2026 ꓘꓳꓼ 8 ꓦ 3 ꓠꓬꓲ ꓠꓯꓼ ꓝꓲꓸ ꓕꓯꓽ ꓮꓳ-ꓢ-ꓢꓴ-ꓚꓰ ꓔꓯ ICRC ꓟꓬꓱꓽ ꓬꓰ ꓢꓴ Mr. Arnaude de Baqque ꓡꓰ ꓜꓲ ꓡꓯ ꓘꓳˍ ꓟ ꓐꓬꓱꓽ ꓓꓳ ꓡ ꓡꓳ꓿ ꓢꓷꓸ ꓙ ꓟꓴ ꓙ ꓩꓴ ꓡ ꓟ ꓐꓬꓱꓽ ꓗꓪ ꓞꓲ ꓠꓲꓹ 7 ꓦ 19 ꓠꓬꓲ ꓕꓯꓽ꓾ ꓮꓳ-ꓢ-ꓢꓴ-ꓚꓰ ꓦꓵ ꓦꓬꓼ ꓠꓬꓲ ꓗꓪ ꓓꓱꓽ ꓔꓸ ꓟ ꓐꓬꓱꓽ ꓥ ꓟꓲ ꓕꓱꓹ ꓞ ꓡꓳ꓿
ꓮ ꓟꓶ ꓙꓵꓽ ꓪ ꓙꓳ ꓢꓴ ꓟꓰꓹ-ꓮꓳ-ꓡꓮꓲ ꓕꓮꓲꓹ ꓗꓴꓷꓼ ꓗꓪ ꓟꓽ ꓙꓰ ꓢꓰꓽ ꓕꓯ ICRC ꓐꓰ ꓮꓳ-ꓢ-ꓢꓴ-ꓚꓰꓽ ꓔꓯ ꓕꓱ ꓡꓱ ꓜꓲ ꓡꓯ ꓝꓲˍ ꓟ ꓥ ꓢꓲ꓾ 2021 ꓘꓳꓼ 2 ꓦ 1 ꓠꓬꓲ ꓗꓪ ꓐꓰ ꓕ ꓑꓳꓸ 5 ꓘꓳꓼ ꓕꓯꓽ ꓢꓲ ꓗꓷ ꓡꓰ ꓟ ꓗꓪ ꓬꓲꓸ ꓪꓴꓸ ꓕꓲ ꓧꓪꓹ ꓕꓱ ꓡꓱ ꓒꓬꓱꓽ ꓔꓳꓹ ꓟꓬ ꓔꓳꓹ ꓜꓲ ꓡꓯ ꓘꓳ ꓟꓶˍ ꓟ ꓥ ꓡꓳ꓿
ꓖꓳ ꓡꓱ ꓥ ꓟꓲ ꓐꓬꓱꓽ ꓠꓬ ꓙꓲ ꓙꓲ ꓕꓯꓹ ꓻꓯꓹ ꓟꓽ ꓗꓹ꓾ ꓝꓮꓲ ꓲꓚꓣꓚ ꓗꓪ ꓐꓰ꓾ ꓝꓮꓲ ꓠꓱꓸ ꓐꓯꓼ ꓕꓲ ꓜꓴ ꓜꓴ ꓗꓪ ꓐꓰ ꓐꓬꓱꓽ ꓕꓱ꓾ ꓓꓳꓽ ꓕꓱ ꓟ ꓔꓯ ꓜꓳˍ ꓡꓳ꓾ ꓐꓰ ꓐꓯ ꓢꓴ ꓓꓳꓽ ꓕꓱ ꓟ ꓐꓳ ꓔꓬ ꓕꓲꓽ ꓑꓹ ꓗꓪ ꓛꓲ ꓟꓽ ꓓꓳ ꓡ ꓢꓰꓽ꓿
