ꓮꓝꓣꓲꓚꓮ ꓗꓴꓷꓼ 8 ꓗꓴꓷꓼ ꓴꓢꓮ ꓗꓪ ꓓꓵꓽ ꓓꓳ ꓙ ꓫꓱꓽ ꓟ ꓓꓽ ꓕꓵꓼ ꓪ

ꓪꓧꓳ ꓗꓪ ꓐꓰ ꓧꓪ ꓟꓶ ꓡꓰ_ ꓟ ꓚꓳꓦꓲꓓ-19 ꓠꓸꓹ ꓫꓵꓽ (ꓠꓸꓹ ꓐꓶ ꓓꓲꓽ) ꓬꓲꓸ ꓫꓵꓼ ꓕꓲ ꓫꓵꓽ ꓠꓬ ꓮꓝꓣꓲꓚꓮ ꓗꓴꓷꓼ ꓗꓪ ꓧꓪ ꓟꓶ ꓡꓰ ꓟ ꓑꓶ ꓓꓴ꓾ ꓮꓝꓣꓲꓚꓮ ꓗꓴꓷꓼ ꓗꓪ ꓙꓳ_ ꓟ ꓗꓴꓷꓼ (8) ꓗꓴꓷꓼ ꓔꓯ ꓴꓢꓮ ꓗꓪ ꓓꓵꓽ ꓓꓳ ꓙꓰ ꓟꓽ ꓓ ꓐꓰ ꓴꓢꓮ ꓪ ꓔꓲꓸ ꓙoe Biden ꓡꓰ ꓕꓵꓼ ꓪ (ꓳꓣꓓꓰꓣ) ꓐꓯ ꓩꓴ ꓡ ꓟ ꓔꓯꓸ ꓬꓲꓸ Twitter ꓗꓪ ꓐꓰ ꓢꓷꓸ ꓙ ꓟꓴ ꓙ ꓔ ꓡꓳ=

The @WHO has identified a new COVID variant which is spreading through Southern Africa. As a precautionary measure until we have more information, I am ordering air travel restrictions from South Africa and seven other countries.

— President Biden (@POTUS) November 26, 2021

ꓠꓸꓹ ꓫꓵꓽ ꓬꓲꓸ ꓫꓵꓼ (Omicron) ꓕꓲ ꓟ ꓠꓬ ꓧꓶꓸ ꓕꓯ ꓟ ꓕꓯ ꓢꓲꓸ ꓚꓵꓼ ꓢꓹ_ ꓟ ꓠꓸꓹ ꓫꓵꓽ (ꓐꓶꓽ ꓓꓲꓽ) ꓕꓲ ꓟ ꓥ ꓡꓳ ꓐꓰ ꓪꓧꓳ ꓗꓪ ꓐꓰ ꓢꓷꓸ ꓙ ꓟꓴ ꓙ ꓗꓸ ꓠꓯꓸꓼ꓾USA ꓪ ꓔꓲꓸ Joe Biden ꓠꓬ ꓠꓯ ꓞꓲꓼ ꓗꓽ ꓚꓴꓽ ꓬꓲꓼ ꓖꓶ ꓢꓴ ꓢꓲꓽ ꓒꓽ ꓓꓽ ꓟ Dr. Anthony Fauci ꓐꓰ ꓖꓪ ꓙꓱ ꓡꓯ ꓘꓳ ꓢꓲꓸ ꓕꓴꓽ ꓪ ꓐꓯ ꓞꓷꓹ ꓗꓷ_ ꓟ ꓥ ꓡꓳ=

ꓴꓢꓮ ꓗꓴꓷꓼ ꓗꓪ ꓓꓵꓽ ꓓꓳ ꓟ ꓓꓹ ꓟ ꓗꓴꓷꓼ ꓠꓬ꓾ (1) Malawi (2)Zimbabwe (3)Botswana(4)Namibia(5)South Africa(6)Zozambique(7)Eswatini and (8) Lesotho ꓗꓴꓷꓼ ꓐꓴ ꓥ ꓡꓳ= ꓕꓴꓽ ꓪ ꓕꓲ ꓟ ꓠꓬ ꓡ ꓠꓹ ꓟ ꓠꓽ ꓕꓲ ꓠꓬꓲ(11-29-2021) ꓗꓪ ꓐꓰ ꓪꓴꓸ ꓔꓴ ꓓꓴ ꓥꓳ ꓐꓰ ꓐꓳ ꓔ ꓡꓳ=ꓴꓢꓮ ꓑ ꓫꓬ ꓐꓴ ꓔꓯ ꓥ_ ꓟꓲ ꓖꓳ (8) ꓗꓴꓷꓼ ꓗꓪ ꓟ ꓙꓰ ꓠꓹ ꓟ ꓢꓯꓼ ꓖꓶ ꓔ ꓡꓳ=