ꓮꓳ-ꓢ-ꓢꓴ-ꓚꓰꓽ ꓦꓵ ꓦꓬꓼ ꓠꓬꓲ ꓗꓪ ꓕꓲ ꓐꓱ ꓪ ꓘꓴ ꓙ꓾ ꓕꓲ ꓐꓱ ꓫꓵꓻ ꓟꓳ ꓬꓲꓸ ꓚꓬꓼ ꓔꓵꓸ -

ꓠꓬꓲꓸ ꓠꓬꓲ 2022 ꓘꓳꓼ 6 ꓦ 19 ꓠꓬꓲ꓾ 77 ꓘꓳꓼ ꓟ ꓮꓳ-ꓢ-ꓢꓴ-ꓚꓰꓽ ꓦꓵ ꓦꓬꓼ ꓠꓬꓲ ꓗꓪ ꓡ ꓞꓳ ꓕꓲ ꓐꓱ ꓠꓬ ꓬꓲꓸ ꓐꓱ ꓶ ꓪ ꓘꓴ ꓙ ꓔꓬ ꓢꓲ꓾ ꓕꓲ ꓐꓱ ꓠꓬ ꓬꓲꓸ ꓫꓵꓻ ꓟꓳ ꓬꓲꓸ ꓚꓬꓼ ꓬꓰ ꓢꓲꓸ ꓡꓱ ꓜꓳ ꓗꓪ ꓔꓵꓸ ꓠꓰ ꓬꓰ ꓗꓷꓳ꓿

ꓮꓳ-ꓢ-ꓢꓴ-ꓚꓰꓽ ꓔꓯ ꓑꓓꓝ/ꓠꓴꓖ ꓐꓰ꓾ ꓬꓲ ꓔꓯ ꓠꓲꓹ ꓠꓵˍ ꓟꓵ ꓗꓳꓹ ꓓꓵ ꓓꓵ ꓗꓪ ꓟ ꓟꓬ-ꓟ ꓑ ꓫꓬ ꓐꓴ ꓡꓰ ꓪꓽ ꓘꓴ ꓙ ꓟˍ ꓡꓰꓽ ꓟꓽ ꓞꓲ꓾ ꓮ-ꓢꓰ-ꓬ ꓗꓴꓷꓼ ꓐꓴ ꓗꓪ ꓐꓰ ꓬꓲꓸ ꓐꓱ ꓶ ꓒꓴ ꓒꓴ ꓡꓯ ꓡꓯ ꓪꓽ ꓘꓴ ꓙ ꓢꓴ ꓠꓬ ꓢꓰ-ꓖ-ꓑꓳ ꓗꓴꓷꓼ ꓐꓶꓽ ꓗꓴꓷꓼ ꓔꓯ ꓟꓳꓸ ꓢꓲꓽ ꓒꓽ ꓓꓽ ꓟ ꓘ-ꓣꓲ-ꓫꓵ-ꓠ ( Vivian Balakrishnan) ꓥ ꓡꓳ꓿

“ꓠꓲꓹ ꓠꓵˍ ꓟ ꓓꓳ-ꓮꓳ-ꓢ-ꓢꓴ-ꓚꓰꓽ ꓠꓴ ꓕꓲ ꓣꓳ 77 ꓘꓳꓼ ꓗꓹ ꓛꓲ ꓟ ꓦꓵ ꓦꓬꓼ ꓠꓬꓲ ꓘꓳ ꓣꓴ ꓟꓶ ꓝꓲ ꓠꓲꓹ ꓫꓵ ꓡꓳ꓿ ꓧꓪ ꓖꓳ ꓓꓱ ꓔꓬ ꓢ꓾ ꓥꓳ ꓡꓳꓸ ꓓꓴˍ ꓐꓰ ꓓꓵꓽ ꓙ ꓔꓸ ꓟ ꓐꓲ ꓜꓲꓼ ꓡꓰ ꓝꓲ꓿ (Wishing a Happy 77th Birthday to dear Daw Aung San Suu Kyi. May you continue to be blessed with good health, hope and fulfilment)” ꓐꓰ Facebook ꓗꓪ ꓟꓲꓸ ꓟꓲ ꓠꓯꓼ ꓠꓯꓼ ꓬꓲꓸ ꓐꓬꓱꓽ ꓐꓰ ꓕꓲ ꓔꓺ ꓐꓳ ꓩꓴ ꓡ ꓡꓳ꓿

ꓟꓯꓼ ꓔꓯ ꓪꓽ ꓢꓲꓸ ꓮꓳ-ꓢ-ꓢꓴ-ꓚꓰꓽ ꓔꓯ ꓔꓳꓹ ꓢꓴ ꓕꓲ ꓜꓴ ꓠꓬ꓾ ꓟ-ꓓꓲ-ꓡꓲ ꓟꓵꓽ꓾ ꓑ-ꓔꓲ-ꓙꓰꓸ ꓡꓳ ꓒꓱ꓾ ꓓ-ꓧꓼ-ꓔꓳꓹ ꓡꓱ ꓜꓳ ꓓꓰꓺ ꓗꓪ ꓮꓳ-ꓢ-ꓢꓴ-ꓚꓰꓽ ꓫꓵꓻ ꓢꓲꓸ ꓬꓲꓸ ꓫꓵꓻ ꓟꓳꓻ ꓫꓺ ꓑꓮꓲ ꓬꓲꓸ ꓚꓬꓼ ꓕꓲꓽ ꓟ ꓔꓯ ꓟꓶ ꓘꓶꓼ 5 ꓙꓵꓹ ꓗꓪ ꓬꓰˍ ꓡꓳ꓿