ꓟꓬ-ꓟ ꓐꓶꓽ ꓡꓲꓽ ꓮꓳ-ꓡꓼ ꓐꓰ ꓙ-ꓑ ꓒꓽ Okami ꓠꓬ 2022 ꓘꓳꓼ 19 ꓠꓬꓲ ꓕꓯꓽ ꓙ-ꓑ ꓟꓵꓽ ꓗꓪ ꓟꓟꓮ ꓚꓴꓹ ꓓꓶꓽ ꓡꓯ ꓘꓳ ꓑꓮꓲ ꓗꓪ ꓞꓸ ꓡꓯ ꓘꓳ ꓓꓴ ꓥꓳ꓿
ꓮꓳ-ꓡꓼ ꓟꓬ-ꓟ ꓐꓶꓽ ꓡꓲꓽ ꓐꓯ ꓢꓲꓸ ꓟꓬꓱ ꓓꓳꓽ ꓙꓳ ꓢꓴ ꓥ ꓢꓲ꓾ ꓣꓯ-ꓠ-ꓓꓰ-ꓬ ꓔꓯ ꓞꓳꓸ ꓡꓰ ꓠꓬꓲ ꓮ ꓟꓶ ꓠꓬ ꓙꓴꓽ ꓧꓶꓹ ꓟꓽ ꓙꓳˍ ꓟ ꓓꓶꓽ ꓡꓯ ꓘꓳ ꓒꓽ ꓕꓲꓽ ꓣꓳ ꓥ ꓡꓳ꓿
ꓙ-ꓑ ꓒꓽ Okami ꓠꓬ ꓴꓝꓚ ꓗꓪ Anderson Silva, Jake Shields, Rich Franklin, Chael Sonnen and Mark Munoz ꓐꓴ ꓔꓯ 21 ꓧꓪꓹ ꓓꓶꓽ ꓔꓳꓼ ꓡꓯ ꓘꓳ ꓠꓬꓲ ꓢꓴ ꓥ ꓡꓳ꓿ ꓖꓳ ꓡꓱ ꓥ ꓟꓲ꓾ ꓟꓽ ꓓꓶ ꓡꓯ ꓘꓳ ꓔꓬ ꓟ ꓟꓶ ꓫꓵ ꓫꓵ ꓗ ꓬꓰ ꓢꓴ ꓤꓹ ꓡꓯꓼ ꓒꓽ ꓕꓲꓽ ꓣꓳ ꓥ ꓡꓳ꓿
ꓓꓶꓽ ꓡꓯ ꓘꓳ ꓑꓮꓲ ꓕꓱ ꓟ ꓠꓬ ꓮꓳ-ꓡꓸ ꓠꓰ ꓛꓲꓸ ꓛꓲꓸ ꓠꓰ ꓟꓽ ꓓ ꓢꓲꓸ ꓒꓬꓱꓼ ꓡ ꓟ ꓥ ꓡꓳ꓾ꓐꓰ ꓢꓷꓸ ꓢꓴ ꓐꓴ ꓡꓰ ꓢꓪꓼ ꓡꓳ꓿
