ꓬꓴ-ꓗ-ꓣꓲꓸ ꓐꓱ ꓶ ꓟꓯꓼ ꓓꓶꓽ ꓙ ꓠꓹ ꓟ ꓟꓲ ꓠꓯ ꓗꓴꓷꓼ 52 ꓗꓴꓷꓼ ꓗꓪ ꓐꓰ 20000 ꓣꓳ ꓛꓲ ꓟꓬꓱꓺ ꓖꓶꓽ ꓔꓸꓳ ꓐꓰ ꓬꓴ-ꓗ-ꓣꓲꓸ ꓐꓶꓽ ꓗꓴꓷꓼ ꓔꓯ ꓟꓳꓸ ꓢꓲꓽ ꓒꓽ ꓓꓽ ꓟ Dmytro Kuleba ꓡꓰ 2022 ꓘꓳꓼ 3 ꓦ 7 ꓠꓬꓲ ꓕꓯꓽ ꓐꓯ ꓩꓴ ꓡ ꓡꓳ꓿
“ꓬꓲ ꓪ ꓔꓯ ꓬꓴ-ꓗ-ꓣꓲꓸ ꓐꓱ ꓶ ꓟꓯꓼ ꓓꓶꓽ ꓙ ꓢꓴ ꓟꓵ ꓗꓳ ꓓꓵ ꓓꓵ ꓟꓯꓼ ꓜꓴ ꓗꓪ ꓟꓬꓱꓽ ꓖꓶ ꓓꓴ ꓥꓳ” ꓐꓰ Dmytro Kuleba ꓡꓰ ꓐꓯˍ ꓡꓳ꓿
ꓬꓴ-ꓗ-ꓣꓲꓸ ꓔꓯ ꓔꓺ ꓢꓲꓸ ꓟꓯꓼ ꓬꓰ ꓙ ꓢꓴ ꓖꓳ ꓟꓬ ꓟ ꓠꓬ ꓟꓯꓼ ꓤꓹ ꓔꓸ ꓢꓴ꓾ ꓟꓯꓼ ꓡꓵꓺ ꓟꓯꓼ ꓟꓳꓽ ꓟꓬꓽ ꓡꓳ ꓐꓰ ꓢꓷꓸ ꓪ ꓡꓳ꓿
ꓬꓴ-ꓗ-ꓣꓲꓸ ꓗꓴꓷꓼ ꓙꓵꓽ ꓢꓴ Volodymyr Zelensky ꓡꓰ ꓗꓳꓸ ꓗꓷ ꓟ ꓠꓬꓲꓽ ꓠꓽ ꓕꓯꓽ ꓟꓯꓼ ꓢꓰꓼ ꓗꓽ ꓙ ꓡꓯ ꓐꓰ ꓒꓴ ꓒꓴ ꓡꓯꓽ ꓡꓯꓽ ꓓꓰꓽ ꓘꓴ ꓩꓴ ꓡ ꓟ ꓔꓯ ꓗꓴꓷꓼ 52 ꓟ ꓗꓪ ꓐꓰ ꓟꓯꓼ ꓡꓵꓺ ꓟꓬꓽ ꓠꓬꓲ ꓓꓽ ꓔꓳꓹ ꓩꓴ ꓡ ꓟ ꓥ ꓡꓳ꓿
