ ꓔꓯ ꓐꓶꓽ ꓧꓽ ꓡꓰ ꓓꓴ ꓚꓱꓹ ꓬꓰ ꓡꓳ
ꓥꓪ ꓠꓴ ꓠꓬ ꓟꓽ ꓫꓱꓸ ꓡꓯ ꓘꓳ ꓟ ꓮ ꓙꓵꓽ ꓕꓲ ꓠꓲꓹ ꓕꓲ ꓪ ꓒꓬꓱꓼ ꓡ ꓝꓲ ꓡꓳ
ꓬꓲꓸ ꓪ ꓠꓬ ꓕꓲ ꓣꓳ ꓡꓲꓸ ꓕꓲꓳ ꓣꓳ ꓔꓯ ꓒꓯꓽ ꓩꓴ ꓡ ꓡꓳ
ꓥꓪ ꓠꓴ ꓠꓬ ꓕꓲ ꓣꓳ ꓡꓲꓸ ꓕꓲ ꓣꓳ ꓔꓯ ꓘꓳ ꓣꓴ ꓔꓬ ꓡꓳ
ꓣꓳ ꓠꓬ ꓮ ꓕꓯ ꓟꓲ ꓟꓽ ꓠꓽ ꓡꓰ
ꓣꓳ ꓠꓬ ꓮ ꓕꓯ ꓟꓲ ꓛꓲ ꓝꓲꓸ ꓟꓽ ꓖꓶꓽ
ꓣꓳ ꓠꓬ ꓧꓪꓸ ꓡꓰ ꓥꓳ
ꓬꓲꓸ ꓟꓶꓽ ꓗꓪ ꓣꓳ ꓠꓬ꓾ ꓠꓬꓲ ꓟꓳ ꓓꓴ꓾ ꓔꓱꓹ ꓚꓵ ꓟ꓾ ꓢꓲ ꓡꓲꓹ ꓟ꓾ ꓶꓼ ꓙꓳ ꓟ꓾ ꓔꓬ ꓕꓶ ꓡꓰ ꓟ꓾ ꓡꓲꓹ ꓗꓷ ꓟꓶ ꓟ꓾ ꓟꓽ ꓒꓯꓽ ꓟ ꓐꓰ꓾ ꓝꓯ-ꓓ-ꓬꓯ ꓓꓰ-ꓟꓳ-ꓗꓯ-ꓢꓰ ꓪ ꓓꓴ ꓥꓳ
ꓣꓳ 54 ꓪꓹ ꓟ ꓡ ꓞꓳ ꓐꓴ ꓧꓪꓸ ꓡꓰ ꓥꓳ
ꓣꓳ ꓧꓪꓸ ꓡꓰ ꓥꓳ=
ꓧꓸꓰꓸ ꓓꓣꓸ ꓢꓮ ꓢꓮ
27 ꓙꓴꓠꓰ 2021
