ꓟꓶ-ꓚꓲ-ꓠ ꓡꓳ ꓒꓱ꓾ ꓮ-ꓡ ꓘꓹ ꓗꓪ 2022 ꓘꓳꓼ 9 ꓦ 17 ꓠꓬꓲ ꓕꓯꓽ ꓟꓬ-ꓟ ꓟꓯꓼ ꓐꓴ ꓡꓰ ꓡꓲ-ꓢꓴ ꓒꓽ ꓕꓲ ꓣꓳ ꓔꓯ ꓐꓶ ꓢꓰꓼ ꓢꓲ꓾ ꓫꓵꓻ ꓟꓳꓻ ꓮ ꓔꓳꓸ ꓛꓴ ꓗꓷꓳ꓾ ꓐꓯ ꓡꓳ꓿
ꓟꓬ-ꓟ ꓟꓯꓼ ꓡꓰ ꓐꓶ ꓢꓰꓼ ꓢꓲꓸ ꓫꓵꓻ ꓟꓳ ꓛꓴ ꓪ ꓡꓰ ꓢꓴ ꓠꓬ꓾ ꓮ-ꓡ ꓘꓹ ꓗꓪ ꓔꓬ ꓟ ꓡꓯ-ꓟꓯ-ꓓꓶꓸ (35 ꓘꓳꓼ) ꓥ ꓡꓳ꓿
ꓫꓵꓽ ꓪꓳꓼ ꓐꓴ ꓖꓼ ꓫꓺ ꓔꓬ ꓟ
ꓬꓲꓸ ꓠꓬ ꓬꓲꓻ ꓙꓬ ꓡꓳꓺ ꓗꓪ ꓐꓰ ꓦꓲ ꓗꓪ ꓡ ꓡˍ ꓟ ꓙ ꓖꓴ ꓗꓪ ꓟꓬ-ꓟ ꓟꓯꓼ ꓐꓴ ꓔꓯ ꓥꓶꓼ ꓕꓱꓼ ꓜꓲ ꓡꓯ ꓘꓳ ꓡꓰ ꓢꓲ꓾ ꓐꓶ ꓢꓰꓼ ꓟ ꓥ ꓡꓳ꓾ ꓐꓶ ꓢꓰꓼ ꓓꓳ ꓡꓰ ꓕꓯꓽ ꓮ ꓔꓳꓸ ꓛꓴ ꓗꓷ ꓐꓶ꓾ ꓐꓰ ꓖꓳ ꓗꓪ ꓔꓬ ꓢꓴ ꓕꓲ ꓣꓳ ꓡꓰ ꓐꓯˍ ꓡꓳ꓿
ꓬꓲꓸ ꓠꓬ ꓠꓬꓹ ꓐꓶ ꓡ ꓛꓴꓸ (ꓟꓲꓽ ꓦꓲ ꓢꓯꓼ ꓕꓴꓸ ꓔꓸ ꓟ) ꓔꓯꓹ ꓡˍ ꓟ ꓗꓪ꓾ ꓟꓯꓼ ꓐꓴ ꓡꓰꓽ ꓗꓽ ꓡ ꓠꓬ꓾ ꓙꓳꓺ ꓢꓲꓸ ꓔꓶꓹ ꓛꓰꓹ ꓟ ꓗꓪ ꓖꓼ ꓐꓶ ꓢꓰꓼ ꓟ ꓥꓳ꓾ ꓐꓯ ꓡꓳ꓿
ꓮ-ꓡ ꓘꓹ ꓠꓬ ꓟꓶ-ꓚꓲ-ꓠ ꓡꓳ ꓒꓱ ꓔꓱꓹ ꓫꓵꓺ ꓗꓪ ꓐꓰ ꓟꓲꓺ 10 ꓕꓶꓹ ꓛꓲ ꓙꓳˍ ꓟ ꓞꓳ ꓘꓹ ꓕꓲ ꓟ ꓥ ꓡꓳ꓿
